زواج قبل الحب

الحلقة 45 👀

الحلقة 45
غزرلها في عيناها و قرب منها و شدلها يديه كانت عيناه مزغللا بالدموع
-سارة انتي روحي نعرف الي انتي تعذبت معايا اما انا منحبش انطلق منيش مطلق انتي مرتي و منحبش مرا غيرك نعرف كان نقعد نطلب منك السماح حياتي الكل ما يكفيش اما سامحني سارة انا يوسف عبد الحق عمري لا طلبت السماح من حد توه قاعد نترجا فيك باش تسامحني
-يوسف انا مسامحتك الي صارلنا مش ذنبنا مفمة حد اينجم يتحكم في مشاعرو و قلبو انتي محبتنيش و هذا مش بيدنا اما انا تعبت و معدش نتحمل خلينا نرتاحو تلزوز الطلاق هو الحل لينا لثنين خلينا نكمل حياتنا و نحنا علقليلة اصحاب
-تكذب على روحك سارة نحنا مناش باش نجمو نكونو اصحاب انتي تحبني سارة متنكرش قولي تنجم تعيش من غيري كان انتي تنجم انا لا قولي تنجم تشوفني مرة بعد قداش انا لا منجمش...منجنش نقوم منلقاكش بجنبي منجمش منشفش ريحتك في البيت كل مندخالها منجمش منالقاش حوايجك على الفرش في اليل منجمش منسمعش صوت ضحكك مع خواتي كيف تبدا معهم و انا نسمع فيكم بسرقة منجمش منشوفكش تتحول الطفلة صغيرة وقت الي تلعب مع ملكة ولا وقت تتغرج معاها في الكوميك منجمش و منجمش ومنجمش انعيش بلا بيك سارة انا طول عمري وحدي عمري لا حبيت و لا تعلقت بحد يمكن خاتر عشت بعيد على عايلتي برشا كان ما يهمني حد كان روحي حتى انتي دخلت للحياتي خاليتني نشوف الدنيا بعينيك كنت مسلمك روحي و نمشي وراك منغير من حس خوفت من الاحساس الي حسيتو معاك هربت مكنتش نعرف الي بهروبي عقدت الدنيا اكثر سارة انا (قرب منها اكثر و مسح دموعها الي كانت شلالات و هي تسمع فيه غزر للعيناها)سارة انا نحبك و منجمش انعيش بلا بيك و منحبش انعيش منغيرك نحبك كلمة نقولها اول مرة ليك انتي و حد ما باش يسمعها غيرك  (باس كف يدها و قعد يغزرلها يستنى شنوه باش تقولو)