Book 1: What's Up, Anne
For two years, Laura Anne Santiago has been silently battling the emotions she never expected to feel for her classmate, Andrew Louise Gomez. They're both engineering students, drowning in deadlines and exams-yet amidst the c...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Chapter 2: Freshman Syndrome
___________________________________________
Sobrang ingay ng hallway, kada floor ay may iba't ibang seremonyas. Kahit nasa ground floor ako ay rinig na rinig ko ang ingay mula sa 6th floor. Kahit sawayin ng guard ay hindi kaya dahil sa sobrang dami ng estudyante.
Sumakay na ako sa elevator, kasabayan ang mga estudyante at professors. Halos siksikin na nga nila ako sa pinakagilid, dinaig ko pa yung masarap na sardinas dito.
Alas-otso palang ng umaga kaya naman nagsisiksikan na sa dami ang mga tao lalo na't karamihan samin ay may hinahabol na klase. Mabuti nalang dahil may putal na 15 minutes ang start ng class namin kay Sir Wilson.
Fuck this school.
Nakarating naman ako ng buo sa room namin, kakaunti pa kami at wala pa ang magiging dahilan ng ingay ko.
Pumwesto ako sa fourth row ng upuan kung saan ang usual spot namin nina Jewel.
At habang iniintay ang oras ng dating nila ay naisipan kong tignan yung mga memories namin sa phone ko.
Ang pinakalatest na picture sa gallery ko ay mula sa New Year's party ng batch namin. Isinabay na rin namin doon ang naudlot na Christmas party kasi bago pa man mag-Christmas break, kanya-kanya na ng agenda ang lahat.
Louise was supposed to be the one na pagbibigyan ko ng gift. Pero last minute, nakipagpalit ako sa isa naming kaklase. Nahihirapan kasi akong mag-isip kung anong klaseng regalo ang magugustuhan niya. Ayokong magbigay ng something na baka hindi niya rin magamit.
Kaya sa huli, si Zedrich ang napunta sa'kin. Mas madali kasi—binilhan ko siya ng damit mula sa paborito niyang brand.
Pero kahit sa New Year's party, hindi rin sumipot si Louise. Kaya siguro tama lang din na nakipagpalit ako... kahit part of me wished na siya pa rin 'yong pagbibigyan ko.
"Louise!" nagulat ako ng may tumawag sa pangalan niya.
Sinaktuhan na kakapasok niya lang sa pinto at gulat na gulat din siya nang marinig ang pangalan niya.
Louise...
Marami na akong sinubukang circle of friends throughout the years, pero isa lang talaga ang binabalik-balikan ko. Maliit man, pero alam kong genuine lahat sa amin. Marami na rin akong nakitang friendship na nasira o hindi naging matibay, pero itong circle na 'to... kumakapit parang shoe glue.
Dito kabilang ang tropahan namin ni Louise, kasama si Jewel at iba pa. Unti-unti nang lumalaki ang grupo, pero para sa'kin, ang original ay ako, Louise, Jewel, at Jaycee. At sa apat na 'yon, sina Jewel at Jaycee lang ang nakakaalam na may gusto ako kay Louise.
Pumasok si Sir Wilson, dala ang bag, laptop, at tumbler.
