زواج قبل الحب

الحلقة 16 👀

الحلقة 16
كانت تبكي مشعارفة اعلاش تبكي علا روحها و عيشتها ولا على يوسف و تصرفها معاه مش عارفة هي عندها الحق و لا هو متنجمش تستحمل تكون على الهامش من حياتو هي مرتو لازم تكون هي اول اولوياتو هذا حقها عليه اما حست الي هي مكرهاش حكات معاه اكاكا مكرهاش هانتو في رجوليتو كانت تاكل في روحها على يوسف زعما وين مشا
يوسف كان يسوق و يضرب في الفولن و يدو لخرى بدم كان يغلي من العصب عصب مش من تصرف سارة لا من تصرفو معاها كان يسأل في روحه اعلاش مضربهاش كيفاش سكتلها هذي مش طبيعتو اعلاش يدو وقفت قبل متمسها اعلاش منجمش يضرها اعلاش هي بذات مدخلتو بعضو هي شكون بالنسبة ليه مينجمش يحبها مش لازم يحبها كان يصيحو يضرب بديه
لاااا لا لا لا انا منحبهاش اوووف
في الصباح قامت سارة راسها يوجع فاها من كثرة البكاء كانت تسمع في صوت يوسف يحكي في التليفون مع خالد حولت تركز باش تعرف شنوه يحكيو
-منعرش انا بيدي مش فاهم روحي باش تفهم انت
-باهي هي مزالت راقدة
-اي راقدة
-لحقيقة يوسف انتي غالط توه لايزي امشيت تخدم في الوقت الي لازم تقعدو معاها خرجت مشيت للخدمة و روحت مخر و متللطهاش جملة تسأل علاها و تحب كيف ترجع تلقاها تستنا فيك تضحكلك
-كنت نخدم خالد مكنتش *** متفددنيش انت زاد
-زيد صيح المشكلة و متتحلش بالصياح و الغش اهدا ميزيش كنت باش تضربها
-مضربتهاش مستهاش خالد
-مديت يدك اعلاها و في نيتك تضربها
-خالد منجمتش نضربها و لا نصيح اعلاها رغم الي هي نرفزتني انا منعرش اعلاش
-انتي حبيتها يوسف
-لا أكيدلا انت تعرف الي انا منيش متع حب يا ولدي و نهار الي انحب نحب وحدة كيف سارة يمكن تصرفت اكاكا خاتر هي مرتي و مسؤولة مني لا اكثر و لا اقل
-كيفاه باش تتصرف معاها تو
-منعرش اما الي نعرفو الي انا وهي لازمنا نحترمو بعضنا باش متصيرش مشاكل بينا (سارة كانت تسمع في يوسف كيفاش يحكي اعلاها اعلاش مينجمش يحب وحدة كيفاها شنوة ناقصها باش ميحبهاش و هي اعلاش تقلقت كيف سمعت الي يوسف محبهاش ماهي هي زادة متحبوش لا هي تحب يوسف البارح عملت العركة مش على خاتر مشا يخدم و روح مخر لا هي تنرفزت خاتر طول ماهو البر ما سألش اعلاها و هذاكا اعلاش قاعدت شادة التليفون في يدها و هي مع ريم سمعت يوسف قال)- باهي نحنا بطبيعتنا مروحين بعد غدوة قول لاماني مبروك و سلم اعلاهم الكل
سارة رجعت تجري للبيت دخلت للصال دو بان باش دوش لعلا الماء السخون يبعدلها الفكار الكل اما الحقيقة الوحيدة الي عرفتها سارة الي هي تحب يوسف و باش تخليه يحبها

#خليلي رايك 😴😙