🌼 មនុស្សពិសេស 🌼
ពេញមួយថ្ងៃនាងតូច អាន់ណា ត្រូវបានអ្នកកម្លោះអូសទៅនេះម្តងអូសទៅនោះម្តង ហើយឥឡូវនេះក៏នាំមកហាងផាត់មុខនិងធ្វើសក់ម្តង។ នាងបានតែសង្ឃឹមថានេះជាកន្លែងចុងក្រោយ ដែល ណាមជុន នាំទៅផងចុះ។
បរិយាកាសក្នុងហាងតុបតែងបានយ៉ាងស្អាតរៀបរយ និងបង្ហាញឲ្យដឹងពីឋានះអ្នកដែលនឹងមកទទួលសេវាកម្ម គឺត្រូវតែជាពួកលំដាប់ហៃសូប៉ុណ្ណោះ ទើបអាចមានសមត្ថភាពចូលហាងនេះបាន។
" អ្នកប្រុសចង់នាំខ្ញ៉ំទៅណា? "
" ពិធីជប់លៀង! "
" ខ្ញ៉ំត្រឹមជាអ្នកបម្រើ អាចទៅចូលរួមពិធីជប់លៀងជាមួយអ្នកប្រុសបានយ៉ាងម៉េចទៅ? "
" ក៏ប្រាប់ហើយតើ ថានាងជាមនុស្សពិសេសរបស់ខ្ញ៉ំ រឿងអីថាទៅមិនបាន "
" តែ... "
" ក៉ំបដិសេធអី អាន់ណា! "
" ចា៎! "
ចុងក្រោយនាងតូចត្រូវព្រមតាមការអូសទាញរបស់អ្នកមានអំណាចជាងស្រាប់ទៅហើយ។
" សួស្តីលោក ណាមជុន ខ្យល់អ្វីបក់លោកមកដល់ហាងរបស់ខ្ញ៉ំទៅ "
" អ្នកនាងជាអ្នកណា? "
ណាមជុន លើកចិញ្ចើមម្ខាងធ្វើមុខឆ្ងល់ មើលទៅកាន់នារីកំពុងឈរចំពោះមុខ ដែលមានរឹកពាដូចស្គាល់គេ ទាំងដែលគេមិនធ្លាប់ស្គាល់នាងទាល់តែសោះ។
" ខ្ញ៉ំឈ្មោះ មីណា ជាមិត្តរបស់ លីនដា ចា៎ "
" អ!បើចឹងអ្នកនាងជួយតុងតែងមុខឲ្យ អាន់ណា ផង!"
" ចា៎បានលោក ណាមជុន "
មីណា បានត្រឹមធ្វើទឹកមុខងើយឆ្ងល់ចំពោះសមាសភាពរបស់នាងតូចមុខស្រស់ ព្រោះតែមិនធ្លាប់ឃើញ ណាមជុន បណ្តើរស្រីណាម្នាក់ចេញមុខចេញមាត់បែបនេះឡើយ។
ដោយមិនចង់គិតនាំតែឈឺក្បាលទទេរៗ មីណា បានរៀបចំឧបករណ៍សម្រាប់តុបតែងមុខនិងធ្វើម៉ូតសក់យ៉ាងស្រស់ស្អាតជូនដល់នាងតូចតែម្តង ដោយមិនសួរនាំអ្វីទាំងអស់ រហូតដល់ពេលផាត់មុខឲ្យ អាន់ណា រួចហើយក៏ដោយ។
