وهم ابليس69

البـارت السـادس والثـلاثون🔥

#وَهَـم إبليـس69
بقلـم الڪاتبة فيـࢪوزة🦋

بعدها عيونيٰ ماهملت تفاصيلك ♥.

متابعة للحسابfe_ro21 +التصويت + التعليق بين الفقرات=♡

〜〜〜〜〜𓇼〜〜〜〜〜

وَهَــم:-

لحظات صمت والهدوء چان سيد المكان واحد يعاين بوجه الثاني أور واگف بالباب وعلامة الأستفهام والتعجب مرسومات ؏ وجهو...

قاطع هالسكون صوت هود يلي توجه بأتجاه أور بابتسامة...

هود:عااش من شااافك..

ردة فعل أور چانت غير متوقعة عيونو چانت بس عليه حيث من تقدم عليه هود دفعو بشكل قاسي من كتفو تراجع هود للخلف وارتطم بالحايط بقوة...

اجه بأتجاهي بنظرات خوف وتوتر شكو واحد گدامو دفعو وگف فوگي ومسح ؏ راسي بأيدو اردف بهمس...

أور: شبيچ؟؟...فُله شنو مريضة؟؟

التفت عليهم واگفين ورا اردف بعصبية مُفرطة...

أور: شبيهااااا؟؟؟..

أمين: مريضة...

أور: شبيهاااا مريضةة؟؟؟

هود: ليش تعيط؟؟ مريضة يعني حالها حال الأوادم من تمرض...

أور: طلعوووو برررى...

-هذا شبي مگروص...؟

رُمقها أور بنظرة خنست منها اخذها أمين ووراهم هود وطلعو راح سد الباب وشمر سترتو بالأرض واجه گدامي صعد ؏ السرير واجه يمي...

أور:فُله...شبيچ احچي؟؟...

عصرت بطني بقوة وانهاريت بالبچي هو تخبل يگوم ويگعد يحتار شنو يسوي...حضن وجهي بأيدو واردف بعد ما ابتلع ريگ وبأنفاس لاهثه...

أور: أنيس!!!...مسويلچ شي؟؟...احچييي...

ما حچيت لكن بُكائي يزداد اكثر واكثر من الألم هو سحبني ناحيتو وحضني بقوة ويمسح بأيدو ؏ شعر راسي من الخلف...

مرت ساعات ؏ هالوضع الى ان حسيت اتحسنت شوي و الالم ما زال لكن خف واحسن من الصُبح...

ابتعدت عنو واتكئت ؏ تاج السرير هو گام راح للحمام ثواني وطلع يرگض وبأيدو الشريط يلي كاسرتو بالنُص وگف وتخشب بمكانو وبؤبؤ عينو يتراقص برزو عروق جبينو بحدة وجهو انقلب للأحمر...

حكى برجفة وهو يعاين ؏ الشريط بأيد تُرجف...

أور: انتي حامل؟؟؟؟...

ضليت صافنة ومانطقت بشي اجه وگف يمي وگعد ؏ ركب رجلو لزم ايدي بقوة وحكى بتركيز...

أور: وَهَـم...احچيلي اروحلچ فدوة...عقلي راح يوگف...