زواج قبل الحب

الحلقة 3 👀

الحلقة 3
بعد ما وفات الحفلة طلعت سارة للبيت باش تبدل حوايجها وتكمل تحضر روحها باش تسافر هي و يوسف للندن .... طلعت معها ليلى و اميرة
سارة كل شيء حاضر (ليلي)
اي حاضر... (و تلفتت لاميرة تاخو في الحوايج)-برا ادخل بدل دبشك فيسع معادش بكري على الطيارة
ياربي كيفاش باش نسافر نخاف من الطيارة ...(ضحكت اميرة)-ههه رد بالك تقول لكلام هذا قدام اماني متموت عليك بالضحك ههه
-علاش... (ليلى)
-اماني كان تلقى تسكن في الطيارة يابنتي كل عطلة و هي مسافرة لبقعة
خرجت سارة من سال دو بان لالسة سروال دجين و شميز كروات غوج و نوار و خيمار غوج
هبطت اللوطة لقات يوسف يستنا فها سلمت على العيلة الكل و ركبت الكرهبة و مشاو للمطار
اول ما دخلت سارة للمطار توترت حس باها يوسف اما مبينش طلعو للطيارة و قعدت بحذا الشباك تقرى في القرآن
يوسف قعد بحذاها و ربط السنتير و هي عملت كيفو اول ما الطيارة باش تقلع سارة دخلت بعضها و شدت في يدين الكرسي و غمضت عيناها شافها يوسف و عرف قادش هي خايفة حط يديه على يداها ياخي كبست اعلاها و شدتها بالقوي
اول ما طلعت الطيارة حست روحها ارتاحت شوية و نحات يدها من يد يوسف كانت حمرة برشا من شدتها ياخي حشمت و قتلو سامحني
تلفتلها يوسف و قلها كل من سافرو باش تعمل هكا و ضحك سارة اول ما شافت ضحكتو عجبتها على لخر
تعدات ساعة و مزالو اربعة سوايع باش يوصلو سارة كانت تقرا في المجلة و يوسف يتفرج في التلفزة حست روحها تعبت غمضت عيناها و استسلمت لنوم..... مفاقت كان بيد يوسف يقيم فاها كانت راقدة على صدرو و هو معنقها هزت راسها قالها -صح النوم .... قوم قريب نوصلو .... سكتت و حبت تحل السنتير منجمتش و ما تحس كان بيد يوسف فوق يدها يحللها فيه وجه حمار و قعدت مركزة مع يديه الدافية فوق يداها مستحلية لمستو ما تفيق كان بيوسف قام باش هي تقوم و تمشي لتولات
دوب مدخلت و شافت روحها في المرايا تفجعت انا كنت بحذاه هكا و فيسع عسلت و جها و ريكلت روحها و ركحة خمارها و رجعة
سكرت السنتير و شدت يدين الكرسي بالقوي
صار مش في الطلوع بركا تخاف حتى في الهبوط هههه .... قحرتلو سارة و سكتت
قبيلة كوصلنا للمطار كنت تحكي مع اميرة
اي كانت اسأل فيا ركبنا الطيارة و لا
امم ظاهر فيك انتي و اميرة صحاب برشا
اي علخر.... ديما مبعضنا
وانت و اماني مكمش اصحاب
لا اصحاب ... اما انا و اميرة اكثر خاتر ديما مبعضنا و نقراو نفس التخصص
و شنو تخصصك الي تقرى فيه
متعرفش اختك شتقرى... (و قالت في قلبها كيفاش متعرش مرتك شتقرى)... اعلاش مسالتهاش
مكانتش حاجة مهمة
مالا علاش نسأل توه
باش نعرف مرتي شتقرى هههه .... هيا قوم نهبطو قعدنا كان نحنا في الطيارة (تلفتت تلقا الطيارة هبطت و العباد خرجت و قتها عرفت الي يوسف اعمل اكاكا باش تقعد تحكي و تخافش ضحكت و قامت تمشي وراه
كملو الاجراءات و خرجو خذاو تكسي و هوما راكبين تلفتت سارة ليوسف و قاتلو
هندسة ديكور.... نقرا هندسة ديكور
ههههه نعرف
مرسي على قبيلة يوسف
عادي اما لازم تتعود مش ديما انا باش نقعد نطمن فيك كل مرة و يدي تولي حمرة هههه
سارة قحرتلو و سكتت معجبهاش كلامو و قاعدو ساكتين لين وصلو للاوتيل و دخلو البيت

سخفتني سارة 👀
اما صحة ليها لقاتو بدات تشرط واحد كيف يوسف 😃💜