-العماره-
صحت حرير وطلعت من غرفتها للمطبخ وانتبهت ل عزام إلى كان يدخن و مندماج بشده مع الابتوب يده إلى كانت تحك حنكه بعصبيه و يده الثانيه ماسك زقاره وعيونه الحاده إلى تناظر بتدقيق.
حرير ميلت راسها:عيونك بتطلع -قربت وسحبت الزقاره بشمئزاز-وع يشينها
ناظرها بهدوء وسحبها تجلس بحضنه ومسك خصرها يثبتها وبصوت حاد يميل للهدوء:ماودك تعتقيني وتخليني انشغل بنفسي -يقصد أنها مستحلّه تفكيره وحتى بشغله تداهمه-
حطت زقاره عند أذنه تثبتها وصغرت عيونها :وانت ماودك تعتقني من ريحه الزقاير
تنهد من قربها وباس خدها:تحملي عاد وتذمرك مارح يغير شي
صفقت جبينه بخفه وكانت بتبعد بس يده إلى بخصرها ارجعت تثبتها ورفع يده الثانيه اخذ الزقاره إلى مثبته بأذنه ودخن ،وسعت عيونها من عناده ورفست ارجوله بغيض:كريهه ابعد
نفى وطفى الزقاره وهمس بهدوء:صحبتك
ناظرته بستغراب:مين؟
ناظر عيونها وقال ببرود:ابي أقابلها
رفعت كتفها بعدم اهتمام واشرت على الباب:قابلها شدخلني
رفع يده يبعد شعرها عن أكتافها:ماسألتي اي وحده منهم
قلبت عيونها ومدت شفتها بملل:اي وحده؟
فتح الابتوب وطلع صوره هيام :هذي
ناظرته بستغراب:هيام؟ليه؟
تأملها ورجع يبوس خدها:احتاجها اقدر اطلع مكان سكنها بس لازم أقابلها بعيد عن بيتها
دفت وجهه عن خدها بنزعاج:ماتحس انك تتمادا معاي
ضحك بخفه وحملها يجلسها على الكنب وقام :بروح أتجهز بتروحين معي عندها
شهقت بدراما:شدخلني اروح معك
رمى عليها منشفته:قومي
سحبت السلبر و حذفته عليه ،ركض وهو يضحك للحمام.
مشت لغرفتها تتجهز متجاهله صوته إلى يغني.
-بيت غسق-
بعد ماهدت وجلست قدام هيام إلى نست مصيبتها وبدت تحقق مع غسق إلى استسلمت لها وقالت كل شي.
شهقت هيام بصدمه:انتي مستوعبه مين حبيتي؟
ناظرتها غسق بتعب ومسحت وجهها بكفوفها:مو بيدي مو بيدي -ضربت صدرها بقهر-قلبي مال له قلبي ماحب إلا هو مو بيدي
غمضت عيونها هيام تحاول تمسك أعصابها إلى انفلتت وصرخت :مجرم غسق مجرم مطلوب دولياً مستوعبه
عضت شفتها غسق بقوه،رفعت يدها هيام تشد على اكتاف غسق:ابتري حبك له حاولي مالك حتى شهر تعرفينه يمديك تنسينه
قامت غسق وصرخت بنهيار:مايمدي مايمدي أنا تعبانه هيام داخلي يتأكل استوعبي أنا بس أسبوع ماشفته كل شي يألمني حتى أنفاسي احسها تكسر عضامي ماتنعشني
نزلت دموعها هيام على غسق وهمست بخفوت:هذي حقيقه احفظيها بس يخلص انتقامه بيأخذونه للسجن -هزت راسها ب لا-مافي ولا خصله من الأسباب تجمعكم
صدت غسق وانحنت تستند يدها على أفخاذها وخذت نفس تهدي نفسها وغمضت تهمس بغصه :مابي اسمع اي حقيقه ترضيني الأوهام إلى تجمعني معه ولو ل دقيقه
اشهب كل إلى صار يرن بمسامعه غمض يمسح دمعته الحاره إلى حرقت فؤاده و طلع سحبها له وناظر عيونها ونطق بصوت قاسي متسلط يبتر كل أمل بقلبها :اسمعيني زين الأوهام إلى ترضيك دقايق بتسلب منك كل طاقتك وتعطيك أمل مزيف قالتها لك صحبتك الحقيقه تبقى حقيقه أنا لو أسعى وراك والله ما احصل دقيقه وحده تجمعنا الدقيقه إلى تبينها انسيها أنا بعيني الانتقام وبس وماشوف غيره
همست بنكسار كلامه مؤلم كلامه اكبر من أنها تتحمله:ماتشوفني بعينك؟
تأمل عيونها المحمره المتعبه :أنا أشوفك بعيوني وبين رمشي وجفوني وحتى بمنامي ملازمتني وهذا حدنا غسق نحلم ببعض ونصحى لواقعنا نكمل حياتنا هذا المفروض تسوينه
أرخت جبينها بتعب على صدره كانت بتتكلم بس كحت من الغصه وغمضت تهدي انفاسها ،رفع راسه يقاوم دموعه و رفع يده يمسكها لما حس برتخاء جسمها ،هيام إلى اوجعها قلبها على غسق وبكت معها ،حملها اشهب ودخل الغرفه نزهلها على السرير بخفه وطاحت عيونه بعيونها ،انتبهت للدمعه إلى بطرف عينه نفت بقهر ومسحت عيونه:لا لا -ماهان عليها تشوف دمعته تشوف الحزن بعيونه ،اندفع يبوس جفونها الحاره بسبب بكائها الشديد ومسح وجنتها يبعد دموعها:يكفي بكاء همم
ناظرته برجاء:لا تروح الحين
باس جبينها بعمق وحضنها بكل قوته ،رفعت يدها تحضنه بقوه وتعالت صوت نحيبها مع صوته الخافت إلى يهمس ب سامحيني.
أنت تقرأ
روايه، مالقيت إلا القصايد يوم منطوقي فصيح اكتب أشعار وتجارب عمرها عشرين عام .
Actionتستحقين كل اللين إلى يناسب قلبك. يوم قسى قلبك ما قسى إلا علي؟ يوم جيت تخذل ما خذلت إلا أنا؟ تستاهلين التبرير ومن ينهمر عليك عليك بالحنان الملائم لمقامك. جبر الله كسر قلبي. بكسر قلبك كسراً لا يجبر.
