زواج قبل الحب

الحلقة 29 👀

الحلقة 29 : في اليل كانت الفيلا كانت ضو و موسيقى قويا و اعباد ماشيا و جايا هي كانت قدام المريا تمكيج و هو بجنبها يعمل في الكرافات قامت قدامو
يوسف شقولك فيا(شدها من خشمها)-ياسر حلوة طلعت اعليك الروبا علخر
- مش باش تقولي نحاها و تهبطش باها
-ههه اعلاش باش انقولك نحاها هيا نهبطو معادش بكري (سارة تنرفزت من كلام يوسف و قالت لروحها اعلاش ميغيرش عليا لها الدرجة منعنيلو شئ)-باهي يوسف اهبط انتي و انا خليني نمشي نشوف اماني و نعطيها الكادو متاعها
باهي انا الوطة ماتوخرش (هبط يوسف و هي مشات لبيت اماني الي كانت لابسة الروب الي اعطاهالها احمد لول ما دخلت سارة و شافتها صفرت)-واو طلعت تفتق اماني العباد كيف يشوفك باش يدوخو
-ههه بلحق سارة طلعت محلاني
-يا بنتي تهبل مش محلاك بركا ياسر الروب طلعت اعليك اما تنقصها حاجة (اماني رجعت غزرت للمرايا)-شنوه الي ناقص(حلت سارة الكادو و كان طالون بلو على لون الروبا)-ناقص هذا (اول ماشفتو اماني نقزت طول عنقت سارة)-يااا عيشك سارة محلاه
-منغير مزية عزيزتي ايا كمل البس و اهبط انا هاني ماشية (اول ماخرجت تلقى خالد خرج من البيت يحاول يربط الكرفات متاعو و هو داخل بعضو)-خالد شبيك حاشتك بحاجة
-اي امان سارة شوفتش اميرة باش تجي تربطلي لكرفات
-لا مشفتهاش...اما كان تحب نربطهالك انا يعني كان منتتقلقش
-لا عادي عيش اختي(سارة كانت مركزة و خالد مركز مع كل حركة تعملها عيناها كانو يلمعو يشبهو لعنين ايناس كان سارح في وجها قداش شابة و مزيانا و الخيمار زايد فيها الشطر لحظة غار من خوه وحسدو اعلاها يوسف عندو نعمة مش مقدها الي هي سارة اما بعد فاق على روحو خاتر الي يحكي اعلاها هي مرت خوه)