وبعد أسبوعين, سلامة فبيت عمتها.
سلامة: هاا موزان تقولج عموه بيتين عدنا.
موزة: خاطري بس والله ما عندي حد يوصلني.
سلامة: وين الدريول.
موزة: أمي شالتنه ورايحه عند عرب و أبوي و خليفة محد و عبدالله طالع مع عياله وحرمته وأحمد ,, ومريم فبيت أهلها يعني انا بروحي وميته ملل.
سلامة: انزين بنطرشلج دريول عموه.
موزة: اركب وياه بروحي؟!!.
سلامة:اووه صح نسيت.
موزة: ماشي حل الا انج ترمسيني.
سلامة: أنا أبى ألعب مع سعودي مب متفيجتلج.
موزة: حرام أهون عليج أقعد بروحي.
سلامة: والله مب مشكلتي.
موزة: سلامي والله م.... لحظة اسمع صوت سيارة .. هذاخليفة.
سلامة: خلاص قوليله اييبج عدنا.
موزة: اوكي بقوله واذا ما طاع بقوله سلامي تباني.
سلامة: يا ويلج ذذا قلتي انا ما باج.
موزة: باي.
سلامة: أنا ما اباج لا تيينا.
موزة تضحك: هاهاهاهاها مع السلامة.
سلامة: مع السلامة.
ام سعيد ( العمه): شوفيج؟.
سلامة: أوين بتقول لخليفة ودني عند سلامة هي تباني.
ام سعيد: انزين شوفيها خليها تاخذ فوايد من ورا هذيالخطوبة.
سلامة: انزين تاخذ بس مب من ورا اسمي.
ام سعيد: هي من بتقوله سلامة تباني ما بيقوللا.
سلامة: لا والله , ليش يعني على راسي ريشة.
ام سعيد: لا خطيبته.
سلامة تغير الموضوع: سعود وين؟.
ام سعيد: داخل عند شموس و موزان.
سلامة: حرام عليج هن يبن يلعبن وانتي تمسكينهن ولدج.
ام سعيد: انا ما قلتلهن لا يلعبن وبعدين فديته سعود قاعد عدالهن ما يقول شي يلعب بروحه.
سلامة: بيبه من عندهن.
ام سعيد: قولي جيه من قبل تبين تلعبين وياه مب تفتحين محاضره.
سلامة: هاهاهاهاها شسوي ولدج مخبلبي عادي اكله.
ام سعيد: لا مب عادي.
راحت سلامة ويابت سعيد.
ام سعيد: وين تلفوني؟.
سلامة: فحجرتج.