روايه، مالقيت إلا القصايد يوم منطوقي فصيح اكتب أشعار وتجارب عمرها عشرين عام .

بارت الخامس عشر

-محل الورد-
قامت غسق اول ما انتبهت للزبون إلى اقبل عليها والى كان شايل قفص وداخله قطوه رحبت فيه و وقفت تنتظره يختار اللون الورد،حرير وهيام إلى للحين يسولفون وغسق منصته لهم.
رائد ابتسم،الورد الأزرق والأبيض أبيك تسوين منه بوكيه و وتزينين منه للقفص
هزت راسها غسق بتمام وبدت تشتغل.
هيام همست ل حرير:هذا مو كأنه إلى كان مع البنت بالقصر؟
حرير صغرت عيونها ادقق بملامحه :إلا هو
رفعت راسها غسق تناظره:ايش اكتب بالكرت؟
رائد مد يده :أنا بكتب ،اخذه يكتب و هيام قامت تحاسبه و غسق كملت شغلها
حرير ميلت راسها تناظر رائد:تعرف الخا-سكتت وميلت شفتها بغيض لان أنطقت اسمه-عزام تعرفه؟
لف رائد بعد ما انتبه لها وهز راسه:ايه من معارفي
تكتفت حرير:هذا لها؟-تقصد البنت إلى قبلها بالحديقه-
هز راسه رائد بأي بحب اول ما طرت سيرتها،هيام إلى ضحكت على فضول حرير وغسق ابتسمت:خلصنا
حرير ابتسمت بهدوء:انتبه لما تبوسها دقق بالي حولك ولا بتروحون فيها
شهقت هيام وغطت فم حرير وابتسمت له بفشله اما عن غسق ف انهارت على الأرض تضحك و رائد اخذ اغراضه وطار برا المحل بحراج شديد.
هيام ضربت كتف حرير:فشلتينا
حرير :هذا الصدق بعدين شفيها هذي انصرعت -تقصد غسق وهيام إلى اول ما شافتها طاحت على الأرض تضحك وثواني ونضمت لهم حرير تضحك عليهم.

-القصر-
بعد ماخلصت نديم شغلها وكانت بحاله ذهول من رأيسه الخدم إلى تركتها تنظف بشكل مستمر بدون انقطاع حالياً هي بالمطبخ تشرب ماي وقبل ما تجلس دخلت رأيسه الخدم.
رأيسه الخدم:نديم شيلي الفرش إلى بغرف الضيوف وغسليها
نديم ناظرتها بصدمه خلص وقت شغلها أصلاً من ساعتين والحين تبيها تشتغل اكثر رفعت يدها وشرحت لها ان انتهى وقتها ولازم ترجع البيت ،تجاهلت رأيسه الخدم شرحها إلى نصه فهمته ونصه لا وكانت بتتكلم ولكن دخل رائد.
رائد إلى كان شاهد المشهد وقال بهدوء يميل للحده:طلبت منك تودين ملابسي للمغسله وظاهر انك مشغوله ترمين الأوامر على غيرك
توترت رأيسه الخدم إلى ابداً ماتذكر ان كلمها او حتى طلب منها كانت بتبرر بس سكتها ب كلامه.
رائد دخل يده داخل جيوب بنطلونه وسند ظهره على الجدار:ودك تنطردين ترا ماعندنا مشكله نجيب من أشكالك
رأيسه الخدم بخوف :اعتذر لك اسفه ماتنعاد
اشر لها رائد تطلع وبالفعل طلعت تركض و ارتخت عيونه الحاده إلى كانت تناظر رأيسه الخدم وناظر نديم بحنيه:خلصتي
نديم ضحكت بخفه على انتقامه لها وحضنت خصره ترخي ذقنها على صدره،باس جبينها وهمس عند أذنها:عندي لك مفاجأه
ناظرته نديم بستغراب و تعجب،شبك يده بيدها ومشى معها للدور الخاص فيه دخل غرفته وجلسها على السرير وهمس لها:غمضي
غمضت نديم بهدوء ،حط بوكيه الورد بحضنها وابتسم:افتحي
فتحت نديم وطاحت عيونها على البوكيه وابتسمت بحب لالوانه وجماله ومامداها تتكلم إلا حط بجنبها القفص وطلع القطوه وسعت عيونها بسعاده.
زادت ابتسامته يوم شاف السعاده بعيونها:وهذي لك شفتك كيف تهتمين بالقطط إلى يمرون بالبيت وقررت اجيب وحده لنا تهتمين فيها -ناظرها بغيره-بس مو اكثر مني
ضحكت نديم وحاوطت كفوفها وجناته وباست خده بحب وحضنته بقوه،شد عليها بقوه وهمس بهدوء:احبك
دق قلب نديم و بعدت تناظره بحيره كيف تقوله احبك كيف تشرح له الكلمه ،تأمل عيونها الحايره و رجع شعرها خلف أذنها:تدرين كيف تقولين لي احبك؟
نفت بزعل ،ابتسم وباس شفتها بحب:كذا
احمرت وجناتها بخجل وصدت تحمل القطوه وتداعبها كانت بلون الأبيض وصغيره ،اتجه للكبت وسحب بجامته ودخل للحمام يغير وللحين الابتسامة ماهدت فرحان الآن اسعدها ،نديم تنهدت بحب ودمعت بفرحه كيف ربي جابه لها كيف هو حنون وهادي و طيب معها حضنت القطوه بحب،طلع رائد وضحك بخفه:الله الله شهالقعده الرومنسيه
ضحكت نديم وفتحت يدها له،نفى وشال القطوه وحطها بالارض:اول هذي تروح
ناظرته بضحكه كيف هو غيران منها ،ابعد الغطاء عن السرير:وبعدها تعالي ننام
عقدت حاجبها بخجل وكتبت:عساس توديني للبيت؟
ضحك رائد بخجل وهز راسه بأي:نص ساعه اجلسي معي هم
هزت راسها بتمام و اشرت له يجلس بجنبها،جلس بجنبها و بدأ يسرد لها تفاصيل يومه،وهي تاره تسمع له وتاره تسحب القطوه تعلب معها،وهو تاره يتأملها وتاره يبعد القطوه بغيره.