زواج قبل الحب

الحلقة 58 👀

الحلقة 58 : كنا مع بعضنا من الصغرة حليت فيه عينيا كنت نحبو لا نعشقو عمري لا تصورت نعيش لحضة من غبرو و هو زادة كان ديما معايا واقف في ضهري كان ديما يقول ريم حياتي بلاها نموت عشنا احلى قصة حب تنجم تعيشها بعركنا و تمعشيقنا و غيرتنا كنت ما نرى في الدنيا كان هو حتي عرسنا كان اول عام احلى عام في حياتي كنا باش نموتو بالفرح و السعادة الي عيشين فاها اما بعد تقلب كل شيء كنت نسمع في الكلامات من حماتي ز اخوتو شبينا غلقنا العام و انا التو مش حبلة اما مركزتش برشا صحيح نحب نكون ام و انجيب من حب حياتي صغير اما قلت مازلنا و مزال بكري حتى هو متقلقش من الحكاية بعد عامنا الثاني الكلام زاد كثر و هو امو كانت تعبيلو في راسو ياخي مشينا للطبيب و طلعت منجيبش تصدمت و خوفت معرفتش شنوة نعمل و شنوة باش تكون ردت فعلو اما هو طمني و وقف معايا و قلي ميهمنيش في الصغار و المهم انتي ههه قالي كلام الافلام و المسلسلات للي مايصيرش في الدنيا خاتر هو من الوقت اذاكا تبدل و لا معادش حاملني و يسهر و ساعات يبات البر و ما يطلبنيش حتى باش يقولي و كيف نطلبو مايهزش ولات توصني كلامات الي هو يخون فيا و عامل صاحبة اما مصدقتش خاتر نعرف الي هو يحبني و ما يخونيش حتى نهار قتلو باش نمشي للدارنا خاتر امي ماشيا للبلاد لازم نبقى مع بابا خاترو مريض بالسكر لازم شكون معاه و بتلها بيه قعدت نهارين و هو ما سالش عليا روحت امي بكري و انا مقتلوش الي انا جاية للدار و كيف روحت (ولات تبكي بالشهقة)القيتو يخون فيا يخون فيا في داري في بيت نومي و علة فرشي كنت نسمع في صوتهم من الصالة و هوما يضحكو كيف تعاركت انا وياه و سبيتها ضربني و قلي الي هيا اشرف مني و باش تجيبلو الي انا عمري لا باش نجيبهولو قهرني و ذلني و بعد طلاقنا بشهر عرس باها (كانت تبكي بقهرة و دموعها هابطين على خدها ما كفوش خالد ما لقاء ما يعمل كان يحملها و هي عنقتو بالقوي و زادت في البكاء و هو محبش يسكتها حب يخلاها تبكي باش تتفرهد)