زواج قبل الحب

الحلقة 14 👀

الحلقة 14 :
كانت قاعدة قدام التلفزة و عيناها متهزوش من على يوسف كان واقف قدام المرايا يلبس في حوايجو فاق باها تغزرلو غمزها من المرايا و كيف كمل مشالها و باسها من جبينها -حبي انا خارج عندي شويه خدمة
- باش تخرج و تخليني وحدي هوني يوسف -كان تحب اخرج اعمل دورة في البلاد -قتلك منعرفاش لندن اول مرة انجيها كيفاش نخرج وحدي -عادي خوذ تاكسي اوكا (حاطلها كارت بنكار فوق الطاولة و خرج و هي قاعدت مصدومة فيه كل متقول ولى باهي معاها و بش يتفاهمو يعمللها حاجة ترجعها للصفر)
كانت ماشيا جاية في البيت فادت و يوسف عندو اربعة سوايع البرا و التوه لا جاء في الاربعة سوايع عملت كل شيء طلبت دارهم تسأل اعلاهم و حكات مع اميرة اكثر من ساعة تفرجت في التلفزة فطرت حابت ترقد اما النوم محبش ايجاها بالغزول قاعدت على الفوتاي تغزر للكارت قامت تجري لبسة حوايجها و خيمارها هزت ساكها و خرجت
في تونس :
كانو الكل ملمومين في الصالة حياة مصطفى خالد اميرة و ملكة و اماني ماشية جاية قدامهم وتليفون في يدها
-ياربي شبيه التوه بطاو -وسع بالك بنيتي مزال بكري(حياة) -عيشنا و شوفا اماني على عصابها و تتغصور هههه(خالد) - يزي اخطا اختك (مصطفى) -ماك قلت ناجحة و معندك حتى شك و لا كلام اليل هههه(اميرة) -اسمعو انتوما الزوز اخطاوني مانيش ناقصتكم و ناقصة ركاكتكم (و راجعت تمشي و تجي و اماني و خالد ضربو ايديهم بيدين بعضهم و يضحكو و بعد سمعو صوت الميساج اماني و قفت في بالصتها وتدعي و تقرا في القرآن ) -ياربي ياربي...بسم الله -هيا بركا تقول باش تفجر روحك حل خنعرفو شعملت (خالد) -يااااا يجماعا زغرتو راني نجحت نجااااحت (تصيح و تنقز قامو الكل يبوسو فاها فرحنين و حياة اتزغرت )-مبروك بنتي العاقبة للتخرج (مصطفى) -يعشك بابا اما مبروك حاف
-شنوة تحب و انا انجيب البنتي
-انحب نعمل حفلة كبيرة هوني
-ووه كيفاش تعمل حفلة و خوك و مرتو مش هوني ميجيش (حياة)
-باهي مسالش نستناوه ماو ايجيو اخر الجمعة ميقلقنيش تفاهمنا بابا
-الي تعملوه مبروك(تلفتت لخالد و اميرة) -و امتوما ردوبالكم تنساو متشريوش الكدوات متاعي باهي
-اصبر نجحت مره في حياتها و لات تتشرط(اميرة)
-شوفت ماو كيفاه باهي ياللا اتدلل(خالد)
طلعت اماني للبيت فرحانا علخر قعدت دور دور و بعد ترمات فوق الفرش تضكك بالصوت و تسمع في تليفونها ينوقز لقات نمرو متعرفوش مهزتس عاود طلبها نفخت وهزت -الو
-انقولو مبروك ولا حشمتنا
-نعم شكون معايا
-لا و معرفتنيش زادا مش مشكل قلي نجحت ولا لا
-يا خي لاباس تسأل و تجاوب وحدك
-هههه هاني سألتك مجوبتنيش
اووف كان متقولش باش انعلق
-باهي باهي و سع بالك...انا احمد(اماني تصدمت معرفتش شتقول)-اه احمد خو سارة
-اي هذاكا هو... نجحت ولا
-اي نجحت و ان.... اما انتي كيفاش اعرفت نمرويا و وقت ناتيجت الباك
-هههه هذيكا القوة متاعي ... متخافش هديتك موجودة باي (و علق اماني قعدت تغزر للتليفون مش مستوعبة الي كان يحكي معاها هو احمد الي شطر بنات تونس باش يموتو اعليه قاعدت تغزر للتليفون و تتبسم و حدها)