🌼 យល់ច្រលំ 🌼
តាំងពីចេញពីបន្ទាយទាហានមក ណាមជុន មិនព្រមហើបមាត់និយាយរកនាងសោះ គិតតែពីជាន់ហ្គ៊ែរឡានលឿនទៅៗ។
អាន់ណា ប្រឹងអង្គុយទប់ខ្លួនសឹងតែកប់ទៅក្នុងពូកឡានទៅហើយ។
ដោយទប់លែងបាន ណាមជុន បាននិយាយឡើងថា៖
" សូម្បីតែប្រុសចាស់ចំណាស់ឪក៏នាងចង់ទាក់ដែរឬ? ខ្ញ៉ំពិតជាមើលងាយនាងពេកហើយ "
នាងតូច អាន់ណា ងាកទៅសួរគេទាំងមុខងើយឆ្ងល់៖
" អ្នកប្រុសនិយាយអ្វីហ្នឹង នាងខ្ញ៉ំមិនយល់ "
" ក៏នាងចង់ទាក់លោក ដូក្វាន់ នោះអី "
" លោកយល់ច្រលំហើយ "
ពាក្យចោទប្រកាន់របស់ ណាមជុន ធ្វើឲ្យនាងហួសចិត្ត នេះគេគិតឃើញរឿងបែបនេះបានយ៉ាងម៉េច។ សូម្បីតែនាងបកស្រាយក៏គេមិនព្រមស្តាប់ យកគំនិតខ្លួនឯងជាធំគ្រប់ពេល។
" ខ្ញ៉ំមិនចង់ស្តាប់ពាក្យដោះសាររបស់នាងទេ "
និយាយចប់អ្នកកម្លោះជាន់ហ៊ែរសឹងតែឡានហោះកើតទៅហើយ។
ទឹកមុខនិងកែវភ្នែកបញ្ជាក់ឲ្យដឹងថាគេមានកំហឹងខ្លាំងកម្រិតណា បើពេលនេះនាងហ៊ានតែនិយាយអ្វីផ្តេសផ្តាស ច្បាស់ជាបានគេសម្លាប់ចោលមិនខាន។
ក្មេងស្រីសម្រេចចិត្តបិទមាត់អង្គុយស្ងៀមៗ រហូតទាល់តែមកដល់ផ្ទះវិញ។
// ភូមគ្រិះត្រកូល កាង
ភូមិគ្រីះដ៏ធំស្កឹមស្កៃបានតាំងទីនៅ លើផ្ទៃដីប្រមាណជាបីហិចតា បរិវេណខាងមុខផ្ទះសម្បូរទៅដោយផ្កាចម្រុះពណ៌ជាច្រើន ថែមទាំងមានដើមឈើតូចធំលម្អទៀតផង បង្ហាញឲកយឃើញពីការមើលថែបានយ៉ាងដិតដល់របស់ម្ចាស់ផ្ទះ។
ចំណែកឯនៅខាងក្នុងផ្ទះវិញមានគ្រឿងសង្ហារឹមតម្លៃថ្លៃនិងប្រណិតជាច្រើន បានដាក់តាំងនៅកន្លែងសមគួរ មើលពីជ្រុងណាក៏បានឃើញពីភាពស៉ីវិល័យរបស់ផ្ទះនេះដែរ។
ថ្វីត្បិតតែភូមិគ្រិះមានទំហំធំមែនពិត ប៉ុន្តែសមាជិកគ្រួសារមានត្រឹមតែបីនាក់ប៉ុណ្ណោះ បើមិនបូករួមទាំងអ្នកបម្រើ។
