-السوبر ماركات-
سحبت غسق العربه وانطلقت للقسم الشوكلت وحرير توجهت للقسم معجنات تختار كيكه و هيام انطلقت تختار من المشروبات.
صرخت حرير ل غسق توريها الكيكه:شرايك بهذي؟
هيام ارفعت مشروبين:وهذول؟
هزت راسها غسق بموافقه و حطو الأغراض بالعربه.
حرير بحماس:هيام بجلس بالعربه و مشيني
هيام بحماس:قدام
ساعدت هيام حرير تجلس بالعربه وانطلقت تفحط فيها بأنحاء السوبر ماركت.
غسق انتبهت لهم وارفعت تلفونها تصورهم وهي ميته ضحك على صراخ حرير و طيش هيام،ارفعت يداها حرير بوناسه:عاشت ميمي
أوقفت هيام اول ماوقف قدامها الأمن إلى قال:مسببين ازعاج
ضحكت هيام:تكفى بس دوره وحده
حرير عطته وجهه البريئ ،تنهد وبعد:بس دوره وح -مامداه يكمل كلامه إلا وانطلقت هيام تفحط ب حرير وغسق وراهم تركض تصورهم وهي منهاره ضحك ،بعد موجه من العب و المشتريات اطلعو متوجهين لبيت غسق.
هيام وهي حامله الكيكه و المشروبات:قرت غسق رساله اشهب
لفت حرير تناظر غسق بتفحص وهي حامله كيس مفرحات:واشوف عيونك محمره
ميلت شفتها غسق وهي حامله كيس الشوكلت:كلامه بصميم قلبي
ادخلو الشقه و بدو يرتبون للحفله وطبعاً حرير ملكه الأغاني والرقص و هيام ماتقل عنها اما عن غسق ف كانت تغني بندماج.
جلست حرير بتعب:اهخ
غسق تاكل شوكلت:اسمعوني
جلست هيام:وش
غسق:أنا قلت لازم هيام تزور براء هي تحبه وهو يحبها وايش موقفها إذا صحى وعرف أنها ماجته ابداً
حرير :تمام كلامك صح -ارفعت أكتافها-هيام إذا شفتي الخايس هناك ومسكك تحقيق العني خيره ولا ناديني تراني ادور الزله عليه
ضحكت هيام مع غسق وقالت:مين الخايس؟
حرير ابتسمت بخفوت:عزام-ضربت فمها بخفه-وع
ارفعت حاجبها غسق:وع و اتبوسمين يوم قلتي اسمه
كشرت حرير،وهيام ارفعت حاجبها ل غسق:وأنتي طالعه منها منغير ماتقولين اسمه ل طراه ببالك عيونك تلمع
ضحكت حرير :صادتنا
ابتسمت غسق وتنهدت بخفوت،قربت هيام الشبس و كلت واكلت غسق:لازم تاخذين خطوه غسق ي انك تكملين بحبك المقطوع او تدفنينه وتكملين حياتك
حرير مسكت اكتاف غسق:اسمعيني فيه غيره وأنتي توك بربيع عمرك ماتدرين يمكن يجي الأحسن منه وممكن يكون عابر بحياتك يترك اثر ودرس لك
غسق خذت نفس مهزوز:مو فاهميني الموضوع مو موضوع إعجاب او حتى تمني أنا فعلاً احبه كلامه بالرساله يوضح شكثر هو يحبني بعد هو خايف من واقعه خايف يخسرني هو يشوف شي لا أنا ولا انتم تشوفونه
تنهدت حرير من عناد غسق وتكتفت بغضب:ايش قال هم قولي لنا ممكن كلامه عادي بس لأنك تحبينه تشوفين كلامه ملامس للقلب
مسحت غسق عيونها عشان ماتبكي وراحت تجيب رساله اشهب،هيام دفت يد حرير:اتركيها لا تضغطين عليها ممكن ماتبينا نعرف
حرير ناظرتها بحده:لازم تصحى من الوهم إلى هي عايشته وتعرف ان طريقهم مقطوع
جلست غسق بينهم و خذت نفس فتحت الرساله إلى كان فيها آثار دموعها بلعت ريقها تعدل نبرتها المهزوزة.
-فلاش باك-
آخر لقاء ل اشهب وغسق تحديداً يوم نامت بحضنه وتجهز يطلع منها قبل ماتصحى جلس قدامها وسحب أورقه وقلم يكتب وتاره يتأملها وتاره ترتجف يده معبره عن الكم الهائل من مشاعره الحزينه و مشاعر الحب.
أنت تقرأ
روايه، مالقيت إلا القصايد يوم منطوقي فصيح اكتب أشعار وتجارب عمرها عشرين عام .
אקשןتستحقين كل اللين إلى يناسب قلبك. يوم قسى قلبك ما قسى إلا علي؟ يوم جيت تخذل ما خذلت إلا أنا؟ تستاهلين التبرير ومن ينهمر عليك عليك بالحنان الملائم لمقامك. جبر الله كسر قلبي. بكسر قلبك كسراً لا يجبر.
