زواج قبل الحب

الحلقة 31 👀

الحلقة 31
سارة قعدت في البيت تاكل في روحها من العصب كيفاش مشى و خلاها و في نغس الوقت كانت متنرفزة من روحها على خاتر حكات معاه اكاكا وقتها تذكرت الكلام الي قالتهولها امها الي يوسف عصبي و هي لازمها تسايسو و توصلو الي تحب اعليه منغير تنرفيز اذاكا اعلاش قعدت كيفاش باش ترضيه و دخلت تجري للصال دو بان باش تعمل دوش اما يوسف كان غاطس في الوراق يحب ينسى العصب الي ركبتهولو سارة في الوقت اذاكا سارة خرجت من الدوش و لبست نويزات كحلة و فوقها الكاب شيحت شعرها و خلاتو مسيب
-لازمني انرضيه خليني نمشيلو للبيرو ليلى تعمل هكا مع جمال(و خرجت من البيت)سمع حس خرج يشوف شفما شافها اول مرة يشوفها من غير خيمار شعرها كان طويل اكحل كيف الليل كانت هابطة بشوية في الدروج و البسمة على وجها غورلها و بعد دخل البيت و سكر الباب بزربة مسح وجه بيديه و حرك راسو يمين يسار كينو يبعد فالفكار منه و بعد غزر لتصويرة مرتو مشى شدها وباسها
-ااه ايناس لشكون خايتني راني تعبت تعبت منغيرك ااه
هبطت تجري في الدروج اول موصلت قدام البيرو وقفت تنفست و دخلت

هو كان غاطس في الخدمة كيف سمع الباب تحل كان يسخايب خالد و لا بوه اما كيف هز عينيه لقها واقفة قدامو تضحكلو مصدقش من الاول اما كيف استوعب طول قام من غير ما يشعر
-سارة شتعمل هوني...و انتي لابسة هكا و شعرك محلول(قربت منو و هي تحكي بدلال)-جيت باش انرضيك و زيد الكل راقد مايشوفنيش
-باهي بر اطلع انكمل و نخلط عليك
-هكا تو يوسف انا جيتك الهوني و شوف شنوه لابسة و انتي تقولي اتو نخلط اعليك
-ما لا شنوه تحبني انقلك(رجع يشوف في الوراق و هي قربت منو و قعدت في حجرو تاعبلو بشعرو هو تصدم فاها و في عماتها اما من داخل عجبتو علخر...غزرتلو في عنيه و بعد باستو من خدو و وشوشتلو في وذنو بدلال)-مزلت متغشش مني (غزرلها و عملها براسو اي فنشت شفايفها و هو مركز مع كل حركة تعملها)-شنوة تحبني نعمل باش ترضى عليا سي يوسف(كانت تحكي بدلال ويدها ورا رقبتو يوسف معادش ينجم يشد روحو علاها باش تهبلو كل يوم يكتشف فاها حاجة جديدة هز صبعو و حطها على شفايفو و غزرلها هي فهمتو اما ولات تتبهنس)-مفهمتش معناها نسكت
بوسني من شفايفي باش نرضى (عضت شفتها و هبطت راسها باش تبوسو وهو مستناهاش حط يديه ورا راسها جبدها و غرق في شفايفها كلاهم كان يبوس بغل و قوة صب فيهم العصب الي ركبتهولو الكل كان يبوس و يعض و يبرد بالسانو داخ و دوخها معاه