زواج قبل الحب

الحلقة 69 👀

الحلقة 69 : تعاداو على الابطالنا خمسة شهور كانت ايامهم عادية اليوم السبت و كيف العادة خالد و ريم و ملكة خارجو مشاو للمناج كانو عملين جو و ملكة لعبت لين تعبت و رقدت خالد وقف الكرهبة قدام البحر
-ملكة رقدت
-اي حتى هيا لعبة برشا
-كانت فرحانة اليوم خاتر انتي كنت معاها
-هههه حتا انا نحبها ملكة حستها كيف بنتي خرجتني من حالة الاكتئاب الي كنت فاها نساتني الي انا منجيبش صغار حاسة الي انا امها
-شنوه رايك تولي امها بلحق ريم(اول ما سمعت ريم شرقت و قعدت تغزرلو مش فاها)مفهمتنيش باهي ريم تاخوني
-خالد فاش تحكي
-قتلك تاخوني تعرس بيا وتولي مرتي و ام ملكة
-اما انا
-انتي شنوة كان ما تحبش مانيش باش نجبرك و نرجعو كيف قبل كايني ما قلت شيء
-خالد تحكي بجدك انا مانيش فاهمة شيء
-اي ريم نحكي بجدي سألتك تخذني ولا لا كان تحب فكر و بعد قلي
-اوكا خالد هي نروحو معادش بكري
باهي (خالد و ريم كانو طريق كامل ساكتين كيف و صلو ريم هبطت و بعد رجعت قربت من خالد و تكلمت في وذنو موافقة باستو في خدو و هبطت تجري دخلت للدار و خالد قعد يغزرلها كيفاش هاربة و هي داخلة بعضها و حاشمة ضحك و خدم الكرهبة و مشا

الحلقة 70 : سيف روح من الخدمة كيف العادة اول ما دخل ولا يعيط
-اميرة حبي فينك انا جيت (دخل يصيح و يلوج علاها دخل طول للكوجينة خاتر يعرفها دوب ما تجي من الفاك تتدخل تعمل الفطور اما مالقاهاش و ماجوبتش دخل للبيت يلقاها قاعدة على الفرش مشالها طول يجري مفجوع)-اميرة شبيك شفما (اعطاتو ورقة وهي تستنا في ردت فعلو اول ما قرها عينيه لمعت)-اميرة بلحق انتي انتي حبلة كيفاش عرفت
-اي سيف حبلة في شهر...كنت شاكة و بعد مشيت للطبيب انا و سارة و عملت التحاليل و جيت باش نعملك مفاجأة
-احلا مفاجأة في الدنيا نحبك اميرة نحبك نحبك يا احلى مرا في الدنيا
-حتى انا نحبك تعرف سارة زاده حبلة انا و هي باش نولدو فرد وقت ههه تعرف تولي حاجة هايلة كان انا وليد و هي بنية و ياخذو بعضهم كيف يكبرو شقولك
-ههه انتوما سيا قررتو نوع البيبي و شنوه مستقبلهم
سيف فرحان
كلمة فرحة صغيرة عليا برشا اميرة انت عاودت حيتني من جديد خاليتني اسعد واحد في الدنيا (باسها من جبينها و بعد غزرلها)ام ضاهرلي الي نحنا اليوم ماناش باش نفطرو
-ههه لا اكيد لا انتي ناسي الي مرتك حرة يا سيد
-ههه مانيش ناسي يا للا مالا انت اقعد هوني وانا نحضر لفطور و انجي و انتي ما تتحركش من هوني اوكا
في بيت سارة و يوسف
سارة كانت باش تموت بالفرحة كيف عرفت الي هي حبلة و فرحتها زادت كيف اميرة زادة حبلة لبسة نويزات في الغوج طويلة فاها فونط و مكيجت و سيبت شعرها و قعدت على الفرش تستنا في يوسف باش تقولو اول ما دخل و شافها صفر
-امم شنوه هذا الكل ...هذا الكل الي انا شنوه لحلاوة هذي شفما(غزرتلو سارة و قدمت منو و دورت يديها ورا رقبتو و قتلو)-يوسف انا حبلة