زواج قبل الحب

الحلقة 2 👀

الحلقة 2
سارة بنية مزيانة عينها كبار و خضر شعرها اكحل و طويل متينة و تقرا هندسة ديكور و صحبتها الانتيم اميرة تعرفها من الصغرى عايلاتهم أصحاب و شركاء في الخدمة
Play
دخلت ليلى تحكي مع سارة..... -ياخي شبيك و شعملت لامي سعاد (قربتلها تمسحلها في دموعها.... ياخي سارة زادة في البكاء)
-شوفت شنوة صار يعني انعرس بواحد منحبوش و زيد لا حفلة و لا شي لها درجة تحبو ترتاحو مني
-يزي عيش اختي من البكاء... شوف كيفاه هلكت مكياجك ... تو كان يشوفك يوسف تو
يهرب ههههه
-ياااا ربي من فمك لربي
-تو بعد معرست ولا مش عاجبك
-انتي تعرف علاش عرست... علا خاطر عم مصطفى و بابا ... محبيتش انطيح كلمة بابا و نخسرو في اعز صاحب عندو
-هك قلتهاااا عرست ... انتي توه مدام يوسف عبد الحق راجلك و خو صحبتك الانتيم
-تعرف احسن حاجة في العرس هذا الكل... اني انا و اميرة باش انعيشو فرد دار هههه
-ايا باهي كيف ضحكت ..... ايا قوم اقعد قدام المرايا باش انعودلك المكياج الجماعة قريب اجيو.... (هوما اكاكا و تدخل اعليهم طفلة بلندة بيضا و لابسة لينات تضحك)
-اسلام عليكم شنوه حوال مرت خويا (قربت من سارة و قعدة تغزرلها) ووه سارة شبيك تبكي .. شبي اختي
(هوني ليلى فيسع مجاوبت)-شي مفاما شيء مك تعرف العرايس كيف يخرجو من دار بوهم يبكيو..... (اميرة غزرت ليلى و بعد غزرت لسارة مش مصدقة ) -شبيك سارة متخبيش عليا عيش اختي
-مك تعرف اميرة حكايتي مع خوك ... (هوما اكاكا و سعاد دخلت كيف شافت اميرة فرحت)-اميرة بنتي انتي هوني ... وقتاه جيت(اميرة مشات طول باستها)-جيت تو باش انحصر عروسة خويا بديا.... خليت جماعة و جيت بحذاكم اتو يخلتو شويا اخر
-عيشلي بنتي يا رب ( غزرت ليلى)ليلى بر شوف أولادك جمال واحل معاهم محبوش يلبسو
-اصبر يا ربي ميتهدوش تعبوني اليوم(خرجت سعاد و ليلى و خلاو سارة و اميرة وحدهم)-سارة متخافش منو يوسف... صحيح هوه يضهرلك صعيب برشا اما هو طيب برشا و حنين اعرف كفاش تتصرف بركا
-حنييين.... تحكي بجدك اميرة جبربي انتي قتلي على طبيعتو و صعبو معاكم
-مش كيف انتي مرتو و نحنا خواتو و زيد معاشش معانا برشا بحكم قرايتو في فرانسا.... و انا نعرف صحبتي باش تخليه يحبك باش تخليه يحبك
-زعما اميرة نجم
-تنجم تنجم .... ايا خليني نعودلك مكياجك وليت كيف الغولة هههه
-تو بركا ليلى قالتهالي هههه
في فيلا مضخمة مرا كبيرة قاعدة تمشي و تجي و تمتم يا رب يا رب و بعد غزرت لراجل في ثلاثينات و قتلو
زعما وين مشا. ... زيد كلمو عيش ولدي
-يا امي ميجوبش ميجوبش
-ميهمنيش فيك لازم تعرف خوك وين.... اليوم عرسو و هو مفماش راي فضيحة
-باهي امي ارتاح اتو نلقاوه متخافش
-كان يسمع بوك يمشي فاها
-ياخي هو فينو
-لفوق في البيت معاه اماني تلهي فيه ... و بعثت اميرة بحذا سارة تلف في الجره
-باهي براو انتوما معادش بكري و اتو نجيب يوسف نخاطو
-هنيني عيش ولدي متروح كان بخوك... فهمتني خالد (قالها باهي و خرج يجري ركب في الكرهبة)
قاعد قدام البحر سارح منحي الكرفات و حاطط راسو بين يده يخمم مشعارف شياعمل و مشفاهم كيفاش و قتاه عرس كان مجاش بوه و مرضو عمرو لا يخمم في العرس اصلا هو لا يؤمن بحب ولا بعرس يخمم و ميحس كان بيد على كتفو تلفت لقاه خوه خالد

رايكم حبيباتي