زواج قبل الحب

الحلقة 43 👀

الحلقة 43
-سارة امان افهني خليني نحكي معاك سارة انا...
-منحبش نفهم شيء منحبش نحكي معاك نحبك تخرج...اخرج
-سارة (ولات تصيح )-قتلك اخرج اخرج اخرج اخرج (اول ما سمعتها امبرة دخلت تجري للبيت تلقا سارة تصيح على يوسف و وجها احمر من العصب و صدرها يتهز و يتنفض مشاتلها تجري)-سارة شبيك شبي اختي نعيط للطبيب
-ما تعيط الحد قولو يخرج
-يوسف اخرج عيش خويا (يوسف غزر للسارة الي كانت تغزرلو في عزره تمنا يموت و ميشوفاش في عيناها غزرة قتلتو كانت عيناها بكلها حقد و كره اول ما خرج شاف عايلتها جاية تجري اول ما وصلت سعاد سألتو )-سارة ويني هي لاباس جاوبني يا وليدي
-لاباس امي سعاد متتفجعش هي في البيت ادخل شوفها(مستناتش يكمل الجملة و دخلت تجري و بعدها دخلو الكل كان هو)
مزالت كيف هبطت من التاكسي قدام للكلينيك راتو كان هو خارج من كرهبتو كان مقابلها اول ماشفتو ترهوجت حست ساقاها ترخفو و باش طيح و قفت في بلاصتها تبع فيه بعيناها حستو زاد زيان عندها شهرين مراتوش قداش توحشتو كانت سارحة تغزرلو مفاقت كان كيف تعدى من جنبها و فاتها و دخل معبرهاش بشطر غزرة تعدا كينو ميعرفهاش و لا عمرو شافها ولا حتى يقربو لبعضهم قاعدت تبع فيه بيعيناها حتي غاب كانت متحبش تدخل و تشوفو اما لازمها تمشي طل على سارة

الحلقة 44 👀

دخلت للبيت كانت معبية امها و بوها ام سارة و بوها جمال و ليلى و اميرة و يوسف كان وقف بعيد و ااااحمد اول ما دخلت مشيت نجري للسارة نعنق فاها و انبوس و قعدت بحذاها مقابلة احمد عرفت الي قالت العيلتها الي هيا مكانش عارفة الي هي حبلة و مستحافضتش على روحها اذاكا اعلاه طيحت مجبدش على عركتها مع يوسف
كنا نحكيو لين دخل الطبيب شافها و مبعد قال الي هي تنجم تخرج غدوة و الي لازمها تاكل مليح و متعبش روحها و قال لليوسف اجيه للبيرو قبل ما يروحو وغزر للاميرة و خرج قعدنا شويا و بعد روحو الكل ما قعد كان اميرة و يوسف
-يوسف بر روح بدل حوايجك و ارتاح تهنا على سارة هاني معاها
-ميسالش اميرة روح انتي انا مرتاح اكاكا(غزرت اميرة لسارة تسأل فاها بعيناها تمشي ولا لا سارة غزرتلها)-روح اميرة راك تاعبة و زيد عندي ما نحكي معا يوسف (اول ما سمعها بلع ريقو و تلفت يشوف في وجها لقا ملامحها جامدة و تغزر للحيط الي قدامها وجها ميعبرش على شيء كان خايف من الكلام الي باش تقولو خايف لا تبعد عليه خايف من ردت فعلها اول ما خرجت اميرة ريقلت قعدها و غزرتلو بمعنى اقعد بلع ريقو و قعد بجنبها
-سارة انا
-يوسف اسمعني منغير متقوص اعليا
-سامحني سارة هاني نسمع فيك
-يوسف انا و انتي عرسنا بسبب والدينا كانو يسخابو الي عرسنا باش يكون ناجح على خاتر عايلاتنا اصحاب و شركاء نعرفو بعضنا من الصغرى نعرف الي انتي قبلت تعرس بيا خاتر بوك مريض و جبرك بقاها عمرك لا كنت باش تخمم في العرس et sur tout بيا انتي لا تؤمن بالحب و لا العرس و عندك الحق في هذا يوسف يزينا انا تعبت و معادش انحب نكمل هنا جربنا اربعة شهور و منجحناش توة من حقنا نختارو كيفاش نكملو حياتنا منغير ما بجبرونا اهالينا (يوسف حس روحو تغصر و محبش سارة تكمل كلامها كان خايف منو خاتر فهم هي شتحب تقول بلع ريقو و غزرلها)-شمعناها سارة مفهمتكش(غزرتلو و دمعة سخونا هابطة على خدها منجمتش تشدها)-نحب الطلاق يوسف...طلقني يزينا انا تعبت معادش انجم طلقني و ارجع لحياتك عيشها كيف ما تحب