زواج قبل الحب

الحلقة 65 👀

الحلقة 65 : كانو في فيلة عم محمد ملمومين الكل فرحنين الي الغصرة وفات و احمد نرجع لاباس الكل كانو قاعدين في الصالة بعد الفطور يحكيو و يفدلكو وقت الي احمد تلفت لبوه يحكي معاه
-بابا عندي ما نقلك
-انشالله خير شفما
-نحب نولي نحدم في الشركة عندي توه عامين ملي كملت قرايتي وقيت باش نخدم يعني كان توافق انتي و عم مصطفى بالطبيعة
-توه هذا كلام و لدي انت باش تخدم في رزق بوك من غير ما تشورني (مصطفى)
-انا ماعند ما نقول اعلاش متخدمش انا مذبية(محمد)
-مالا نبدا غدوه مش
-يا ولدي سايس على روحك لها الدرجة الضربة على راسك قوية ههه (جمال)
(غزر لاماني و تكلم )-اذاكا الي لازم يزي ما ضيعت و قت في حاجات فارغة منحبش تضيع مني حاجة اخرى (اول ما سمعتو اماني وجها حمار و طبست راسها باش ما يفوقوش و الكل الضحك على كلام احمد و سارة غزرت لاماني و بعد غزرت لاحمد و غمزتو)
-كيف انتي تحكي بجدك ارتاح الجمعة و بعد ابدا الخدمة
-عيشك بابا (هوما يحكيو و تدخل ريم تسلم عليهم تقوم سارة طول تعنقها و تقعدها اول خالد ما شاف ريم الضحكة ترسمت على شفايفو من غير ما يشعر و قعد يتبع فيها بعينيه)
كانو الكل قاعدين و كل واحد لاهي بحبيبو و سيف ستغل فرصة اللمة و فاتح عم مصطفى في وضوع العرس بعد شهر و وافق كانت لمة حلوة بين ناس الكل تحب بعضها عيلة متماسكة تلقاها واقفة معاك و قت الشدة قعدو يحكيو لين جا وقت المرواح و كل واحد يمشي للدارو ركبو في كراهبهم ومشاو و خالد وصل ريم
في الكرهبة كانو يسمعو في الغناء و ريم تغني معاها بالقوي و خالد يضحك علاها
-يابنتي نقص من صوتك طرشتني
-باللهي ساعة انا صوتي حلو
-اي حلو علخر هههه
-ههه اسكت ما كنش ما نستدعاكش على الفطور كيف ما وعدك
-امم انا حسيتك تلف فيا و مناش باش نذوقو فلوسك
-هكا مالا اوكا غدوة نتقابلو مالا شقلت
-غدوة غدوة
-اي غدوة سبت و انا منخدمش و هكاكا جيب ملكة معاك نعديو نهار حلو
-لازم ملكة معايا وحدي لا
-اه ااا منعرش كيف ماتحب انا مايقلقنيش نتقابلو غدوة
-انجي نهزك من هوني
-اوكا باهي باي توة مرسي على التوصيلة

الحلقة 66 👀 :

تعداو الايامات فيسع و كل شيء سافا كل واحد عايش حياتو سارة و يوسف مرتاحين مع بعضهم فرحانين بحبهم الي يكبر كل يوم ما نقصهم كان بيبي يكمل لهم فرحتهم العيلة الكل تستنا فيه الخبر هذا
خالد و ريم ولاو قراب من بعضهم برشا ديما يشوفو بعضهم و يحكيو اسرارهم تقريبا ولاو يعرفو على بعضهم كل شيء ة العيلة متشوقة شنوة باش يصير بيناتهم اما التوه ماعترفوش لبعضهم بالحب الي بيناتهم الزوز خايفين من الخطوة هاذي و مش متاكدين من مشاعرهم قاعدين تحت خانة الصداقة
اماني و احمد كيف صفحة العسل احمد تبدل برشا معادش احمد الي يحب السهريات و الخارجات و البنات ولا عندو كان تلاثة حاجات مهمين في حياتو العيلة و اماني و الخدمة كانو ديما مع بعضهم و يقعدو يحكيو بالسوايع في التليفون عرفو بعضهم اكثر و حبهم للبعضهم زاد كبر
اما اميرة و سيف ما نيش باش نحكي علاهم خاتر اليوم عرسهم اليوم اميرة باش تولي مرت سيف بعد ما ستناها 14 سنة كانو الزوز يستناو في النهار هذا
اميرة كانت في الحاجمة معها سارة و اماني و ريم طلعت ياسر حلو بالمكياج السامبل و الغوب المزيانة الي طلعت علاها
سارة كانت لابسة غوب طويلة فب البلن و البلو مع خيمار في نفس اللون و طالون و بوشات في نفس اللون
اماني لابسة غوب نوار بالدنتال مش قصيرة برشا خاتر احمد منبه علاها و طالون في الغوج و النوار و شعرها مسيبتو
ريم لابسة غوب طويلة في الباج يد بيد و طالون في نفس اللو و شادة شعرها كوتشوفال
الاربعة بنات كانو يفتقو بالزين ربي تستر على ابطالنا شنوة يستنا فيهم خاصة سيف