🌼កំពុងប្រចណ្ឌ?🌼
សម្រាប់ លី អាន់ណា ក្មេងស្រីដែលរស់នៅខ្វះភាពកក់ក្តៅតាំងពីតូចដូចជានាង មិនធ្លាប់ស្រមៃនោះទេ ដែលខ្លួនអាចមានឱកាសមកចូលរួមក្នុងកម្មវិធីរបស់អ្នកលំដាប់ជាប់ខ្ពស់បែបនេះ។
មិនថាងាកទៅមើលខាងណានោះទេ សុទ្ធតែជាមនុស្សមានមុខមាត់ មានឋានះក្នុងសង្គម បញ្ចេញរស្មីនៃភាពថ្លៃថ្នូគ្រប់ៗគ្នា។ បើក៉ំតែបានធ្វើជាគូបណ្តើររបស់ ណាមជុន ម្ល៉េះនាងគ្មានថ្ងៃបានឃើញរូបភាព និងទិដ្ឋភាពដ៏មហាឡារឹកបែបនេះទេ។
" ញ៉ំាខេកបន្តិចទេ? "
ណាមជុន ដួសខេករសជាតិស្រ្តបឺរឺមកជិតបបូរមាត់នាងតូច នាងធ្វើបានត្រឹមហាមាត់ទាំងខ្មាស់អៀន ព្រោះមានក្រសែភ្នែកស្រីៗជាច្រើនកំពុងមើលនាង
" ខ្ញ៉ំញ៉ំាខ្លួនឯងបាន! "
" ក៉ំរឹង! គ្រាន់តែហាមាត់ទៅបានហើយ "
" តែគេមើលមកច្រើនណាស់! "
" មិនបាច់ទៅចាប់អារម្មណ៍ទេ "
គេពេញចិត្តពេលបានមើលថែនាងបែបនេះ និងបង្ហាញដោយប្រយោលឲ្យគ្រប់គ្នាដឹង ថានាងនិងគេមានសម្ព័ន្ធភាពនឹងគ្នាបែបណា។
" មកនៅត្រង់នេះសោះ ខ្ញ៉ំខំតាមរកបងជាយូរ "
កំពុងតែផ្អែមល្អែមជាមួយនាងតូចសុខៗ ស្រាប់តែមានមនុស្សស្រីមកកៀកដើមដៃរបស់ ណាមជុន យ៉ាងស្និតស្នាល ហើយគ្មានអ្នកណាផ្សេងក្រៅពី លីនដា នោះទេ។
ឃើញបែបនេះ អាន់ណា ទម្លាក់ទឹកមុខចុះ ក្នុងចិត្តកើតចិត្តប្រចណ្ឌឡើងភ្លាមៗ តែមិនហ៊ានធ្វើអ្វីផ្តេសផ្តាស ខ្លាចទង្វើរបស់ខ្លួននាំឲ្យ ណាមជុន បាក់មុខ។
" ក៉ំធ្វើបែបនេះ លីនដា "
ណាមជុន ព្យាយាមបេះដៃល្អិតដូចតុកកែរបស់ លីនដា ចេញពីដៃរបស់ខ្លួន ព្រោះដឹងថា អាន់ណា កំពុងតែប្រចណ្ឌ។
" ហេតុអីទៅ? អ្នកណាក៏ដឹងថាយើងពីរនាក់កំពុងតែមើលចិត្តគ្នា "
