زواج قبل الحب

الحلقة 25 👀

الحلقة 25 : هو دخل و اماني قعدت تغزرلو و بعد دخلت تسمع في الضحك في الصالة مشات تعرف شفما تلقى امها تحكي مع احمد
ههه احمد وليدي قداش ضحكتني انشالله تفرحنا بيك على قريب مقعدت كان انتي
عندك الحق خالتي حياة ادعيلي ناخو الي في بالي (و غزر لاماني و هي تربثت و وجها حمار و هو ضحك)
ايا عاد ياخي مناش باش نفطرو توه ولا شنيا (مصطفى )
لا ووه كل شيء حاضر و محطوط فوق الطاولة ايا تفضلو (حياة)
مشاو قعدو على الطاولة كان احمد مقلبل اماني و بعدش عينيه من اعلاها و هي تقلقت و تربثت من نظاراتز وليلى فاقت باها ضربت احمد بساقيها باش يلم روحو اما هو ضحكلها و رجع كيف ما كان كانو ياكلو و يحكيو و يضحكو فرحانين علاقة الصحبة و الخدمة توجوها بالقرابة كملو فطرو و قاعدة في الصلة يشربو في القهوة و التاي و اماني خرجت مع ملكة و اولاد جمال للجنينة يلعبو و احمد يتبع فاها بعنيه كانت كيف الصغار البراءة متاعها متفرقش على يحي و ياسين و ملكة كانت تجري و تضحك معاهم و شعرها يطاير معاها هو كان مركز مع كل تفصيلة وحركة تعملها مكانش يسمع في البحذاه فاش يحكيو كان يسمع في قلبو الي يدق على انغام خطوتها إحساس جديد حسو الاول مرة ميعرش اعلاه هي بذات علقد معرف بنات و عمل علاقات هي شنوة زايدة اعليهم اعلاه قلبو دق ليها هي زعما بحبها بالحق كيف يقولو فاها جاء يلعب ياخي حصل كان يخمم و هو يشوف في خوه جمال واقف معاها يحكيو وهي تضحك معرش شنوة صارلو كينها نار و شعلت فيه محملش تحكي مع غيرو و تضحك معاه حتى خوه تنطرت وقف و مشا بزربه للجنينة وين واقفين يسمع فاهم يحكيو
-الحمدالله كيف رقدو ميرسي اماني الي تلهيت باهم
-من غير مزية جمال ساعة كنا عملين جو و انا نلعب معاهم اما هوما رقدو فيسع
-هههه اذاكا خاتر قعدت معاهم انهار بركا ايجا شوفهم كيفاش في الدار ميركحوش... يابنتي احسن حاجة الي هوما رقدو باش ميتعبوناش
-هههه للدرجة هاذي جمال منصدقش
-لاصدق يا بنتي نوم الظالم عبادة هههه
-هههه
-شنوه جمال فاش تحكي ضحكنا معاك (غمز لاماني)-سر بيني انا و اماني مش هكا (عملتلو براسها اي و هو ضحك و مشى يحط في اولادو في الكرهبة و احمد غزر لاماني )-شنوة الي كنتم تحكيو فيه و يضحك لها الدرجة
-مسمعتوش قال سر(جات ماشية و مخليتو و هو شدها من يدها و كبس اعلاها لين توجعت)
-اي احمد يدي وجعتني
-كيف نسألك تجاوبني مش تمشي و تخليني
-كنا نحكيو على اولادو يحي و ياسين (سيبها و قربلها و هي تمسح على يدها الي ولات حمرة) -انا انغير عليك من الهواء الي مس شعرك و انا لا... معادش تضحك مع حد حتى لو كان خويا(و قرب منها و باسها من خدها بوسة حنينة و قعد حاطط شفيفو على خدها وهي من الصدمة قاعدة واقفة و حالة فمها مش عارفة شتعمل و يخرخوا العيلة مروحين

#الحلقات برعاية السيلباتر في ذمة الله 😕😂
رايكم لو سمحتو 😎👀
بااي 🌟😉