و فـ ارجاء قصر آل حمد ، نطق تركي : عقاب ف وش تهوجس ؟
عقاب : اسمعوا
قاعَد : الله بالخير
عقاب : انا مدري ليه احس البنت متردده
قاعَد : عاد لو تبي الصدق حتنا ملاحظ كذا
تركي : يبوي لا تحط ب عقلك كذا يمكن البنت خايفه متوتره تتزوج واحد ماتعرفه ولا هو من عائلتها
زفر يقول : ممكن يكون صح كلامك
تركي : لا تقعد تفكر كذا يخوك
عقاب : ابشر
-
فـ المول تحديداََ ، نطقت الماس : يلا يلا بس عاد طولنا مره جراح بيذبحنيي
ضحكت دانه و نطقت : شدعوه لموس درا الرجال انس معاي لا تخافين
الماس : قدامي بسرعه ترا اخوس تحت
الدانه : يليل امشي بس
طلعوا من المطعم و نزلوا متجهين للـ مخرج ، لمحوا سيارة نايف و اتجهوا يركبون السياره ، نطق نايف : ها عسى استانستوا
الدانه : اي ماعليك الحمد لله
الماس : شسمه ، نايف عادي تنزلني عند أهلي ؟ بعدين بقول ل جراح يمرني
نايف : اي عادي بس ترا جراح بالبيت
الماس : اما عاد ، اجل خلاص بنزل البيت وهو ينزلني
نايف : تمام
م اخذ منهم وقت و صلوا للبيت ، نطقت الدانه : نعم ليش رايحه عند اهلتس صار شي ؟
ضحكت تقول : لا بسم الله ، اشتقت لهم عاد
الدانه : اهاا عبالي
دخلت متجهه لـ غرفتها ، فتحت الباب و ابتسمت من شافت جراح الي كان منسدح بـ الكرسي و يفرفر بـ جواله ، نطقت : جررااحيي انا جييت
تبسم ونطق : ياابعده
قربت و جلست جمبه و نطقت : متى جيت ؟
جراح : توني قبل شوي
الماس : امم طيب بتقدر تنزلني عند اهلي ؟
جراح : عسى م شر ليه ؟
الماس : ابد كل خير بس والله صار لي فتره عنهم
جراح : عيوني لس متى تبين تروحين ؟
تبسمت و نطقت : يخليهم ليي ، الحين عادي ؟ ببدل ملابسي و ودني
جراح : طيب
-
و في ارجاء شركة ~ A.H.C ~ ، يمشون وهج و ميار ، نطقت ميار : تعالي ي ورعه انخطبتي و حركات شعندس م تعلمينا ها
وهج : يوه تكفين باقي محد درا الموضوع بيننا و بين عائلته بس
ميار : طيب مين هو سعيد الحظ !
وهج : احس مابي اصدمس خلاص خليها ل بعدين
ميار : وههججج تكفين تكفين م بعلم احد
وهج : يووه
ميار : يلا عاد فضول اعرف
وهج : طيب تعالي نقعد
ميار : يلا طيب
تقدموا يقعدون و نطقت ميار : ايوا ؟
وهج : عقاب
ميار : مين عقاب
وهج : عقاب عقاب
ميار : مين عقاب ؟؟
ضحكت وهج تنطق : انتي شفيس المدير عقاب م غيره
شهقت ميار بصوت عالي و نطقت : لحظه لحظه عقاب م غيره ؟ الي توه قبل ربع ساعه مره من عندنا ! عقاب بن سهم !!
وهج : ايوا هو
ميار : في ذمتك !!
