زواج قبل الحب

الحلقة 49 👀

الحلقة 49
العيلة الكل روحت و الحس بات و طاح اليل الي فيه برشا اسراى كل واحد من ابطالنا يفكر في حياتو خاصة اميرة الي كانت في المرسم متاعها تخزر التصويرة سيف الي مزالت كيف عملتها كلينها تحب تحكي معاها اعلاش هي اعلاش حكى مع خوها و يحب يخطبها و هو مالي شافها ديما ينبز فاها زعمة شنوة مخبيتلها الايام هي سارحة و تسمع في تليفونها نوقز كان نومرو منعرفوش هزت
-الو وي
-مزلت فايقة
-نعم تتضومر سياتك... شكون معايا
-ههه باهي باهي متتنرفز مزلت كيف روحت من السبيطار قلت نطلبك كان ماجوبتش فيسع راك راقدة اذاكا علاش سألت...حبيت نعرف خوك قالك الي انا نحب نخطبك ولا لا
(اول ما كمل كلامو غزرت للتصويرة الي في يدها مش عرفة شتقولو)-سيف هذا انتي
اعلاش فما غيري خطبك من عند خوك
-عرفت نومويا
-هههه ساهلة منعند يوسف
-ااا اوكا فهمتك
-قالك خوك الي انا نحب نخطبك مش
-اي قالي اليوم
- انتي شنوة جاوبتو
-اعلاش
-نحب نعرف موافقة ولا لا
-لا مفهمتنيش اعلاش تحب تاخذني انا و نحنا منعرفوش بعضنا
-متاكدة
-شنوه مفهمتكش
-شىء شىء نجم انشوفك غدوة و نحكيو
-باهي
-مالا نتقابلو غدوة توى بون ووي(علق من غير ما يستناهاو هي كانت تفكر في غدوة كيف تقابلو شنوة باش يحكيو و بعد مشات باش ترقد و تبعد الافكار الي في مخها)
في بيت سارة و يوسف:
سارة كانت راقد في حضن يوسف و هو كان فايق يتامل فاها و يمسح على شعرها مش عارف كان ماسمحتوس و بعدت عليه كيفاش كان يعيش من غيرها حس روحو تخنق من مجرد الفكرة بركا كان حاسس روحو غالط معاها خاتر كان قبل بحبها و مهربش منو راهم كانو اسعد ببرشا و راو توه يستنى في طفل منها يملي عليهم الدنيا اما الله غالب اذاكا الي صار مينجمش يرجع الوقت مسح دمعة من عينو و طفا الضو و زاد قرب سارة منو في حضنو كبس علاها كاينو خايف لا تهرب علية و رقد