[Unicode]
တစ်ယောက်က သူ့မိသားစုမျိုးနွယ်မှာ လျှို့ဝှက်ဆေးစွမ်းတစ်လက် ရှိတယ်ဆိုပြီး အခိုင်အမာ ပြောလာတဲ့ သိပ်မရင်းမနှီး အနုပညာရှင်လေး၊ အခြားတစ်ယောက်က ဆေးပညာလောကရဲ့ အတော်ဆုံး ဆရာဝန်ကို သိပါတယ်လို့ ပြောတဲ့ တရင်းတနှီး ရှိပြီးသား Big Boss ။ CEO ဟွမ် ဘယ်တစ်ယောက်ကို ယုံမှာပါလိမ့်?
သေချာပေါက် ရုန်ချင်းပေါ့ !
ရုန်ချင်းက ဒေါက်တာအဲရစ်ကို သူတို့အတွက် လှမ်းဆက်သွယ်ပေးနိုင်တယ်လို့လည်း သူ ကြားရော CEO ဟွမ်တစ်ယောက် ချက်ချင်း စိတ်လှုပ်ရှားလာရတော့တယ် :: "တ...တကယ်? CEOရုန်က ဒေါက်တာအဲရစ်နဲ့ တကယ်ကြီး မိတ်ဆွေတွေပေါ့နော်? အရမ်းမိုက်တာပဲဗျာ! ဒါဆိုလည်း ကျွန်တော် CEOရုန်ကို ဒုက္ခများစေမိပါပြီ!"
သူ့စကားထဲ '您' ဆိုပြီးတော့တောင် မသိလိုက်မသိဘာသာ သုံးနှုန်းမိသွားကာ သူ့စိတ်ထဲ ဘယ်လောက်တောင် ကျေးဇူးတင်နေလဲဆိုတာ ပြသနေပါတော့တယ်။
^ '你' (nî) က ရိုးရိုး 'you' ပါ။ '您' (nín) က ကိုယ့်ထက် ဝါကြီး၊ဂုဏ်ကြီးတဲ့ လူတွေ၊ အထင်ကရပုဂ္ဂိုလ်တွေ၊ ကိုယ် လေးစားရတဲ့ အကြီးအကဲတွေနဲ့ စကားပြောဆိုတဲ့အခါမှာ တလေးတစားဖြစ်အောင် သုံးနှုန်းတဲ့ 'you'ပါ။ ^
ဒါပေါ့။
ဒယ်ဒီ တွေးရင်း သူ့ကိုယ်သူ ကျေနပ်ဂုဏ်ယူနေလေရဲ့။ ဒယ်ဒီက ဒီလိုပဲ မိမိုက်နေရမယ်လေ။
တစ်ဖက်က ဟွမ်ကတော်ကတော့ ဘေးကရှောင်းဇီချီကို ကြည့်ပြီး အနည်းငယ် အားနာနေခဲ့တယ်။ ဒါမဲ့ ရုန်ချင်း ဘယ်လိုလူမျိုးလဲဆိုတာ သူ(မ) သိတယ်လေ။ ပြီးတော့ အဲ့ဒီဒေါက်တာအဲရစ်၊ သူ(မ)က သူ့ဂုဏ်သတင်းကို ပိုပြီးတော့တောင် စောစောကြားဖူးထားတာ။
အဲ့ဒီဒေါက်တာအဲရစ်က တစ်ကမ္ဘာလုံးမှာ နာမည်အကြီးဆုံး ဆရာဝန်တစ်ဦးပဲ။ သူက 'မျိုးမပွားနိုင်ခြင်း(မြုံခြင်း)' နယ်ပယ်မှာ အထူးပြုပြီး ကမ္ဘာအနှံ့က လူချမ်းသာမိသားစု အမျိုးမျိုးရဲ့ မျိုးဆက်ပြန့်ပွားနိုင်ရေး မျှော်လင့်ချက်ကို ကူညီဖော်ဆောင်ပေးနေသူတစ်ဦးလည်း ဖြစ်တယ်။
YOU ARE READING
Big Bossကြီးရဲ့ကိုယ်ထဲ ကူးပြောင်းပြီး ဗီလိန်လေးကိုအရယူမယ် {ဘာသာပြန်}
RomanceDon't repost the commissioned Fanart CV anywhere for commercial purposes! Artist (IG Acc) - AeriCM_sknrm7s ✨ Novel name နဲ့ information အပြည့်အစုံကို အထဲမှာ ရေးသားပေးထားပါတယ်။ I do not own the novel. All credits go to the original author. Start Dat...
