زواج قبل الحب

الحلقة 79 👀

الحلقة 79 :
-شمعناها شنوة باش تعمل توة(خالد)
-شنوة اش بشيعمل لازم يعمل الي قالو عليه و يرجعلي بنتي(حياة)
-لازم نطلبو البوليسية منستناوش (قال اكاكا يوسف و مشا لتليفون و سيف صاح)-لا لا منجموش ندخلو البوليسية نخاف لا يعمللها حاجة مهدي مهبول و ينجم يعمل اي حاجة اي حاجة
-شمعناها
- نعمل الي هو يحب عليه هو حاشتو بيا انا يحب يذلني و نجم يشدني من يدي الي توجع فيا اميرة و ولدي (قال اكاكا و خرج يجري يعمل في الي طلبو منو مهدي و بعد رجع للدارو و العيلة قعدت مكتفة يداها مش عرفين شنوة يعملو قاعدين بركا يستناو)
مهدي روح للدار اول ما دخل لبيت النوم شم ريحة اميرة دموعو هبطتت من غير ما يشعر معادش ينجم يشد روحو اكثر تلفت لقا تصويرتهم بجنب الفرش نهار عرسهم تفكر وقت الي وعدها الي يكون بجنبها و يحماها و هو موفاش بوعدو تذكر وقت الي دخل علاها و هي قتلو الي هي حبلة نهار اذاكا منسهوش الفرحة الي حسها وقتها دوبل فرحة الي باش يولي بوه و فرحة الي ولدو من اميرة حب حياتو تذكر وقت الي كانو صغار كيفاه يلعبو ولا وقت يتعاركو و هو يرضيها كل شيء تعدا على عينيه و دموعو ما كفتش و بعد غزر للمرايا و صاح باعلى صوتو صيحة تعبر على كبر الوجيعة الي فيه و دخل يدو في المرايا جابها طروف و بعد قعد في القاعة بجنبها و يديه تجري بالدم مشعارف ال24 ساعة كيفاش باش يعديهم من غير اميرة

الحلقة 80 👀

اميرة وقتها كانت قاعدة على القاعة ضامة ساقاها و مطبسة راسها و تبكي و قت الي دخل مهدي و هي تنفضت جات واقفة ترعش خايفة منو و هو قرب منها و هي وخرت لين لصقت للحيط و هو هز يدو مسحلها دموعها و بعد تكلم
-مزال بكري على الدموع نوعدك تبكي أكثر من هكا على راجلك كيف يجي (تلفت و جا خارج و اميرة تكلمت)-ش شنوه ب باش تعملو
(تكلم منغير ما درلها)-باش تولي ارملة قبل ما تكمل عام عرس ههه (ضحك و خرج و خلاها قاعدة على القاعة تبكي و هي حاطة يدها على كرشها )- يا ربي احمي سيف يا رب ...ياربي منجمش نعيش من غيرو كان مش على خاتري على خاتر ولدو ياربي استرها و احميه يا رب
في الصباح سيف كان في الصالة سارح ضاهر مرقدش ليلة كاملة و التليفون في يديه اول ما نوقز هز فيسع
-عملت التنازل
-اي عملتها وقتاش نجيبهالك
-جيبها اليوم مع الثمانية و تجي وحدك و كان متسمعش الكلام مرتك هي الي تخلص
-باهي فهمت الي تحبو نعملو نوعد المهم اميرة
-صحيتك هكا نحبك
-اي اما مقتليش كيفاش و وين نجيك
-اتو نقلك قبل ما تجيني بنص ساعة
-باهي اما خليني نحكي مع اميرة
-كيف تجي اتو تحكي معاها (بعد علق)
يوسف كان يلبس في حوايجو و سارة تغزرلو تلفتلها بعد ما كمل و باس راسها و تكلم
-انا عندي وين ماشي كان بطيت ارقد و متستنانيش
-اعلاش انتي وين ماشي
-عندي قضية اتو نحكيلك اعلاها كيف نروح
حاجة خاصة باميرة
اي
يوسف وين ماشي
متخافش مفما شيء (غزرلها في عيناها و بعد باس شفايفها و هبط على كرشها باسها و بعد عنقها و قلها)-رد بالك على روحك و علا ولادنا (وخرج من البيت و سارة مش فاهمة شيء و يوسف مشا لسيف اول ما وصل لقاه باش يخرج
-يوسف شبيك
-وين ماشي ماشي للاميرة
-يوسف بر روح يحبني وحدي
-منيش مروح اميرة اختي
يزي يوسف سارة حاشتها بيك متخليهاش وحدها وهي حبلة (دزو و مشا ركب في الكرهبة و يوسف خالط وراه و يتبع فيه)
مهدي كان قاعد قدام اميرة
-هي نص ساعة حبيبك يوصل
-امان متعملو شيء و هو يعملك الي تحب عليه
-لحكاية حكاية مبدأ انا ما نرتاح كان كيف نشوفو مذلول قدامي باش المرة جاية يعرف معا شكون يلعب(جاء خارجو مبعد غزرلها غزة اميرة تقلقت منها)-توة زعمة كان انا نذوق من حلاوتك سيف شنوة يعمل
-شنوة
-شيء تو كيف يجي سيف نتفاهمو و يشوف مرتو الي جاي يجري خايف علاها و باش ينقذها مني بين يديا و نذوق في حلاوتها (اول ما سمعتو اميرة حطتت يدها على كرشها و قلبها تحس فيه باش يخرج من صدرها )
سيف وصل للبلاصة الي قالو علاها مهدي و يوسف يتبع فيه هبط سيف من الكرهبة و مشا يلقى واحد واقف قدام الباب
-انا جيت و جبت التنازل مرتي وين(خرج مهدي يضحك)-اهلا اهلا بسي سيف انتي صحيح عملت روتار اما ميسالش
-مرتي وين مهدي
-ههه مش تستنا ساعة نشوف التنازل
-اهوا جبتو اميرة ويين
-باهي اجا معايا (و قبل ما سيف يتكلم واحد من رجال مهدي ضربو على راسو طاح دايخ في القاعة و مهدي تكلم)
-هزوه اربطوه بحذا مرتو اربطوه مليح و قعدو عسو عليه