وهج : في ذمتي
ميار : ي بنت المحظوووظظهه
وهج : بس بس تكفين عشان كذا مابغى اعلم حد
ميار : ي بنت والله جاس الخير لين عندس مدير الشركه بكبره تقدم لس
وهج : م تدرين يمكن يجيس الافضل منهم
ميار : وينه بس وينه
ضحكت وهج و نطقت : استغفرالله
ميار : وليه م تبين تعلمين حد ؟
وهج : مدري اشوف الافضل إذا حددنا موعد الزواج و صار كل شي وقتها بنعلم
ميار : حلو حلو يلا عسى ربي يتمم لكم على خير ان شاء الله
وهج : حبيبييي انتي
ميار : المهم انا بروح اشيك ع الأوضاع بعدين برجع لس
وهج : تمام
صدت و طلعت للـ طابق العلوي و زفرت من شافت مكتبه الفاضي ، تقدمت لـ مكتب عهد و نطقت : عهدييي
تبسمت عهد و نطقت : هلا والله هلا ب زوجة اخووي
تبسمت بخجل و نطقت : هلا فيتس يروحي
عهد : اقعدي اقعدي
وهج : شسمه بسالتس وينه عقاب ؟ شفته طلع مع قاعَد بس للحين م رجع عسى م شر
عهد : اما عاد ، لا خواني ولا نهى محد منهم جا
وهج : دقي شوفي شعندهم
عهد : اي اصبري لحظه
رفعت جوالها تدق على نهى و سرعان م ردت عليها نهى و نطقت : السلام عليكم
نهى : وعليكم السلام
عهد : ورعه شعندكم م جيتوا ؟؟
نهى : والله شوفي راحت علي نومه
عهد : شاطره والله ، و الأخ الكريم عقاب و الي معاه ليش طلعوا من الشركه ؟ شفتيهم شي
نهى : عاد توني مسوية لهم الشاي
عهد : والله لا اوريكم ي الوصخين اصبروا علي ان م علمت ابوي ماكون انا عهد
ضحكت نهى و قفلت عهد الخط بـ عصبيه و نطقت وهج : ها بسم الله شفيس
عهد : تخيلي تقول راحت عليها نومه تبي تجلطني هذي
ضحكت وهج و نطقت : يلا عوافي عوافي
عهد : و حقس قاعد بالبيت يشرب شاي
وهج : اما عاد مافي شاي هنا وش
ضحكت عهد و نطقت : انتي شعندس تبينه
وهج ب احراج : عهد بذبحس والله بس كنت بكلمه بموضوع وخلاص دامه مو موجود المره الثانيه
عهد : يلا تمام ، تعالي نطلع نشم هواء شوي
تبسمت تقول : يلا تم
-
بـ المستشفى تحديداََ ، طلعت هياء متجهه لـ مكتب سطّام ، دخلت و تقدمت تقعد أمامه و نطقت : شوو عم تعمل
تبسم ينطق وقال : والله شوفة عينس
هياء : قم قم ناخذ لنا قهوه
سطّام : تم بس مو من هنا
هياء : اجل
سطّام : بناخذ من برا امشي يلا
هياء : م راح يقولون شي ؟
سطّام : لا م عليتس بناخذ اذن
هياء : اجل تم
طلعت متجهه لـ مكتبها تاخذ جوالها و شنطتها ، و ابعدت اللاب كوت اللي كانت لابسته ، و نزلت تنتظره ، وهو كذلك انهى شغله و نزلوا اثنينهم للاسفل متجهين للسياره .. نطقت هياء : ها خذيت اذن ؟
سطّام : اي م عليتس
هياء : شرايك ناخذ لنا قهوه و نرجع البيت
ضحك يقول : متأكده؟
هياء : متأكده
سطّام : اجل تم
-
عند جراح و الماس بـ السياره ، نطق جراح : شسويتي انتي و دنو
الماس : والله طلعنا نغير جو ملينا بالبيت ، خذينا الأغراض الناقصه و كلينا و هذاني عندك
جراح : اهم شي استانستوا
الماس : ابد ماعليك
جراح : بس ثاني مره يكون عندي علم
الماس : وش تبيني اسوي يعني وانت ب دوامك ادق عليك اقولك بطلع ؟
