زواج قبل الحب

الحلقة 10 👀

الحلقة 10
يوسف قعد يخزرلها صحيح هو مبحبهاش اما هي مرتو حلالو و مينجمش ينكر الي سارة مرا تنجم تخلي اي راجل يهبل اعلاها حتى يوسف البارد معرفش شنوة يقلها متصورش منها تطلب منو ميقربهاش...قعد ساكت و مبعد قام ماشي للصالة سارة معرفتش تتصرف حست روحها غلطة كيف قاتلو اكاكا هي مرتو و هذاكا حقو علاها كيفاش تنجم تمنعو من حقو اما هي مش منجمة متوترة و خايفة مش عارفة شنوة تعمل
-فيين...ماشي
-عاندي شوية خدمة لازمني انكملها(يحكي معاها و هو يحل في pc )بر ارقد
سارة راجعت للبيت و تمدت على فرش تستنى النوم يجاها ويحميها من تخمامها... بعد ساعتين كمل يوسف خدمتو و مشى باش يرقد يلقى يارة راقدة في اخر الفرش و متكمشة على روحها دخل بجنبها و قعد يخزرلها وبعد اعطاها بضهر و رقد سارة مكنتش راقدة اول مادخل يوسف غمضت عيناها و مرقدت كان متأكدة الي هو رقد
في الصباح،قامت سارة قبل يوسف لقاتو مزال راقد كان راقد على كرشو و شعر هابط على جببنو و البسمة على وجه كان كيف الطفل الضغير كل براءة قعدت تغزرلو كاينها تحفظ في ملامح وجهو تحب تعرف اذا كان الي راقد توة هو نفسو الي تشوف فيه ديما الراجل البارد كيف مسامتو هي و بعد قامت دخلت باس تعمل دوش قام يوسف تلفت ملقاش سارة بجنبو كيف سمع صوت الماء عرف الي هي دوش قام طلب قهوة و قعد في الصالة و قتها خرجت سارة لابسة روب كحلة قصيرة و شات قعدت بحذاه
-صباح الخير
-غزرلها من فوق لوطو -صباح النور... صحااا
هبطت راسها لقات كاس القهوة)-ياخي فطرت
-كيفاه نفطر من غيرك شربت قهوة بركا خاتر راسي ميوجعنيش
-امم اوكا مالا جبلنا الفطور خاتر انا جيعانة برشا
ضحك و مشى باش يطلب الفطور
في تونس:
كانت سعاد في الصالة قاعدة و يدخل جمال
-السلام عليكم
-وعليكم السلام يا وليدي وينك التوة
-ماك تعرف يامي الخدمة و زيد يوسف و عم مصطفى مش يخدمو مفما في الشركة كان انا و خالد الخدمة الكل علينا
ربي معاكم يا وليدي
-و انتي شبيك قعدة وحدك و ليلى ويني
-طلعت من شويا ترقد فس الولاد و انا نستنا في احمد التوه لا جا و البارح مباتش في الدار
-حتى انا قلت مكش تستنى فيا الدلال هذا لاحمد مش ليا... خليني نمشي ترق تاعب عالخر وانتي بر ارقد مخر توه و احمد شوف اجي شوف لا اذاكا