زواج قبل الحب

الحلقة 59👀

الحلقة 59 : بعدت ريم من حضن خالد و مسحت دموعها و غزرتلو قاتلو
-تعرف اعلاش اليوم جاني تعرف اعلاه جاي بعد خمسة شهور جاي يحب يرجعلي قلي توحشتك و مزلت نحبك هههه و الي هو طلق على خاتري كذاب عمرو لاباش يولي راجل تعرف الق** الي ختارها عليا طلعت حبلة اما مش منو مش منو ربي رجعلي حقي منو لامثل ذوقو نفس وجيعتي قالت اكاكا و هبطتت من الكرهبة لمطر قصت وولات شمس تقول السما كانت تبكي مع ريم وقتها اول ما هابطتت صاحت صيحة بعلو صوتها خرجت فاها كل قهر و ذل و وجيعة حستهم معاه خالد كان يغزرلها ما هبطتش خلاها على راحتها تعمل الي تحب هو وعدها ما يقلقهاش كيف تحكي كينها تحكي مع روحها قدام المرايا بعد ما كملت تنفست و مسحت دموعها و رجعت ركبت معاه تلفتتلو تضحك تقول مش هي الي كانت تبكي قبيلة غزرتلو و قاتلو
-ميرسي خالد خاترك سمعتني و انا باش نشكرك باش نستتعاك على فطور اما مش اليوم ما نيش في صحني و زيد معادش وقت ميسالش
-اوكا انا موافق مادام انتي باش تخلص هيا نروح بيك و نمشي انا الملكة
اماني كانت في البوفات مع اصحابها تحكي و تفدلك و احمد يتبع فاها من الكرهبة كان ديما يمشي يشوفهاو يروح ما كانش عندو الجرأة باش يمشيلها كانت تضحك و عاملة جو قداش توحشها و توحش كلامها و تصرفاتها معاه شافها جاية للبركينغ مع طفل يتضيحكو و هي شادة فيه نارو شعلت كيف قربت منو هبط و هي شافتو وقفت طول بلعت ريقها و كبست يداها تستمد في القوة تلفت الطفل الي معاه يسأل فاها
-تعرفو اماني(تلفتت للطفل و بعد غزرت في عينين احمد بالقوي و تكلمت)-لا منعرفوش هيا نمشيو معادش وقت مكانش ما نوصلكش رو(شدت يد الطفل و تعدات بجنبو كاينو مش شايفتو ركبت في الكرهبة و مشات و احمد قعد في بلاصتو متحركش مصدوم من كلامها و تصرفاتها اميرة كانت كيف تشوفو النفس ما تنجمش تتنفسو تو تعدات من جنبو من غير معبرتو ولا تزيد تقول للط** الي معاها ما نعرفوش كان باش يموت بالغازول ركب في كرهبتو ماشي يسكر فماش ما ينسى و ينساها مع وجيعت قلبو
اميرة و سيف كانو قعدين على حجرة في بلاصة عاليا كانت بقعة ياسر تحفونة يتفرجو في الغروب و ياكلو في سندوتشات و يحكيو
-اا جاوبني شقلت
-سيف و الله لا نعرف منعرش كان بابا يوافق
-وافق انتي بركا و انا نعرف كيفاش نفتعو عم مصطفى
-سيف مش بكري برشا بعد شهر العرس
-حبي كل شيء حضر اعلاش نزيدو نستناو يزي 14 سنا فيه البركا كان انتي تنجم تصبر انا معادش
-هههه زايد مهبول (باسها من خدها )-مهبول بيك حبي معادش نصبر نحبك تولي مرتي حلالي في داري نعملو مل شيء مع بعضنا نحبك اميرة (قام و ولا يصيح)نحبببببك
هههه اقعد يا مهبول فضحتنا (دار و هبط قدامها على ركبة و نص)-ااا شقلت
-هههه باهي باهي موافق(قبل ما تكمل كلمتها هبط بشفايفو باسها بقوة قوة الفرحة الي حس فاها توة فرحة الي حب حياتو باش تولي مرتو بعد شهر)