زواج قبل الحب

الحلقة 40👀

الحلقة 40
رجع خالد و يوسف للكلينيك يلقا بوه و امو قاعدين البر و امو تبكي قلبو عصر اعليه مشالها يجري خايف
-امي شفما شبيك تبكي سارة جارتلها حاجة...قولي امان متفجعنيش (امو تبكي و مجاوبتوش مشا لبوه يسأل فيه)شفما بابا اما جاوبني(غزرلو بوه و بعد تنهد)-عرفت الي هيا كانت حبلة و طيحت ولات تبكي و تصيح حتى جاها الطبيب و نحنا خرجنا (هو كمل و الطبيب خرج مشالو يوسف يجري)-شفما دكتور مرتي شباها
-شئ ميسيو متتفجعش المدام كيف عرفت جاتها حالة انهيار اما توه اعطيناها زوريقة باش ترقد عدوة انشالله تقوم لباس
-دكتور نجم ندخللها عيشك
-باهي اما متطولش من فضلك(الطبيب مشى و هو غزر لخالد )-خالد هز بابا و امي روح باهم راو تعبو و بابا مش باهيلو الوقفة و السهر هاني انا معاها و انتي زادة متخليش بنتك وحدها كيف تقوم و متلقاكش تو تتفجع
-متأكد متحبناش نقعدو معاك عل قليلة نروح ببابا و امي و نرجعلك
-لا (قال اكاكا و دخل للبيت كانت راقدة في الفرش دموعها على خدها و جها اصفر ضاهرة تاعبا كان يقرب منها بشوية اول ما وصل لعندها هز يدو مسحلها الدموع و طبس باسها من جبينها بوسة حنينة خلى شفايفو عليه و تكلم
-سامحني يا روحي سامحني سارة انا نحبك سامحني (جبد الكرسي و قعد شادد يدها و كابس اعلاها كينو خايف لا تهرب اعليه و قعد يستنا فاها لين تفيق في الوقت هذا اميرة وصلت للكلينيك مشات طول تسأل على سارة )
-سامحني امان قبيلة شوية جات وحدة هوني تنزف نجم نعرف شحوالها
-شنوه اسها
-اسمها سارة سارة عبد الحق
-مدام سارة عملت كورتاج و هي توة في بيت 302
-شنوه شعملت فاش تحكي ياخي لا اكيد غالطة زيد ثبت عيش اختي
-اذاكا الي مكتوب عندي اهو دكتور سيف طبيبها زيد اسالو هو يقلك خير مني...دكتور سيف سامحني لحضة
-وي امل شفما
-المدموزال باش تسالك على الحالة بيت 302 على مدام سارة عبد الحق
- اوكا وي مدموزال(اول ما تلفتت اميرة كانت الصدمة ليهم لثنين