روايه، مالقيت إلا القصايد يوم منطوقي فصيح اكتب أشعار وتجارب عمرها عشرين عام .

بارت السابع

-محل غسق-
غسق كانت تكنس الأرض وهيام تمسح الطاولات وفهد مع عامل حاملين زجاج المحل يركبونه العم مصطفى يعبي الأرفف ورد و جدو غسان جالس ويمسح المزهريات.
رفعت راسها غسق وضحكت على هيام إلى كانت تتمايل مع أغاني فيروز ،انتبهت لها هيام وسحبتها ترقص معها وماهي إلا ثواني ودخلت ريم تنظم لهم ،جدو غسان يصفق لهم والعم مصطفى يضحك.
العم مصطفى يضحك: كنت اتحلطم على جنون غسق والحين جت الأهبل منها هيام و باقي مرتبتين وتنظم لهم ريم
غسق وهيام ناظرو بعض بمكر وسحبو العم مصطفى يرقص غصب ،كانت أصوات ضحكهم عالي وسعادتهم ماتنوصف تعكس مابداخلهم من فقد وحزن.

-العماره-
كانت حرير واقفه ببلكونتها وبيدها دلو ماي وتناظر تحت كانت تراقب بحماس وخبث وأول ماشافته يمشي متوجه للمقهى عضت شفتها ورمت عليه المآي.
عزام وقف بصدمه يوم حس بماي فوقه لوهله حس انه سونامي عقد حاجبه يوم سمع ضحكتها ورفع راسه يناظرها عرف أنها هي ومافي غيرها احتدت عيونها وبرزت عروقه بغضب صرخ بقهر:حريرررر
سنتدت ايدينها على سور البلكونه وميلت راسها بدلع:يشين اسمي باللسانك خير
ثواني وكان قدام باب شقتها يضربه بيده بقوته وغضبه:افتحي و أوريك الشين زين افتحي
أوقفت قدام باب شقتها وحطت يدها على خصرها:مابي ماني فاتحه
ضرب الباب بقوه خلتها تفز بخوف وصرخ بحده: افتحي أزين لك
قربت من الباب اكثر :لا والف لا
استند على الباب ورص على اسنانه:ثواني ما انفتح الباب كسرته فوق راسك إلى كأنه راس معزه
وسعت عيونها على تشبيه وفتحت الباب بقوه ولكن! ماحسبت حساب انه بيطيح قدامها بسبب استناد جسمه على الباب ضحكت بقوه على شكله ولا شعورياً اجلست بجنبه ماسكه بطنها وتضحك.
حرير وهي تضحك:يربيه شكلك هههههههه
ارتخت عيونه وتبخر كل غضبه يوم شاف ضحكاتها سرح فيها وابتسم لا شعورياً ،انتبهت له يوم اكتفت من الضحك و رفعت يدها تضرب كتفه:أنا راسي كأنه راس معزه اجل انت بكبرك كأنك غورلا
وقف وسحبها من زندها يوقفها وقال بحده:إلى سويتيه ما يمر مرور الكرام والحين غصب عن خشمك بتغسلين ملابسي وبجلس بنص شقتك الين ما تنشف والبسها
وسعت عيونها:خير يوهه ماشتغل عندك
دفعها عنه وأبعد جاكيته ورماه عليها وكذلك قميصه ورماه عليها ابتسم على جنب بمكر وفتح حزام بنطلونه.
شهقت حرير وصرخت:هي اصبر وجع أنا قدامك
ناظرها وقرب منها وتلقائي بدت ترجع ورا بفجعه منه ومن نظراته إلى ماتطمن ابدا: وين ودك ابدل بغرفتك ولا بحمامك؟
وسعت عيونها وأرفست ارجوله من جرائته:انقلع شقتك بدل ملابسك بشقتك
نفى وهو يقلد جملتها بسخريه:لا والف لا ببدل هنا والبس هنا
شالت ملابسه ومشت للحمام ولكن لفت ورفعت أصبعها بتهديد:لا تشيل إلى تحت وإلا بشيل عيونك الخايسه
كتف ايدينه وهو يناظرها كيف ماسكه ملابسه بطرف أصابعها وتعابير وجهها المتقززه ابتسم بخفه وجلس على الكنب.

-قصر علي-
بعد ما أنهت نديم شغلها إلى بشقت علي بكل عجله عشان ماتصادفه ولا يقرب منها راحت الحديقه الخلفيه تنظفها بأمر من رأيسه الخدم بعد ما أنهت نص الشغل لفت تبي تسقي الزرع ماي ولكن! تجمدت اطرافها يوم شافت علي مقبل عليها رمت خرطوم المآي و حاولت تسحب نفسها ولكن للأسف ارجولها خانتها مثل صوتها إلى موراضي يطلع وينقذها.
علي جلس على كرسي الحديقه:تهربك مني وأنتي بقصري-نفى-ماينفع أبداً -طبطب بيده على المكان إلى بجنبه-تعالي أبيك بموضوع
ارمشت كذا مره تحاول تستجمع نفسها بس أعجزت فزت بخوف يوم صرخ عليها بتعالي بلعت غصتها وحاولت تحرك ارجولها للأمام بس للحينها ثقيله عليها.
عقد حاجبه علي بغضب وتقدم لها بهمجيه:تعانديني انتي
نفت بسرعه ودموعها انزلت بغزاره احتبس كل الهواء إلى بصدرها يوم رفع يده يمسح على شعرها:ما احب اعصب عليك يحبيبتي وادري فيك ماتحبيني عصبي
ناظرته بحرقه ودها تصرخ عليه وتقول أنا ما احبك بكل أحوالك ودها تصفعه كف وتقول ماني حبيبتك بس كل الضروف توقف بوجهها ماتعرف كيف أقدرت ترفع يدها وتبعد يده إلى تمسح على شعرها
انتبه علي من حركتها وشد على يده يستغفر وتذكر الموضوع:بتغاضى عن حركتك مهمتك من بعد اليوم كل حركه تصدر من رائد تقولينها لي يعني حتى كلامه بالتلفون او متى طلع او رجع تقولينها لي مفهوم؟
عقدت حاجبها من طلبه الغريب وهزت راسها بتمام ،قرب كانت النيه يبوس خدها ولكن صدت بسرعه وسحب الخرطوم تشغل المآي بقوه وهالشي سبب بملابس علي ماي شوي وللمره الثانيه تغاضى علي وطلع متوجه لشقته،اول ما حست انه راح رفعت يدها وضربت صدرها بقهر بكت ولكن مسحت دموعها بعنف ونطقت بينها وبين نفسها:ماعندك إلا البكى يحسافه نفسك عليك ان مادفعتي عنها الحين متى بدافعين -ماسمحت لنفسها تبكي وكأنها تعاقبها على ضعفها خذت نفس وكملت الشغل.