مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله

~ 28 ~

~ فـ ارجاء قصر آل حمد ، تقدموا عقاب و قاعَد يدخلون للبيت و صادفوا ابوهم ، نطق ابو عقاب بتعجب : انتم وش جايبكم هالوقت ؟؟؟ وين الدوام
قاعَد : يبه انا مالي شغل شف ولدك
ضحك عقاب بصدمه يقول : ايه حلو طلع نفسك من السالفه يالوصخ
ابو عقاب : اخلصوااا
عقاب : ابد كذا قررنا نرجع مالنا خلق نداوم
ابو عقاب : إذا قاعَد قال هالكلام ممكن أصدق بس انت ؟ وش عندك
عقاب : م ادري صرت زي قاعَد شسوي
ضحك يقول : طيب انا لحين رايح اشيك ع الشركه وانتم لا تعيدونها خلك قد الاداره ي عقاب
عقاب : ابشر بي
دخلوا للصاله ، و نطق تركي : جيتوا و جابكم الله عاد طفشان مره
قاعَد : يبوي ذا ورا م نشغله معنا بالشركه
تركي : لا لا تكفى خلني بالبيت اقوم و انام وقت م ابي
ضحك عقاب يقول : تروك فكر فكر
تركي : مابي والله
قاعَد : يليل ذا البزر خلاص يبوي كم عمرك انت لازم تشتغل وش بتسوي لو اعرست وانت كذا
تركي : ابد الخير موجود
ضحك عقاب ونطق : والله ان انت و قاعَد م تستحون ! واذا الخير موجود مايصير تزيد الخير خيرين ؟
تركي : ان شاء الله ي استاذ عقاب ابشر
عقاب : تبشر بالجنه
نزلت نهى و شافتهم قاعدين كلهم بالصاله ، قطبت حاجبها تقول : عقاب ؟؟؟ قاعَد !! مو عساس بالشركه لحين ؟
عقاب : ابلش الكل بيسال شكله
قاعَد : انتي الي عساس بالشركه شفيتس هنا !
نهى : احم سحبت عليها
تركي : حلو والله م درا عمي سهم والله لا يعطيكم محاضره طول اليوم
ضحكت تقول : تبون شاي طيب ؟
تركي : قدام
و كملوا يسولفون لين نطق تركي : ايوا عقاب الحين دام البنيه وافقت متى العرس ؟
عقاب : والله م ادري بس انا اشوف يكون مع سطّام أفضل
قاعَد : يبوي وانا بعرس معكم
ضحك تركي يقول : إذا لقيت الي تبيها
قاعَد : موجوده البنت ماعليك
تركي : اوف اوف منهي
قاعَد : هذا مسوي مايدري وشو ؟ اختك
تركي : اخو سطّام وانا اخوه ! وانت صادق ؟ انا احسبك تمزح
قاعَد : لا م امزح و جاي بخطبها بعد ابيها انا
تركي : يالله عساه خير هالكلام قوله عند ابوي
قاعَد : ابشر
-
و فـ ارجاء بيت ابو جراح ، نطقت الدانه : يمه شرايتس نطلع انا وانتي و لموس نتمشى
نطقت ام جراح : والله يابنتي مالي خلق هالحين اطلعوا انتوا إذا تبون
نطقت الدانه : ها لموس ؟
الماس : م اقول لا عاد حدي طفشانه
الدانه : قدام
الماس : بس مع من ؟
الدانه : بقول حق نايف دامه فاضي ، ينزلنا انا وانتي نشتري لنا ملابس و حركات
ضحكت تقول : قدام قدام
ام جراح : زين ي الماس علمي جراح انس رايحه
الماس : ان شاء الله
طلعت الماس لـ غرفتها تبدل ملابسها ، و قربت تاخذ جوالها لأجل تدق على جراح و تعلمه ، بس لـ سوء حظها كان مشغول و جواله مب حوله ، لبست عبايتها و نزلت لتحت تقول : خاله بالله اذا رجع جراح علميه عاد دقيت عليه مرتين ولا رد شكله مشغول
ام جراح : ابد م عليس
بعد دقايق نزلت الدانه تقول : ها مشينا ؟
ام جراح : انتبهوا لنفسكم ها
الدانه : حاضر
طلعوا الماس و الدانه يتقدمون للسياره ، و ركبوا ..
نطق نايف : ايوا وين تبون
الدانه : نبي المول
نايف : ماخذين اذن امي ؟؟
الدانه : تستهبل ! اكيد ماخذين ولا شلون بنطلع
نايف : مدري عنكم
الدانه : اخلص بس
نايف : الماس زوجس يدري ولا
الماس : لا م يدري
نايف : و طالعه بعد ما شاء الله
الماس : وانا شسوي ف اخوك مايرد !
نايف : اجل من الحين انتم الاثنين انا مالي شغل إذا درا
الدانه : اي اي م عليك فالبيت نتفاهم
دقايق و وصلوا ، نطق نايف : ساعه وحده عندكم بس !
