زواج قبل الحب

الحلقة 15 👀

الحلقة 15
سارة كانت تمشي في شوارع لندن منبهرة بالبنية و اااعباد و الحضارة كانت تمشي و تتفرج حتى لين حيت روحها تعبت مشات قاعدت في café باش ترتاح شوية كانت سارحة تخمم تحب تعرف هي شنوه بنسبة ليوسف زعما غلطت كيف سلمتلو روحها زعمة باش يولي يحبها سؤلات برشا دور في رأسها تحب تاقالهم الاجوبة كانت غاطسة في تفكيرها كيف سمعت اسمها
-سارة(تلفتت تلقاها وحدة تضحكلها لابسة غوب بروتال طويلة في الازرق و شعرها قصير سارة قاعدت تغزرلها معارفتهاش)
-معرفتنيش... انا ريم قرينا مبعضنا قبل
-ااه ريم اهلا بيك سافا تفضل(قعدت ريم مقابلة سارة)
-شعاملة لباس و شتعمل هوني
-مزلت كيف عرست و جيت انا و راجلي لهوني
-بلحق ايا مبروك يا عروسة...متقليش قاعدة انتي و راجلك تو و انا قصيت عليكم الرومنسية ههه
-لا انا قاعدة وحدي يوسف مش معايا و انتي(ريم ستغربت كيفاه مزالت معرسة و راجلها مش معاها اما محبتش اتحرجها ياخي سكتت)
- انا جاية نبدل في الجو غند اختي تسكن عوني بعد ما عرست... امم شقولك نمشيو نغملو دورة و لا انقلك هيا نمشيو نشريو حوايج من لايت مول
-اوكا هيا مشات معاك
مشاو يقضيو كانو يحكيو و ويضحكو سارة فرحت كيف لقات حد تقصر معاه الوقت و متفكرش في يوسف وتعاشو و ريم اعطات لسارة نمروها باش يقعدو يحكيو ديما روحت سارة للوتيل لقات يوسف مزال مجاش توة 10 متاع الليل و هو حتى تليفون لا كانت متنرفزة منو علخر و في نفس الوقت خايفة لا تكون صرتلو حاجة بدلت حوايجها و قعدت على الفوتاي تستنا فيه حتى لين هزها النوم مافاقت كان على يدين تمسح على شعرها حلت عيناها تلقي يوسف قدامها على ركبتو يتبسم
شبيك رقدت هوني متقليش قعدت تستنا فيا (قدم باش يبوسها من شفايفها و هي بعدت عليه)-وين كنت لتو
-ماني قتلك عندي خدمة قبل متخرج
ولات تصيح)خدمة لتوة اه جاوبني خرجت من الربعة و توه نص الليل و تقلي خدمة لا صدقتك (يوسف كان شادد روحو بسيف و يحكي و ينزل على سنيه)-سارة ما تصيحش
اعلاش (و زادت في الصياح يوسف فد عال لخر شدها من يدها بالقوي و دورها)-سارة شنوة تحب قتلك كنت نخدم نخدم مانيش نسهر و حتى كان كنت نسهر راني قتلتك مانيش باش انخاف منك و لا باش تمنعني اعلاش تكبر فاها لحكاية و هي صغيرة
-ياخي نرمال انتي فمة واحد مزال كيف عرس يخلي مرتو وحدها و يخرج و يقلها تفرهد و حدك انا عندي خدمة و فوق هذا الكل لا يطلبها لا يسال اعلاها و جاي مع نص اليل و تعيط مالفوق و مش عاجبتك أسئلتي تحسب روحك راجل هكا (اول ما ساره قالت الكلمة لخرة شافت وجه يوسف تبدل و عنيه حمارو عرفت الي هي فاتت حدودها اما توة معادش تنجم ترجعها الكلمة حست روحها باش تبكي من الخوف تشوف كان في يد يوسف الفوق باش يضربها حطت يداها على وجها خايفة من كف يوسف الي باش يهبط على خدها اما لحظة شباها مهيش تحس في وجع اصلا هي مخذاتش كف حلت عيناها تلقى يوسف مدخل يدو في المرايا الي بجنبها مشات طروف و يدو كلها دم شهقت و شدتها فيسع)
-يوسف شعملت اعلاش هكا (جبد يدو و خرج من البيت من الوتيل من غير حتى كلمة و سارة ترمات على الفرش تبكي)

#يتبع 🔥🔥

حيب رايك الي عملتو سارة يستحق ؟؟
و تصرف يوسف كيفاش كان حسب وجهة النظر متاعك 😎👀

انا نشوفو غالط 😕😃😂