وهم ابليس69

الحلـقة الثانيـة🔥

#وَهَـم إبلـيس69
بــقلمي الڪاتبة فيࢪوزة

‏لا يعشقُ الوردَ إلّا من يشابهُهُ
‏فارفِقْ بنا إنّنا للـوردِ عشــــاقُ♥️

متابعة للحساب fe_ro21+ التصويت+ التعليق بين الفقرات=♡

الحلـقة الثـانية🔥

          ︵‿︵‿︵‿୨♡୧‿︵‿︵‿︵   

وَهَـم:

ابتعد عني وگام وگف مسح شفايفو بإيدو وشرب رشفة من الزقوم يلي شايلو بأيدو بعد ماانتهى شمر القنينة ؏ الحايط بقوة تكسرت القنينة وصارت مثل الرماد..

صرت اصرخ بهسترية خايفة يسوولي شي منو الي؟؟ منو راح ينقذني من هالكلاب الجائعة؟؟...

بعد مَفتحو الأغنية صارو كلهم يتراقصون مثل الگاعدين بملهى انتهزت الفرصة بما انو محد منتبهلي ولاهين بروحهم...

استعديت للرگض وگفت وانتبه واحد منهم وعيونو صارت عليه واني بسرعة ضربتها رگضة ماحسيت والا اني اسد بااب بيتنا شفت امي و شَـهم وزهرة اجو ناحيتي يرگضون

امي: ولج صخام الصخمني ولج وينج وين رحتي شبيييج احجي شبييييج؟؟؟

شَـهم: ماما ريلاكس دخليها تجر نفس شبيج اخذتيها حاصل فاصل...

امي: ولج يالمصخمة يالملطمة كل يوم تشلعين گلبي وتخلين النار تلعب بية وينج ليش متأخرة هيج وين جنتي؟؟...

وَهَـم: جـ.. جنت...دادور شغل...

- دورين شغل بنصاص الليالي؟؟؟ ولج ويييين جنتييييي؟؟؟

نزلت دمعتي خفت من صريخها بوجهي بس اذا انطق بشي بعد الشارع ما اشوفو ولا اگدر اشتغل حتى تشبع معدتنا...

وَهَـم: والله وروح ابوية جنت دادور شغل اخذني الواهس ومااشوف الا الدنيا مظلمة...

-امشي گدامي امشي اني اعلمج بسيطة...

دخلت امي گدامي فايرة و شَـهم تهز بأيدها ودخلت اما زهرة گعدت يمي تواسيني...

زهرة: وَهَـم كافي لتبكي امي خايفة عليج لان اول مرة هيج تتأخرين وهواي ضل بالها...

وَهَـم: امشي ندخل الجو بارد...

سحبتها من أيدها ودخلنا رحت للحمام اشوف ضهري لِحُسن الحظ محد انتبهلو اخذت ملابس وغيرتهم واخذت قطعة قماش ولفيتها ؏ ضهري وربطتها منيح خوفاً احد يشك بشي..