زواج قبل الحب

الحلقة 56👀

الحلقة 56 : -باباتي انا باش تروح بيا مش اماني
-اي انا باش نروح بنتي ليوم و باش نمشيو نفطرو البرا زادة(صفقت بيداها و عنقتو و ريم كانت تغزرلهم و تضحك و خالد تلفتلها)-اهلا ريم سامحني هاك تشوف في ملكة ههه
عادي مفما حتى مشكلة حتى هي ملكة بكلها (طبيست باستها)-شتعمل هوني جاية لولد يقرا هوني (ريم سكتت و بعد ضحكت )-لا انا هوني (قصت اعلاها ملكة)-لا باباتي هي انيستي هي تقري فيا (خالد سمع بنتو و تلفت يسأل فاها بعينيه صحيح ولا لا)-اي انا معلمة هوني من الصدفة المزيانة الي انا نقري موكة... سامحوني توة لازمني نروح بطيت محبيتش نخليها وحدها اذاكا اعلاش بقيت نستناو فيك سي خالد شوفت عمايلك هههه
-هههه سامحني مقصدش كان تحب اتو نوصلك
لا مس(قصت علاها ملكة )-اي رمرومة هيا معانا نفطرو مع بعضنا )و غزرت البوها تشاور فيه)-كان ميقلقكش بالطبعة حتى على خاتر ملكة و زيد لازمني نشكرك على قعدتك مع ملكة و نرشيك باش تزيد تتلها باها هههه(قعدت تفكر شوية وهي تغزر للملكة كيفاش تتشحت فاها)-باهي موافقة اما منبطاوش
ركبو في الكرهبة و ملكة ماشكتتش كانت فرحانا كانت تحكي مع ريم و يغنيو مع بعضهم بالقوي و انا نغزرلهم و نضحك اول مرة نشوف بنتي هكا...وصلنا للرستو فطرنا و ريم كانت لاهية بملكة للحظة تخيلت الي نحنا عايلة و بعد سمعت ملكة تشاور فيا باش تمشي تلعب مع الصغار و انا وافقت كيف مشات قعدت انا ريم ساكتين وبعد تكلمت
-انت و سارة اصحاب عندكم برشا
-قرينا مع بعضنا و بعد معادش ريتها كان في لندن
-ااا كنت تسكن في لندن مشيت لاختي غادي في العيد ميلاد عرفت الي خويا صاحب خوها
-ااا فهمت...شعاملة ملكة معاك
-ملكة من احسن التلامذة الي عندي ناشطة برشا اما المشكل الي هيا ديما وحدها
-ملكة ملي ماتت ايناس و هي ديما اكاكا تخاف لا تتعلق بحد و بعد يخلاها كيف امها و انا نعمل في مجهودي انا الخدمة
-سامحني كان ذكرتك في المرتك الله يرحمها مقصتش
-لا عادي(خالد تتردد في السؤال اما مبعد سالها)و انتي معرسة
-لا كنت اما توة طلقت عندي خمسة شهور
-سامحني ذكرتك بمواجعك
-مانسيتش باش نتذكر مطتلبش السماح على حاجة مش ذنبك(هزت يدها باش تمسح دمعة قبل ماتهبط و بعد ضحكت)ايا نمشيو معادش وقت
-اي هيا(خلص و بعد هزو ملكة و مشاو)
خالد وصل ريم و بعد روح كان في بيتو يتذكر فاها في ضحكتها تصرفاتها كلامها حركاتها مع ملكة ضحك و بعد تذكر وجيعتها و هي تحكي علا طلاقها كان باش يموت ويعرف اعلاش طلقت و هي علاش بكات و بعد هز النوم و هو يتفكر فاها كانت اول ليلة ما يخممش في ايناس