South Boys #4: Troublemaker

Epilogue

Hello to all of you! We're now at the end of SB4! I heard that this one is the Epilogue you preferred, thus I won't be using the uncut official version for the time being; possibly kapag naging book na lang ang novel na ito in the far, far future.

Troublemaker has already received a book offer, but I doubt I'll be able to accept it. To be honest, editing an old novel is quite difficult. Nonetheless, this Epilogue that you're about to readis not revised (since this is what you wished for), but I did include 'some' scenes that weren't included in the raw. Thank you for making it this far! :) -JF

"HUGO EMMANUEL!"

Ipinasok ko ang hinliliit na daliri sa aking kaliwang tainga habang paalis ng faculty. Naglabasan na ang litid sa leeg ni Mommy pero parang wala akong naririnig. Galit na galit kasi ito dahil hindi ako sumabay sa pagpasok ngayong first day of new school year.

"Sinasabi ko sa 'yo, Hugo Emmanuel, subukan mong mag-cutting sa unang araw ngayong pasukan, susunugin ko ang motor mo!" habol pa nito.

"I love you, 'My!" sabi ko lang saka tuloy-tuloy na sa paglalakad paalis.

I went to the canteen to buy a burger. Ginutom ako sa five-minute speech ni Mommy. Hindi naman ako naaasar, sanay na ako rito. Alam ko naman na hindi kompleto ang araw nito nang hindi ako tinatalakan, iyon ang love language nito. Saka cute si Mommy kapag galit.

Kumakain ako ng burger nang mapansin ang isang estudyanteng babae na naglalakad palapit. Lutang na lutang ito sa iba nitong kasabayang estudyante. Maganda, parang taga-private, pero natiyak ko na tagarito dahil sa suot na uniform. And her eyes... they were copper brown.

Foreigner ba siya?

Napahinto na pala ako sa paglalakad habang hawak ang burger. Nakatingin na lang ako sa kanya habang para siyang tanga na nakangiti sa kawalan. Tsk, what a waste. Ang ganda pa naman, ang kaso mukhang may sira yata.

Hmn, okay lang naman kahit defected. Basta maganda, puwede na. Iyong last GF ko nga na taga Imus, nagsasalita mag-isa, 'tapos leader pa yata ng kulto, pero natiyaga ko naman ng three days. Siya pa kaya na mas maganda at mukhang anghel.

Our eyes met and I was surprised when she suddenly smiled. Parang may lumipad na mga paru-paro sa paligid dahil sa ngiti niya. So she liked me, too?

Humakbang ako pasalubong sa kanya. Wala akong GF ngayon dahil kabi-break lang namin ng last GF ko kagabi, kaya puwede na akong magka-GF ulit. Didiskartehan ko na siya ngayon, at sana bago mag recess ay kami na.

Nakahanda na ang pamatay kong ngiti nang biglang magbaling siya ng paningin sa ibang direksyon. Still smiling. Nagsalubong ang mga kilay ko. Did I get it wrong?

Hindi ba ako ang dahilan ng mga ngiti niya? Seryoso? Parang bigla akong naasar. Hindi ko tuloy namalayan na nakalapit na siya. Wala siya sa sarili sa paglalakad kaya magkakabangga kami. Akma akong iiwas nang bigla rin siyang gumilid. The ending, we collided.

Iyong burger ko, nadikit sa boobs niya. "Shit!" Naitulak ko siya ng palad sa noo.