.Unicode
.
"ဟန်ဂျောင်အင်ကရည်းစားအသစ်ရသွားပြီဆိုအဲ့ဒါဟုတ်လား..."
အရင်ကဆိုကျောင်းမှာအကုန်လုံးထက်သတင်းမှန်သမျှသိနေကြဟိုဆော့တယောက်Kingရှုပ်လိုက်တော့မှပဲတခြားသူဆီကပြန်ကြားရတဲ့အဖြစ်ကိုရောက်ကုန်သည်။ဟိုဆော့လည်းပဲသိပ်မယုံလို့Kingနဲ့အမြဲတူရှိနေတဲ့မှန်ကြောင်လေးကိုသေချာအောင်မေးခြင်း။
"အင်းဟုတ်တယ်နဲ့တူတယ်.."
Kingကတောင်မယုံလို့စုံစမ်းဦးမယ်ပြောထားလို့မှန်ကြောင်လေးလည်းအတိအကျကြီးမပြောရဲပါ..။သတင်းကတော့ပြန့်တာမြန်လွန်သည်။
"ဟုတ်တယ်နဲ့တူတယ်ဆိုတော့မင်းလည်းသေချာမသိဘူးလား..အကယ်၍အဲ့ဒါကဟုတ်တယ်ဆိုဦးတော့..မင်းနဲ့သူဟန်ဆောင်နေတာကြီးကအရေးမပါတော့ဘူးလေ..ပွဲကပြီးပြီးမလား..."
"ထယ်ယောင်းကတော့ဆက်ဟန်ဆောင်ပေးဖို့ငါ့ကိုပြောတယ်.."
"ဘယ်လိုတုန်း..သူ့ရည်းစားဟောင်းကရည်းစားတောင်ရသွားပြီလေ..သူကသဝန်တိုအောင်ဆက်လုပ်ချင်သေးတာလား..Kingကနည်းနည်းတော့အကျင့်မကောင်းပေမဲ့သူ့ရဲ့ဇွဲကတော့အံ့မခန်းပဲနော်..တခြားသူသာဆိုဒီလောက်ထိစောင့်နေမှာမဟုတ်ဘူး.."
ဟိုဆော့ပြောသလိုပါပဲ..။အကုန်လုံးကသိက္ခာအကျမခံချင်တဲ့လူတွေချည်းပဲဖြစ်ပေမဲ့Kingကတော့ဘယ်သူတွေဘာပြောပြောသူမအပေါ်သစ္စာရှိချက်ကသြချစရာတွေဖြစ်ကုန်ကြသည်။သာမန်နေ့တွေနဲ့မတူဘူး...။မနက်ထဲကမပျော်ရွှင်တော့တဲ့စိတ်တွေကKingနဲ့ပတ်သတ်တာတွေးမိလေ..မွန်းကျပ်လာလေပဲ..။
"မင်းသူ့ကိုချီးကျူးနေတာလား..."
တချို့စကားတွေကအပြန်အလှန်ပြောခွင့်မရှိအောင်အသံတိတ်သွားစေတဲ့စကားတွေရှိသည်။ဟန်ဂျောင်အင်ပါလာရင်သူ့အသံတွေတိတ်ကုန်ရသည်။လိုက်လျောညီထွေစွာပြန်မပြောတတ်တော့ပေမဲ့သူ့ဘက်ကမပြောတော့လို့တိတ်ဆိတ်သွားတဲ့အခြေအနေကြီးကိုမကြိုက်တာမို့စကားလမ်းကြောင်းတခုရှာခဲ့သည်။
"ချီးကျူးတာမျိုးတော့မဟုတ်ပါဘူး..ငါမှသူ့ကိုမချီးကျူးချင်တာ..ဒါပေမဲ့မှန်နေလို့လေ...အစကဒီလောက်ထိမထင်ထားဘူး..ငါတို့အကုန်သိတယ်လေ..သူကဘယ်သူ့ကိုမှအလျှော့ပေးလေ့မရှိတာကို..သူတို့အဖွဲ့မှာတောင်သူနဲ့တခြားသူတွေကမတူဘူးနော်..ငါပြောချင်တာကKingကတခြားသူတွေလိုမိန်းကလေးကိစ္စတွေမှာမရှုပ်ဘူး..သူရှုပ်ချင်ရင်ဘာမှပင်ပင်ပန်းပန်းလုပ်စရာမလိုဘူး..ဒါပေမဲ့အခုတော့ဂျောင်အင်တယောက်ပဲသူစိတ်ထဲရှိနေတာ..မင်းကိုသက်သက်ဒုက္ခပေးတာတွေရှိလို့ကြည့်မရပေမဲ့အချစ်ကြီးတာကတော့တကယ်..."
YOU ARE READING
Fake Boyfriend👨❤️👨
Romanceမာနတွေစိန်စီထားတဲ့သူဋ္ဌေးသားလေးရယ်... သူ့ရဲ့ဟန်ဆောင်ရည်းစားခပ်တုံးတုံးလေးရယ်... Kim taehyung + Park jimin
