زواج قبل الحب

الحلقة 63 👀

الحلقة 63 : طلع الصباح و قت الي فاقت سارة و تلقى روحها راقدة على ساقين و مغطاها بالفاست متاعمو هزت راسها تلقاه مزال رلقد قامت بشويا و هزت الفاست من علاها و غطاتو و غزرت لبلاصة اماني ملقاتهاش عرفتها ووين مشاتلها كانت تغزلو من البلار و هو راقد بكلو خيوط و مكينات قلبها دم عليه تمسح غلى البولار و تبكي ما فاقت كان بيد سارة على كتفها تلفتتلها
-احمد قوي و باش يقوم انا نعرف باش يقوم على خاتر الاعباد الي يحبوه و يستناو فيه باش يقوم على خاترك...توة بر اغسل و جهك قبل مل يفيق خوك و وقت الي يقلك بر روح ما تنقشوش و تسمع الكلام
-اما
-اما مفماش اما... تحبو يفيق بيك و يرقدك بجنبو ضاهرلي تعرف خوك بر فيسع(اماني سمعت الكلام و مشات سارة غزرة الخوها من البلار)-نعرف الي انتي باش تقوم كان مش على خاترنا على خاتر اماني نعرف (كانت تحكي معاه وقت الي سمعت حس و الطبيب و الفرملية جاو قاعدت تغزر وقت الي خلط يوسف و اماني و سألوها شفما ما جوبتهمش عيناهم مابعدش من على احمد الي شافوه يحل في عينيه بشويا الفرحة الي كانت عندهم ما تتوصفش بعد شويا خرج الطبيب يضحك)-مبروك احمد قام و العملية نجحت شوية اخر نهزوه لبيتو و تنجمو تتدخل تشوفوه اما ما تقعدوش برشا (دوب ما سمعت سارة نقزة طول عانقت يوسف صدرو البلاصة الوحيدة الي ترتاح فاها سوى في حزن ولا فرح اما اماني فاضحكة الي ترسمت على شفايفها ما تنحاتش و هي تغزر لاحمد و حركت شفايفها بكلمة نحبك و هو تبسم)

الحلقة 64 : ليوم نهار جديد احمد عندو شهر في السبيطار اما اليوم يوفا الكابوس و يروح للدار في الفترة هاذي اماني و احمد ما نجموش يقعدو وحدهم ديما شكون يكون معاهم و يحرم علاهم اما اليوم تفاهم مع سارة باش تجي هي وياها قبل العيلة الكل خاتر سارة الوحيدة الي تعرف بعلاقتهم اول مادخلو للبيت يلقاوه يلم في دبشو تكلمت سارة فيسع
-ياخي ما تستناش اعلاش تعب في روحك شمقيمك من الفرش متستناش
-فاديت كن الرقاد و زيد مش عامل العملية في يديا (يتكلم مع اختو و عينيه ما تهزوش على اماني و سارة فهمت تلفتتلها و بعد غزرت الخوها)-انا هاني خارجة اماني انتي عاونو... و انتي الطفلة امانة معاك و متبطاوش في الكلام جمال و يوسف خالطين هاني البر (قالت اكاكا و خرجت اول ما خرجت احمد غزر لاماني و حل يديه و هي طول ترمات عليه عنقتو بالقوي و هو كبس اعلاها طبس باس شعرها و شفايفو مانحهمش )-توحشتك اماني توحشتك (ماجوبتوش اما كان يسمع في شهقة البكاء هزلها راسها لقاء دموعها تبسم و دور راسو يمين و يسار معناها لا و هو يمسح في دموعها و بعد تكلم)-اعلاش تبكي انتي توة نجم نعرف
-خاترني خفت لا معادش نشوفك و لا نشم ريحتك كان كان صارتلك حاجة راني مت (حط صبعو على شفايفها )-اااش كلمة الموت معادش تقولها باهي انا رجعت على خاترك نحبك اماني فاهمتني و نوعدك عمرنا ما نتفارقو انتي باش تكون مرتي اماني نوعدك المرة الي بعدت فيها عليك شعرة لا متت عمري لا عاد نرجع للي كنت فيه باش نكون الراجل الي يستحقك مش احمد القديم متاع البنات و السهريات غير انتي اصبر معايا شوية بركا باش كيف انجي نخطب خواتك ما يرفصونيش
-نستناك احمد نستناك عمري الكل...انا نحبك احمد نعشقك و مسامحتك هذا الي كنت باش نقولو قبل اكسيدون (ضحك و بعد هبط على شفايفها باش يبوسها و سارة دخلت ياخي اماني بعدت)-هيا الجماعة جاو باش نمشيو و مشات تهز في الفليز و خرجت و هوما وراها وقبل ما يخرجة احمد خطف بوسة فيسع و غمز اماني