زواج قبل الحب

الحلقة 33👀

الحلقة 33
قامت الصباح تلقى روحها راقدة فوق يوسف عريانة و هو كيفها هزت راسها تلقاه راقد ضحكت و هي تتذكر شنوه صار حبت تقوم منغير ما تقيمو اما منجمتش كابس اعلها هي تحركت شويا و هو تكلم و عنيه مسكرة
-وين ماشيا و مخليتني
-يوسف قوم معادش بكري توه تسعة...قوم يزي من النوم و اتو توخر على خدمتك و بعد تقول انا السبب هيا فيق(قلبها و جاء فوقها باس رقبتها و غزرلها بعد متبسم)-صباح الخير لاحلى سرورة بالدنيا
-هههه اي باهي كيف قمت تتبسم و فرحان و انا قمت قبلك
-بعد المجهود الي عملتو البارح لازم نقوم مخر(غمزها و هي خدودها حمارو دزتو و لفة روحها في الملحفة ملشية للصال دو بان و هو شدها)-يوسف سيب خليني ندوش
-انا مشدتكش شادد الملحفة مش انتي
-يوووسف
-نعم...كان تحب تمشي دوش سيب الملحفة و امشي
-لا انتي هبلت(قربت منو تتكلم في و جه)كان تحب تشوني منغيرها اخلط عليا للدوش (هي مشات و هو خلط اعلاها فيسع)
اماني كانت راقدة وقت الي سمعت تليفونها ينوقز قامت تلقاه رائد هزت
-الو
-ياخي وينك اماني عنا برشا مريناكش
-طالبني على الصباح باش تقولي عنا برشا مريناكش...شبيك شنوه تحب
-توه 11 راي مش صباح ههه...حبيت نقلك الي الشلة باش تتلم اليوم في نفس البلاصة مع الخامسة...باش تجي
-منعرش اتو انشوف... ايا طير توة خليني انكمل نومتي باي (علقت و رجعت رقدت)
اميرة كانت في الثنية ماشيا لصاحبتها وقت الي كرهبتها و قفت الي تليفونها نوقز طبست تجبد فيه مت الساك محست روحهاكان تضربت في حاجة شدت فرن و هبطت من الكرهبة فيسع تلقاها مرا كبيرة مشاتلها تجري تشوف فاها كانت مرا عمرها بين لربعين و الخامسين كانت ضاهرت الي هي لباس اعلاها من لبستها اميرة طبست تشوف فاها
-مدام لباس... سامحني مريتكش... فما حاجة توجع فيك ايجا انهزك للسبيطار(اميرة كانت تحكي و هي مربوثة و خايفة)
-لباس بنتي امان هزني منهوني فيسع عيش بنتي ربي يخليك (كانت تحكي و هي تتلفت يمين و يسار كينها خايفة ليشوفها حد)
طلعتها في الكرهبة و مشات تجري باها للينيك اول ما وصلت دخلوها باش يفحصوها و اميرة قاعدت البر تستنا فاها في الوقت اذاكا طلبت صحبتها و قالتلها متنجمش اتجاها و بعد دخلت تشوف في المرا
دكتور لاباس مفماش حاجة مخطرة مش
-لا لباس شويا ترضريض في ساقها اكهو جمعة و تقوم لاباس
-مرسي دكتور(هو خرج و هي غزرت للمرا)سامحني مدام مريتكش
-عادي بنتي انا الي كنت غالطة مثبتش قبل ما نقص الكياس...و هاني لاباس متحط شيء في بالك (شاورتها للكرسي باش تقعد)
-تحبني نطلب حد من عايلتك و نقولهم مدام
-لا طلبت ولدي و هو قريب ايجي...و اسمي ثريا مش مدام
-نتشرفو انا اميرة
-و بيك اكثر بنتي...ها هو ولدي سيف جاء (اول ما تلفتت اميرة كانتلها الصدمة)