محمد: نظراتكم كانت تفضحكم.
سيف: هذا الاسبوع إن شاء الله بقول لأهلي يخطبونها لي.
محمد: اخيرا ما بغيت تتحرك البنت كم خطبوها وعمي كان يردهم لنها صغيرة والحين مريم تردهم عشانك.
سيف: غصبن عنها ترفضهم مب برضاها.
محمد: لاوالله.
سيف: اسمع انت بعد صح خطبت قبلي بس الملجة والعرس بنسويهم مع بعض فاهم.
محمد يضحك: إن شاء اللهههههههه.
ودخل غانم: ليش اضحكون ضحكوني وياكم.
سيف: بنقولك فسيارة خلنا نطلع عنبوك خذت ساعةكامله بس تتسبح وتصلي و المشكلة اني قايلك اتسبح بسرعة عيل لو ما قلت شوبتسوي.
غانم: لا تزيدني بروحي مصدع.
وبالباجر يوم الثلاثاء مريم ماداومت بعد ماصدمتها امها ان يوم الخميس بيخطبونها رسمي وعلى الساعة خمس اتصلت موزة بسلامةوقالتلها انها تبى تروح عند مريم وسلامة واتفقن على الساعة 6 وعلى الساعة خمس ونص موزة راحت عند خليفة.
موزة: شحالك خليفة
خليفة: الحمدلله بخير ,,أزبدة شوتبين.
موزة ابتسمت: محد فاهمني فالبيت كثرك.
خليفة: موزان قولي شو تبين لا تسويلي فلم هندي.
موزة: خليفة حبيبي ودني بيت خالوه.
خليفة: كلمة حبيبي ما تطلع الا فالمصلحة يلا قومي بوديج.
موزة:مشكور.
وصل خليفة موزة بيت خالته وروح دخلت موزة وما لقت حد فالصالة الا البشكارة.
موزة: السلام عليكم لاني وين خالوه.
لاني: وعليكم سلام ماما ما في موجود روح مزرعه.
موزة: هييه راحو المزرعة عيل وين سلامة.
لاني: في فوق حجره.
موزة: الله يخلي الرمسه محلاها
راحت فوق عند حجرة سلامة دقت الباب بس سلامة مافتحتلها.
موزة: سلامي انا ييت فتحي الباب.
سلامة ماردت عليها: هذي وين راحت. وفتحت الباب.
موزة: السلام عليكم .. عنبو وين راحت ومحد فالبيت – كانت بتطلع بس سمعت الماي – يعني تتسبح – ودقت الباب بقو – سلامي بسج يلاطلعي.
سلامة تروعت: شفيج انتي روعتيني جيه يدقون الباب.
موزة: ههههههه يلا خلصي اناييت.
سلامة: انزين ييتي شو تبيني اسويلج ادقلج طبل.
موزة: لا خلصي عشان نروح.
سلامة: انزين عن الحشرة صبري شوي علي الحين بطلع.
بعد ربع ساعة طلعت سلامة وشافت موزة ماسكه قصةوتقرأ.
موزة: حشى كل هذاسبوح.
سلامة:أذن.
موزة: لابعده.
سلامة: شوتقرين.
موزة: الهدف القاتل الجزء 42 رجل المستحيل صراحه عيبني.
سلامة تبتسم: عيل لو تقرين السلسلة كلها شوبتقولين.
أذت الاذان صلن وقعدن يسولفن شوي.
سلامة/ يلا نروح مافينانتاخر.
موزة: كيف نروح البيت محدفيه.
سلامة: الحين قوم امي بييون.
نزلن تحت وهن طالعات وقفت سيارة جدامهن ونزلو ام محمد و بومحمد.
ام محمد: مرحبا مرحبا بالموز.
سلمت موزة على خالتها وريل خالتها.
بومحمد: وين تبن تروحن.
سلامة: بنروح بيت عمي عند مريم صارلها يومين مب مداومه.
بومحمد: و شعنه ماداوم.
سلامة:ماعرف.
بومحمد وهو ساير داخل: بنات آخر زمن من ينخطبن يودرن الدراسة ما عرف ليش ما يدرن ان الشهادة فهذا الوقت سلاح الحرمه.
موزة بصدمه: منو الي انخطب لا يكون يقصدمريم.
سلامة بحزن: هييه مريم.
موزة: منوخطبها.
سلامة: سالم ولدخالها.
موزة: لا يكون سالم نفسه الي مريم مااطيقه.
سلامة: للأسف هونفسه.
موزة:وافقت؟؟.
سلامة: هييه وافقت.
موزة: كيف وافقت هي من كلامها ان مب زين لا يكون غاصبينها عليه.
سلامة: لا محد غاصبنها هي تباه.
موزة: ماصدق.
