زواج قبل الحب

الحلقة 77 👀

الحلقة 77 : كانت راقدة وقت الي تليفونها نوقز هزت تلقاه سيف
-وي عزيزي
-عزيزتي توة راقدة مامشيتش للفاك
-تاعبة منجمتش نقوم اعلاش توة قداش الوقت
توة 10 و نص ايا قوم مش باهيلك النوم بر اخرج اعمل دورة ولا امشي لسارة اوكا حبي
-لا باش نقعد في الدار نضفها منحبش نمشي لحتة بلاصا نحب نقعد في داري نستنا راجلي
-هههه باهي على راحتك و رد بالك على روحك متتعبش
-باش توخر انتي اليوم
-كيف العادة ايا باي توة عندي مرضة نحبك
-حتى انا باي(كملت حكات معاه و قامت من الفرش مشات فطرت و بدات في حملت التنضيف)
خالد كان في الصالة مع بوه و امو يحاول يجبدلهم على حكاية خطبتو هو و ريم
-امي بابا انا قررت باش نعرس
-اي عاد شبيه و لدي نشالله مبروك
-شكون نعرفوها
-اي امي ريم صاحبة سارة
-ااا اي عرفتها اعلاش بنبية مزيانة و ضاهرة متربية و عاقلة
-امي نحب نقلك حاجة
-شنوة يا بابا انشالله خير
-حياة ريم كانت معرسة و طلقت
-باهي ولدي فهمتك
-مكش باش تسألني علاش طلقت
-علاش
-متجيبش صغار امي هاني قتلك من الاول...شبيك ساكة امي بابا قول حاجة
-ولدي اعمل الي يريحك
- انتي يامي
-شنوة تحبني نقول بعد الي قالو بوك ربي هنيك
-معناها موافقة امي
-مبروك ولدي قولي وقتاش تحبنا نمشيو نخطبو -اتو نقلك امي...ايا انا لازم نرجع للخدمة باي
في جيهة اخرى
-ميرو وينك
-هاني سرورة في الدار علاه
-شيء نسأل عليك سافا شعاملة في الحبالة
-هاني عادي اما ديما نحب نرقد و تاعبة
-ههه حتى انا كيفك اما ضهري عامل فيا علخر و انا عاملة في خوك مسكين
-هههه ايه خليه شكاتة فيه عمري لا تصورت يوسف باش يكون هكا و ينفذ في طلبات الوحم ههه...سرورة نعلق ونعاود نطلبك فما شكون يدق في الباب
باهي اوكا (اول ما علقت مشات تحل في الباب تلقا تلاثة رجال مغطين وجوهم و قبل ما اميرة تتكلم حطولها منديل على وجها وهي داخت وهزوها)