زواج قبل الحب

الحلقة 37👀

الحلقة 37
تعدوا شهرين توة ابطالنا عايشين في حياة الروتين كل واحد لاهي بروحو اماني باش تنسى احمد لاهات روحها بتحضير أوراقها باش تقر في الفاك مع سارة و اميرة
اميرة غاطسة في المرسم متاعها بين لوحاتهاو الوانها تحب تهرب بافكارها على سيف
خالد كان يلمو في روحو على الاحساس الي حسو مع سارة و الي يوسف ميستاهلش هذا منو اذاكا اعلاش دفنو في قلبو و قرر الي سارة اختو مش حاجة اخرى
احمد رجع لحياتو العادية سهر و بنات و شرب
كان غاطس مع اصحابو باش ميفكرش باماني اما سارة و يوسف كانو تقريبا ميشوفوش بعضهم يوسف يقوم بكري وقت الي هي راقدة باش يمشي للخدمة و بعد يروح يخرج مع اصحابو للقهوة يرجع وقت الي تبدى هي راقدة سارة كانت روحها طالعة من الوضع الي هي عايشة فيه اليلة قررت تستناه و تحكي معاه و تشوف حل متحبش تكون على الهامش في احياتو
دخل يوسف كيف كل ليلة بسياسا باش ميفيقهاش حل الضو لقاها قاعدة على الفوتاي تستنا فيه
-شبيك قاعدة على الضلام شفما
-نستنا فيك
-اعلاش شفما انشالله خير...شتحب
-السؤال هذا نسأل ليك انتي (غزرلها و مشى يبدل في حوايجو)-مفهمتكش شتحكي
-نجم نعرف لوقتاش باش نقعدو هكا(قعد على الفرش )-هكا كيفاش
-يوسف متهبلنيش...تنجم تقولي قداش عنا محكيناش و لا خرجنا و لا انتي قعدت معانا في الدار ماتعرفني كان وقت الفرش و قتها تولي حاشتك بيا
-اعرف شنوة تخرج من فمك ما تهبلنيش ها الليلة الم***انتي مرتي مش وحدة انعدي معاها الوقت فهمت
-ايا باهي كيف تذكرت الي انا مرتك مش حاجة من الديكور في الدار مطيشني هوني نشوفك بصدفة تقول مكش راجلي و مش عايشين فرد دار
-باهي انتي شنوة تحب ساهرة تستنى فيا باش تعمل عركة انا منحش انعارك تاعب نحب نرقد (تمد على الفرش و طفى الضو ضربت سارة بساقها في القاعة من الغازول و مشاتلو نحات الغطا و شعلت الضو)-كيف نحكي معاك مطفنيش فهت المشكلة ماش باش تتحل هكة
-انا معنديش مشكلة انتي الي عندك انتي الي تخلق في العرق من الحيط (ولات تصيح )-تشوف في حياتنا حياة زوز عادين نعرف الي انتي متحبنش مكش باش تحبني كيف ماقلت الخوك اما علقليلة احترمني حس بيا انا تعبت انا منجمش انعيش هكا منجمش
-معادش اتصيح اتو تقيم اعباد ماناش عايشين وحدنا(زادت علات في صوتها و تضرب فيه على صدرو بصبعها)- هاذا الي يهمك انتي لعباد خليهم يسمعو انا نحبهم يسمعو انا فديت و عييت (شدها من جداقها و يحكي و ينزل على سنيه)-باش تريض و تسكت و لا نتصرف معاك تصرف اخر
-شنوة التصرف لاخر باش تضربني بطبيعة انتوما ماتحسو رواحكم رجال كان بضرب ولا بالفرش (سارة كانت تصيح و في حالة هستيرية ترشع بكلها من الغش معادش فاها قلبها تحس فيه باش يخررج من صدرها العيلة الكل قامت من الصياح متاع سارة قامو مفجوعين يوسف كان كابس على يديها و يصيح)-سكر ر** فمك باش تفهم (ودزها سترة حست روحها تاعبة و تشوف في الدنيا فلو اول ماسببها يوسف طاحت دايخا في القاعة)-سااااارة