زواج قبل الحب

الحلقة 20 👀

الحلقة 20
في تونس:
كانت في المرسم متاعها كيف كل يوم بحذاها ملكة تلعب و اماني تسمع في الغناء كانت تحاول ترسم كيف كل يوم الراجل الي تحلم بيه كل ليلة شكونو هو و اعلاش يقلقها في نومها و هي متعرفوش
اماني كانت سارحة في جرأة احمد كيفاش ينجم يوصل يعمل اكاكا باهي اعلاش اصلا اعمل اكاكا و هي اعلاش قاعدة تفكر فيه هي متنجمش تنكر الي فما حاجة قويا بينها و بيتو اما متعرش شنوه شنوة الاحساس الي جيها كيقربلها احمد عمرها الكل مسكره على قلبها ديما تقول الحب صعف و هي قويا عندها المبادئ متاعها حتى كيف خممت في فارس الاحلام موصفاتو مش كيف احمد هو رجل هوائي يبدل البنات كيف حوايجو و هي تحب تكون سلطانة على عرش قلب حبيبها كانت سارحة لين فاقت على ضربة مخدة من خوها خالد
-حمد الله على سلامتك للا اماني وين كنت
-اووف خالد ممسطك... شبيك شتحب
-وين كنت سارحة
-وين كنت هاني جيت
-قلي امشيت اليوم قيدت ملكتي الغالية في المكتب كيف موسيطك (يحكي و طبس هز ماكة و باسها)
-اي سافا قيدتها
-ايا باهي... ايا ملكة نطلعو نرقدو انا تاعب مالخدمة و قتاه ايجي يوسف و يرتحني شوية
-و قتاش جاين هوما
-غدوه في الغجر
-ايا باهي
-ايا انا نقاكم على خير(تلفتت اماني لاميرة و قاتلها)-و انتي للا باش انباتو هوني اليوم هيا نطلعو نرقدو خير
في لندن:
يوسف و سارة كانو متكين فوق الفرش مشبكين اديهم
-سارة
-امم ايا ارقد لازم انقومو بكري للطيارة في الفجر راي... و لا باش ترقد في الطيارة كيف العادة
-منحبش نرجع لتونس
-اعلاش
-خاتر نعرف اول منرجعو باش ترجع للخدمة و تنساني
-هههه متخافش مننساكش ايا ارقد عاد
في تونس:
كان خالد و احمد في الكرهبة ماشين للمطار باش يجيبو سارة و يوسف
-ياعني حتى واحد ما يعرف الي هوما جاين اليوم
-لا الكل في بالهم غودة
في الطيارة:
كانت سارة راقدة في حضن يوسف و هو يلعبلها بشعرها و يتامل فاها و يبتسم من غير ما يشعر -سارة...سارة قوم قريب نوصلو انتي ضاهرلي ميحلالك النوم كان في الطيارة
-امم وصلنا
-اي اربط الحزام
-زعما خالد و احمد وصلو
-اكيد وصلو انا ماكد اعلاهو
-شنوه باش تكون ردة فعل العيلة كيف يشفونا انا توحشتهم الكل علخر
-هههه هاك روحت اشبع بيهم
اول ما وصلت الطيارة خالد و احمد قعدو يلوجو على يوسف و سارة الي جات تجري تعنق في خوها
توحشتك توحشتك احمد علخر
ههه حتى انا زادة توحشتك (وغزر ليوسف و ضحكلو)-اهلا نسبي (يوسف الي كان يعنق في خوه مشالو عنقو)-اهلا بيك
بعد ما كملو سلامات و كلام ركبو في الكرهبة ماشين للدار سارة كانت تحكي الخوها على كل بلاصة ماشاتلها في لندن و خالد كان يضحك اما يوسف كان مغمض عنيه من التعب اما يسمع في الكلام و يتبسم
اممم ضاهر فيك ولا يعجبك السفر و الطيارة... انشالله ماتكونش فصحتنا و خوفت منها (اول ما احمد قال اكاكا يوسف حل عنيه و غزرتلو سارة تذكرو الفازة تبسمو و يوسف شد سارة من يدها و كبس اعلاها
دوب ما وصلو احمد روح و خالد مشا يصلي في الفجر و سارة و يوسف دخلو للفيلا

#احداث نار نارر 🔥🔥
وين وصلتو في تحمسكم للبقية الاحداث ❤️😴
نحبكم برشاا 😘💜