الدانه : نعممممم ؟؟ شسوي فيها ذي الساعه
الماس : بس عاد دنو ساعه تكفي تبين جراح يذبحني
نايف : ايوا شاطرين يلا مع السلامه
تقدموا يدخلون للـ مول و نطقت الدانه : انا ليه الله رزقني ذول الاخوان ؟ جن ذول قسم بالله
ضحكت الماس تقول : اقول اقول حشمي بس
الدانه : تدافعين عن زوجس ها حلو والله
الماس : اقول امشي بس مو قادره اشيل نفسي من الخوف
الدانه : يبوي م راح يسوي شي م عليتس قولي له امي تدري
الماس : يصير خير
-
و بـ وسط الشغل عند جراح ، نطق سعيد : يلا هانت باقي نص ساعه و نخلص
ضحكت هُيام و نطقت تقول : وانت هذا همك ؟
سعيد : اجل وش بيكون همي بعد
جراح : اقول سعيد شرايك تنزل عندي و نعطيها قعده بالمجلس و كوب شاي
سعيد بحماس : يبوي قداااامم
ضحك يقول : ابشر بي
هُيام : م فهمت يعني م تبون تفتكون من وجيه بعض ؟
سعيد : لا لا من قال
جراح : اي اكيد من قال
هُيام : يلا طيب بسوي نفسي ماسمعتكم يوم تهاوشتوا
سعيد : يبوي خوان حنا هوشه بسيطه م تفرق بيننا
ضحك جراح يقول : سلامي عليك ي سعيدان
سعيد : شرايك بس
هُيام : ياااارب شهاب يجيكم الحين و يجلدكم
جراح : أعوذ بالله منس
سعيد : يعقب بس
هُيام : يالله يالله اذلفوا ع بيوتكم
جراح : مشينا ي سعيد
سعيد : انت اسبقني بجيب جوالي و مفتاح سيارتي و بجيك
جراح : تمام ، هُيام تبين شي ؟
هُيام : ابد سلامتكم
طلع جراح و تقدم لـ سيارته ، اخذ جواله و قطب حاجبه من شاف اتصالات الي من الماس ، تبسم يدق عليها و دقايق ردت عليه ، نطق يقول : ياحي هالصوت
تبسمت تقول : يحييك و يبقيك ، وينك انت
جراح : والله الجوال بالسياره وانا مب عنده امريني بغيتي شي ؟
نطقت بتوتر : جراح اسمع
نطق : لبيه يابعده
الماس : انا و دنو طلعنا للمول ناخذ لنا كم شي
جراح بهدوء : امي تدري ؟
الماس : اي اكيد
جراح : طيب انتبهي لنفستس انتي وياها
نطقت تقول : جراح والله كنت بقولك و دقيت عليك بس شسوي م رديت انت ، وانا و دنو ملينا بالبيت قلنا نغير جو و شوي راجعين واذا تبي بعد الحين بنرجع
تبسم وهو يسمعها وهي تبرر له و نطق : طيب من قالس اني عصبت ؟ اطلعوا يابوي بس لا تطولون
الماس : متأكد ؟
ضحك وقال : اي م عليس
الماس : ابد ابشر
تبسم و قفل الخط من ركب سعيد الي نطق : شعندك تتبوسم
جراح : لازم اعلمك يعني ؟
نطق يقول : لا م عليك وصلت الاجابه
جراح : اقووول
ضحك وقال : بسكت خلاص امش يلا
-
و بـ المستشفى تحديداََ ، طلعت الاء من مكتبها و دخلت مسرعه لـ عند مكتب عُلا ، دخلت و شافتها هي و هياء متجمعين بالمكتب و نطقت : بناااات
نطقوا : بسم الله
الاء : تخيلوا المدير جاء و قاعد يهاوش وائل و سطّام
عُلا : وي وي ليه
الاء : يقول انهم صايرين م يركزون بـ شغلهم
هياء : وجع ان شاء الله هذا شيبي !
الاء : انا انصدمت والله
وقفت هياء تبي تطلع و سحبتها عُلا تقول : اهجدي بس لا تسوين فزعه
هياء : يع مستفز
الاء : صدق اهجدي ولا بيحول علينا
هياء : يبوي ياكل تبن
عُلا : يليل الاء قفلي الباب و تعالي هنا انتي بعد لا يشوفنا ذا الملعون
الاء : تمام
-
و بـ المول عند الماس و الدانه ، نطقت الدانه : ها شقال ؟
الماس : تخيلي م قال شي غير انه لا تطولون بس وانا الي خفت و عبالي بيعصب
الدانه : شفتي قلت لس م راح يقول شي
الماس : المهم تعالي ناكل شي و بعدها نرجع
الدانه : يلا تم
-
يُتبع
-
( ياهلا مساء الخير ، اعتذر لان البارت قصير ، الصراحه فقدت شغفي فـ الكتابه ، احتاج تحفيزاتكم 😔 ، اضغطوا ع النجمه لأجل نكمل و ارجع اعتذر جدا لاني مقصره معكم مره .. )