جراح : ايه وين المشكله
الماس : طيب
جراح : ي ابوي انتي انا اقولس يكون عندي علم لو لاسمح الله صار شي ؟ وشو يقولون زوجها م يدري عنها
اكتفت الماس بـ الصمت و ماردت عليه ، تنهد و عم الصمت بينهم لمدة دقايق ، نطق بهدوء : مطوله ؟
الماس : إذا قررت بقولك
جراح : طيب بس دقي يمكن اكون نايم
الماس : طيب
صف سيارته امام بيت بيتهم ، و نزلت من السياره بهدوء و دخلت البيت ، تبسمت من شافت معاذ بوجهها ، تبسم يفتح حضنه لها ، و نطق : وانا اقول وراه البيت نور
الماس : ياحبيبييي
دخلوت للصاله و قعدوا يسولفون ، دخلت ام نياف و نطقت : ياهلا ب لموس ياهلا
الماس : هلا بتس يمه
معاذ : يلا انا بروح المجلس إذا تبون شي علموني
ام نياف : زين ، شخبارس ي بنيتي
الماس : ابشرتس انتم شخباركم والله وحشتوني
ام نياف : الحمد لله ، و شلون جراح و اهله
الماس : ابد الحمد لله كلنا بخير
ام نياف : عسى مو مقصر معاتس ؟
الماس : لا ابدا مو مقصر ف شي ابدا و خواته زي العسل
ام نياف : الحمد لله
الماس : عاد طلعت اليوم مع دنو و غيرنا جو
ام نياف : زين سويتي بدال البيت
الماس : اي والله و قلت خليني اجيكم
ام نياف : كان قلتي ل جراح ينزل نسلم عليه
الماس : راجع من الدوام تعبان م ابي اتعبه بعد ينزل
ام نياف : يلا المره الجايه نجيكم حنا
الماس : ان شاء الله
-
فـ قصر آل حمد ، دخلوا سطّام و هياء و صادفوهم كلهم قاعدين بـ الحوش ، نطق : بسم الله
قاعَد : اوف اوف شف من جا
هياء : شعندكم كلكم هنا !
نهى : شكله اليوم كلنا قررنا م نداوم
سطّام : لا عاد انا و هيون مب زيكم
عقاب : وانا و قاعَد ترا مداومين بس خذينا اذن
تركي : قصرت والله
ضحك قاعَد ونطق : اجل نهى قومي جيبي الشاي مره ثانيه
نهى : يلا تم
رهف : عاجبكم الوضع وانتم ساحبين على عهد يحياتي
هياء : روحي مري عليها
رهف : تمم
مد قاعَد يده يعطيها مفتاح سيارته و نطق : روحي ب سيارتي
رهف : سيارتي برا ترا عادي
قاعَد : اسمعي الكلام
تركي : اقول أنثبروا
ضحكت رهف و نطقت : طيب
طلعت لـ غرفتها تلبس عبايتها و تعدل طرحتها و غيره ، م اخذ منها وقت الا و نزلت تقول : يلا انا رايحه
قاعَد : انتبهي لا تسرعين
عقاب : خلاص يبوي خلاص مب بزر ترا
رهف : صادق عقاب
قاعَد : طيب خلاص بسكت
هياء : تهاوشوا بالله
عقاب : اسكتي انتي محد فاضي لس
سطّام : اقول انت الي اسكت
ضحك تركي و نطق : شف شف مسوي يدافع
هياء : وااي اطلق من يدافع بعد
نهى وهي داخله : اقرفتونا وربي
ضحكت هياء : طيب خلاص بنسكت مع قاعَد
-
يُتبع
-
( اضغطوا على النجمه لأجل نكمل ، و اعتذر على السحبه بس تحملوني رح انزل لكم بين فتره و فتره إذا فضيت و اعتذر لان البارت قصير ❤️❤️.)
أنت تقرأ
مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله
Romanceرِواية : مالوّم قلبيِ يوم تولع في ههواكِ مَحّلاه وصّفِك يحرِك خافقي كُله - ثالِث رواية لي قريبا بإذن الله تعالى 🤩!! كَاتِبتكُم الجميلة : رهف القحطاني ✍🏻.
