'Snowdrop,
There's been a change of plans.
You remember my friend Sarah? The girl who got an eye pain on Diduni's birthday?Well, actually they are our family friends and it seems that they want to spend sometime together before I start my studies.
Therefore they'll be coming tomorrow.
So can we postpone our day outing a little bit?
I'll always be back on weekends.
And I'm definitely coming to meet you before I leave.
Take care little superman.
Miss you a lot!
Ayya.'
මං රෑම පුළුං බෝලෙට email එකක් යැව්වෙ නැත්තම් කොල්ලා මාත් එක්ක කොහේහරි යන්න මග බලාගෙන ඉඳියි කියලා. ඇත්තටම තාත්ති කරන මේ වැඩ මට වෙලාවකට එපාම වෙනවා. අනිද්දා උදේම යන්න තියෙන එකේ හෙට ටිකක් නිදහසේ ඉන්න හිතාගෙන හිටියා මදෑ. දැන් ඉතින් අර කට්ටියත් එක්ක මොන මොන ලෝකවල ඇවිදින්න යන්න වෙයිද දන්නෑ. ඒත් ඉතින් මොනා කරන්නද, එයාගෙන් කාලා ඇඳලා ඉන්නකල් එයාට ඕනෙ හැටියට නටන්න වෙනවනෙ.
හැබැයි නැටිල්ල කෙසේ වෙතත් පහුවදා උදේ නම් සිද්ද වුනේ මං හීනෙකින්වත් හිතපු දෙයක් නෙමෙයි. තඹරු කියන්නෙ කවදාවත් predict කරන්න පුළුවන් කොල්ලෙක් නෙමෙයි කියලා මං දැනගෙන හිටියත්, මෙච්චර මෙහෙම වැඩක් කරයි කියලා නම් මං කොහොමටවත්ම හිතුවෙ නෑ.
ඒකා මාව බලන්න කියලා තාප්පෙ දිගේ ඇවිත් ඒකෙන් බිමට ඇදගෙන වැටිලා!
දෙයියනේ අපේ ගෙදර තාප්පෙ අඩි දොළහක්වත් උස ඇති. වෙලාවට වටේටම තණකොල වවලා තිබුන නිසා හොඳයි. බැරි වෙලාවත් කොන්ක්‍රීට් එකක් එහෙම තිබුනා නම් අද මේ කොල්ලා ඉතුරු වෙලා ඉඳීද???
ඇවිදගන්න අමාරුයි කිව්ව පොඩ්ඩවත් උස්සගෙන මං එයාලගෙ ගෙදරට දිව්වෙ කවදාවත් නොදැනුන තරම් බයක් හිතට දැනෙද්දි.
ලේ පෙරාගෙන පුංචි පුළුන් බෝලෙ තාප්පෙ ලඟ බිම වැටිලා ඉන්නවා මට මැවිලා පේනවා වගේ.
අනේ දෙයියනේ එහෙම මොකක්ම හරි වුනා නම් එහෙම මොකද කරන්නෙ?
ලේ ටික ඇඟ ඇතුලට දාලා කැඩුන බිඳුන තැන් මහලා ගන්නද?
ඇත්තටම මේ ළමයට වැඩක් කරන්න කලින් පොඩ්ඩක් හිතලා බලන්න බැරිද?
මං චූටියට පිස්සෙක් වගේ කෑගැහුවා. ඒත් කොල්ලා හෙල්ලුනේවත් නෑ. සොරි කිය කිය ලෝකෙ නැති කෝලම් ටිකක් කලා මූණට. මේකා බටර් ගාන්න නම් හොඳට දන්නවා. වෙලාවකට මගේ අත අල්ලගෙන යටි තොල අනිත් පැත්ත ගහගෙන දුකෙන් වගේ බලාගෙන ඉන්නවා. ගනන් නොගෙන හිටියම තොල් දෙක එක එක අමුතු හැඩ වලට හරව හරව එකම කෝලම් විමානයක් කරනවා.
මං හිනාව තද කරගෙන හිටියෙ ලෝක අමාරුවෙන්.
පිස්සු බෝලෙ මගේ!
