.Unicode
.
"honeyကသိပ်မသောက်နိုင်လို့အအေးလေးပဲသောက်နော်..ကိုယ်ထည့်ပေးမယ်..."
clubကိုသာရောက်လာပေမဲ့မှန်ကြောင်လေးတယောက်တည်းပျော်လည်းမပျော်နိုင်.လက်နှစ်ဖက်ဆုပ်ပြီးတော့သာရပ်နေသည်။ဘာစကားတခွန်းမဟ.ခေါင်းမော့တာနဲ့တယောက်မဟုတ်တယောက်ရဲ့အကြည့်တွေနဲ့တိုးသည်။ဆံပင်တွေနဲ့ဖုံးနေတဲ့မျက်နှာလေးနားကပ်ပြီးအကဲတွေပိုနေသူကKing..။ဖန်ခွက်လှလှလေးထဲအအေးထည့်ပေးပြီးခုံအောက်ကလက်ကလေးကိုယူကာလက်ထဲသေသေချာချာထည့်ပေးသည်။
"ဒီတသက်ခေါင်းမော့ဖို့အစီအစဥ်ရှိသေးရဲ့လား..ဇာတ်လည်းကျိုးသွားဦးမယ်..စိတ်ထဲကပါပါမပါပါပြုံးပြီးငါနဲ့ရယ်ရယ်မောမောလုပ်ပေးစမ်း...ခေါင်းမော့..ငါ့ကိုကြည့်..."
DJသံတွေနဲ့မို့နှစ်ယောက်တည်းကြားဖို့အတွက်စကားသံကိုသိပ်တိုးစရာမလို...။မီးရောင်မလင်းမရှင်းအောက်မှာမျက်နှာချင်းထိစပ်လုနီးပါးနှစ်ယောက်ဟာမကြည့်ချင်လောက်အောင်ဖြစ်နေတာတော့အမှန်။
တယောက်တည်းအဖြစ်သည်းပြီးချစ်ပြတဲ့ပုံစံမဖြစ်ချင်တဲ့Kingဟာထုံးစံအတိုင်းစေခိုင်းလာပြန်တော့မှန်ကြောင်လေးချက်ချင်းမော့ရသည်။
နီးနီးကပ်ကပ်စိုက်ကြည့်နေတဲ့မျက်နှာ..မျက်အိမ်လေးတွေတုန့်ခနဲ..ဘယ်ဘဝကဆုတောင်းကောင်းမှုတွေကြောင့်ဒီလောက်အားပျင်းရတာလဲ..မဆုံရဲလို့ရှောင်လွှဲခဲ့ရာမှတခါမိန့်တကမ္ဘာကြောက်ရတဲ့အမိန့်ကတည့်တည့်ဆုံခိုင်းလာတော့အားအင်တွေဆုတ်ယုတ်ရပြီ။ရှန်ပိန်တွေရဲ့တန်ခိုးကြောင့်ရီဝေဝေအခိုးအငွေ့တွေနဲ့မျက်လုံးတွေကတည်ငြိမ်နေသေးတာမို့Kingမမူးသေး။
ကြိုးစားပြီးအဲ့ဒီဂန္တဝင်ဆန်တဲ့မျက်လုံးတွေကိုကြည့်နေရသည်။မျက်နှာပေါ်လျှောက်ပြေးနေတဲ့မီးရောင်တွေကြောင့်အမှောင်တချက်တချက်ကျသွားပေမဲ့မျက်လုံးကလက်နေဆဲ။ဟန်ဂျောင်အင်ကိုလှမ်းကြည့်တတ်သလိုညိုးနွမ်းမနေ....။ချစ်ခြင်းတွေပါတဲ့အကြည့်တွေသည်ယောင်တောင်တောင်အကြည့်လွှဲမသွားနိုင်အောင်
သူ့အာရုံတခုလုံးတနေရာမှာပဲပေါင်းစုအောင်ညို့ငင်သည်။
ဘယ်လိုတွေပဲညို့ယူနေပါစေ..ဒါကလည်းအစစ်အမှန်မဟုတ်ဘူး..ဟန်ဆောင်ခြင်းသက်သက်ပဲ....။Kingကဇာတ်ကွက်တိုင်းကိုကိုယ်တိုင်ရေးဆွဲပြီးပီပီပြင်ပြင်သရုပ်ဆောင်တတ်တာ...။
VOUS LISEZ
Fake Boyfriend👨❤️👨
Roman d'amourမာနတွေစိန်စီထားတဲ့သူဋ္ဌေးသားလေးရယ်... သူ့ရဲ့ဟန်ဆောင်ရည်းစားခပ်တုံးတုံးလေးရယ်... Kim taehyung + Park jimin
