🌼 គឺអ្នកប្រុសហ្នឹងហើយ 🌼
តាំងពីថ្ងៃដែលមានវិធីជប់លៀងនៅផ្ទះរបស់លោក ដូក្វាន់ មក ណាមជុន បានបង្ហាណឲ្យគ្រប់គ្នាឃើញយ៉ាងច្បាស់ថាគេមានទំនាក់ទំនងបែបណាជាមួយនឹង អាន់ណា។
គេតែងតែទៅចាំទទួលនាងចេញពីសាលារៀនរាល់ថ្ងៃ ហើយថ្ងៃនេះក៏អញ្ចឹងដែរ។
រាងក្រាស់បានឈប់ឡានទំនើបស៊េរីចុងក្រោយគេបង្អស់នៅមុខសាលា ឈរបង្ហាញរាងដ៏សែនស្រស់សង្ហារបស់ខ្លួន ឲ្យក្រសែភ្នែកគ្រប់គ្នាងាកមកមើលជាគោលដៅតែមួយ។
ក៉ំថាឡើយតែមនុស្សស្រី សូម្បីតែមនុស្សប្រុសក៏មើលមកគេដូចជា នឹកច្រណែននឹងភាពមានបានរបស់អ្នកកម្លោះ និងភាពសម្បូបែបរបស់គេ មើលពីជ្រុងណាក៏គួរឲ្យគយគន់ និងមានអំណាចចេញពីខ្លួនរបស់គេដូចគ្នា។
មួយសន្ទុះកន្លងផុតទៅរាងកាយរបស់ក្មេងស្រីក្នុងសម្លៀកបំពាក់ជាសិស្សសាលាបានបង្ហាញខ្លួនឲ្យអ្នកកម្លោះបានឃើញ។ តែអ្វីដែលធ្វើឲ្យគេមិនពេញចិត្តនោះក៏ព្រោះតែ នាងកំពុងតែនិយាយបណ្តើរសើចបណ្តើរជាមួយនឹងក្មេងប្រុសម្នាក់។
ឃើញបែបនេះ ណាមជុន រហ័សដើរទៅទាញដៃរបស់ អាន់ណា ទាំងនាងតាំងទំហរមិនទាន់ និងនៅមីងមាំងនៅឡើយ សូម្បីតែ យ៉ុនជូ ដែលជាមិត្តភក្តិប្រុសរបស់នាងក៏មានការស្រឡាំងាកាំងដូចគ្នា។
យ៉ុនជូ រហ័សចូលមកចាប់ដៃរបស់ អាន់ណា ព្រោះគេមិនធ្លាប់បានឃើញមុខរបស់ ណាមជុន ពីមុនមកឡើយ ។
" នេះលោកជាអ្នកណា មានសិទ្ធអីមកនាំ អាន់ណា ទៅ? "
ថ្វីត្បិតតែ ណាមជុន មកទទួល អាន់ណា រាល់ថ្ងៃក៏ពិតមែន តែ យ៉ុនជូ មិនធ្លាប់បានឃើញផ្ទាល់ភ្នែកឡើយ ថាបុរសដែលគ្រប់គ្នាល្បីតគ្នាពីមាត់មួយទៅមាត់មួយមានរូបរាងបែបណា ដឹងត្រឹមតែថា អ្នកដែលមកទទួល អាន់ណា ជាបុរសដែលមានទាំងអំណាយនិងទ្រព្យសម្បត្តិ។
ណាមជុន ងាកទៅមើលក្មេងប្រុសដែលហ៊ានមកប្រឆាំងនឹងគេដោយខ្សែភ្នែកកំណាច និងបោះពាក្យសម្តីថា៖
" ឆាប់លែងដៃរបស់នាងភ្លាមទៅ បើឯងមិនចង់ស្លាប់! "
ឃើញស្ថានការណ៍មិនស្រួល អាន់ណា រហ័សជួយនិយាយសម្រួល
