خليفة: الباب مفتوح.
موزة: مرحبا خليفة راقد؟.
خليفة: لا ليش شي تبين؟.
موزة: هيي
خليفة: شو.
موزة بتردد: سلامي وعمتها متصلات ويبونا انروح وياهم.
خليفة: انتي ومنو؟.
موزة: اسما وعيالها واحمد.
خليفة: انزين وين يبون؟
موزة: يبون يروحون صوب مبزرة
خليفة بسرعة: لا محد منكم بيروح.
موزة: ليش؟
خليفة: بدون ليش انا ماريدكم تروحون وحتى سلامة وعمتها مابيروحون.
موزة: سمعتي شوقال؟.
سلامة: كنت متأكدة ان مابيطيع.
خليفة يبتسم: سلامة ماشي طلعه من البيت.
موزة تعطي خليفة التلفون , خليفة:منو؟.
موزة: عمتهم تبى ترمسك.
خليفة: الو.
العمه: مرحبا خليفةشحالك؟
خليفة: الحمدلله بخير شحالج ام شمسة؟.
العمه: بخير الحمدلله, شوعلومك؟.
خليفة: والله العلوم عندكم
العمه: ليش ما تخلينا نروح.
خليفة: وين تبن تروحن؟
العمه: بنسير مبزرة بنلاعب اليهال فالحديقة وبنرجع بسرعة.
خليفة: انا ما علي متى تردون بس.
العمه: بس شو؟.
خليفة: يا ام شمسة انتن بتروحن مكان عام وانتي تعرفين الشباب وايد يسيرون مبزرة وانتن حريم ماشي وياكن رياييل الا الدريوليه والشباب مايسوون سالفة للدريولية.
العمة: ما تثق فينا انا وحرمةاخوك؟.
خليفة: مب سالفة ثقه , فالثقة انا واثق فيكم كلكم بس مااثق بالشباب بيلعوزنكم وما بتاخذون راحتكم.
العمة: انزين انت ليش ما تيويانا؟.
خليفة: تبني انا اروح وياكن وانتن كلكن حريم حتى فضيحة.
العمة: ما فيها شي نحن اهلك اقعد ويانا.
خليفة: صراحة ما احب اقعد مع الحريم صدعه.
العمه: نحن صدعه؟.
خليفة: هييه صدعه ورمستكن كل حش فالناس.
العمة: الله يسامحك , ما بيوزك بنتي.
خليفة: هاهاهاهاها اي وحده منهن.
العمة: موزان ما شي غيرها شمسة لغانم و موزان لك بعد ماودرها اخوك نذل فيها وخذ مريوم الحين حد يودر القمر ويسير عند النجوم.
خليفة: هاهاهاهاهاهاها ما عنده عيون.
العمة: وانت بعد ما شي تودرها وتاخذغيرها.
خليفة: خلاص بنتج بتكون الثانية.
العمة: انا بنتي تاخذها على عديله والله تراني ما ايوزك اياها.
خليفة: عاد جنها هي اللي تباني انا بيكون عمري خمسين وهي توها 18 ما بطيع تاخذني انا شيبه حتى ابوها مابيوافق.
العمة: انا ما علي منها ومن ابوها بيوزك اياها بس عنديشروط
خليفة: شو شروطج؟.
العمة: تسكنها فبيت بروحها وتحطلها دريول وبشكار وخدامه وتشتريلها اغلى سيارة ومهرها يكون 100 الف.
خلبفة: خيبة بنتج وايد غالية اذا مهرها 100 الف عيل الله يعيين كم بطلبون بس عشان تفصل والاشياء الثانية اكيد نص مليون انتي شروطج يبالهن مليونين من وين تبيني اطلع كل هذا لو بعدني قاعد على بنك حشى علي بنتج ماباها.
العمه: غصبن عنك بتاخذها بس اصبر لين ما تكبر الحين انابسكر الموضوع.
خليفة: يكون احسن
العمة: شو الحين قلت.
خليفة: عن شو؟.
العمة: ما بتخلينا نروح
خليفة: شو رايكن تروحن حديقة البصرة مب أحسن
العمة: نحن عفناها حديقة البصرة بس ما عليه بنروح.
خليفة: انزين شورايج يوم الخميس نوديكم مبزرة؟؟
العمة: شمعنى يوم الخميس
خليفة: لأن غانم ومحمد وسيف بيكونون موجودين و بنسيركلنا.
العمة: أنا ما قدر ريلي بيي باجر ما قدر أطلع و خليه بروحه.
خليفة: شفتي مالج حظ.
العمة: شسوي النحاسة وراي وراي بس الحمد الله على كل شي.
خليفة: انزين متى بطلعن؟؟
