زواج قبل الحب

الحلقة 30 👀

الحلقة 30 : كملت الحفلة و كل واحد شد ببتو يفكر في حياتو و شنوة باش يصيرلو في المستقبل
اميرة:كانت تفكر فب حياتها وقاش باش تحب وتتحب و شنوة حكاية الراجل الي ديما يجيها في احلاها هو شكونو وباش تشوفو في الحقيقة ولا لا كان تعرف شنوه الدور الي باش يعلعبو في حياتها
اماني:كانت سارحة في احمد و تصرفاتو معاها مرة تحسو يحبها و مرة تحسو بعيد علاها باهي هي تحبو و لا مجرد تغير في حياتها باهي خواتها كيف يسمعو باش يقبلو بعلاقتهم خاصة يوسف وشنوه باش يعمل مع سارة برشا أسئلة في مخها تحب تلقالهم جواب
خالد:كان يلوم في روحو على احساسو مع سارة الي هي مرت خوه الي لازم يعتبرها كيف اختو اعلاش حس المشاعر هاذي معاها زعمة على خاترها تشبه لايناس في طيبتها و احنانها و لا خاتر بنتو ولات تحبها لدرجة نساتها فيه ساعت و لا على خاتر يوسف ميحبهاش و هو مستخصرها فيه اما هي مرتو حلالو من حقو و الاعجاب الي حس فيه لازم ينساه طول عمرو مخلص لذكرى مرتو ايناس عمرو لا حب بعدها من خمسة سنين عمرو لا فكر في وحدة غير مرتو رغم الي امو كانت تحب تعرسلو مرة اخرى
اما هو كان رافض اعلاش هو توه تعلق بسارة لقا الحل الوحيد الي لازمو يرقد باش معادش يفكر
في بيت سارة و يوسف:
مكانش الوضع عادي سارة كانت قاعدة على الفرش تاكل في ضوافرها مالعصب و تغزر الي يوسف الي كان قاعد يقرى في اوراق الخدمة و مهوش لاهي باها
-يوسف مكش باش ترقد
-لا مزلت لازمني نقرى لوراق هذي الكل غدوة باش نصححهم و تعطلت بسبب الحفلة
-معناها مزلت ساهر و مش باش ترقد توه
-اي سارة كان تحب ارقد انت
-باهي مالا طفي الضو خليني نرقد
-سارة فتلك نقرى في اوراق مهمة تحبني نقرى على الضلام
-ههه (ولات تصيح )كيف لوراق اهم مني قوم اقراهم ابر مش هوني
-سكر ر** فمك معادش تصيح قتلت معادش تعلي صوتك (ولا يصيح) مش كان انت تعرف تصيح
-لا و الله برافو غالط وزيد تتحكم
-فاش غالط تنجم تفسرلي للا
-معناها مكش عارف فاش غالط باهي اتو انقلك ملي رجعت تخدم و انتي مكش حاسبني جملا و ما تخسر عليا كان جرد ورقة مكتوبة فاها كلمتين و في اليل جايب خدمتك معاك للبيت وحاقرني كايني مش موجودة و تزيد متحبنيش نصيح بااهي سي يوسف سامحني
-ضاهر فيك انتي تحب تعارك و انا معينيش اقعد في امها البيت هاني خالتهالك واسعة و عريضة(هز اوراقو و هبطت قعد في البيرو ياكل في روحو وعينيه حمر من العصب و الغزول)

#يتبع
😎🌟 متنساش فوت باش نعرف قداش من واحد يتبع فيا 👀
وكانك ديما تقرا في كرونيكاتي خليلي كومنت اكتب فيه منين تابع فيا 😍😍💜😘

احنا موعدنا في حلقات جديدة ❤️🔥