وهم ابليس69

البـارت الواحـد والعشـرون🔥

#وَهَـم إبليـس69
بقلـم الڪاتبة فيـࢪوزة الشمري🦋

القَصيدة المو عَلى عيونچ حَرامات الحِبر بيها .. 🔥

متابعة للحسابfe_ro21 +التصويت + التعليق بين الفقرات=♡

⭒─ׅ─ׂ─ׂ─ׅ─ׂ─ׅ─ׂ─ ۰ ★ ۰─ׂ─ׅ─ׂ─ׅ─ׅ─ׂ─ׅ─⭒

<وَهَـم>

فتحت عيني ؏ صوت أغنية كُلش عالي لازمة راسي يلي صاير طبّلة وحيل يأذيني احسو راح ينفجر رفعت عيني اشوف روحي بسيارة صار گدامي گاعد يسوق واني بالمقاعد الورا اسمعو يدندن ويا الأُغنية يلي حاطها وصوتها كُلش عالي احس راسي ينبض ويا الدگ مالتها...

هو ويسوق يترك الستيرن ويطُگ اسبع ويغني مرة بصوت عالي ومرة ينصي مندمج كُلش رايح حتى ما حس عليه من گعدت چان حاط نفس الأغنية المُعتادة يلي دائماً يسمعها...

تطـگ بُركـان ولـد محمد سبـاع
تطـگ بُركـان ولـد محمد سبـاع
ابـد مَتنـام علـي علـي
عِدهـا زلام علـي علـي
وبيـهه الِقبـلة مَحميـة
بنـت البصـرة صَـدريـة
مَـدينتنا الحـيانيـة بنـت البـصرة صَـدريـة..

دفعتو حيل من كتفو هو فز مخترع وگف السيارة ؏ الرصيف واندار عليه صرخت بوجهو لازمه راسي هيچ راح اتقيئ من الالم والعبان النفس...

وَهَـم: نصيييي أذنيييي نطرررشت شنو متسمع مخليه هلگد عالي؟

حكى بأبتسامه لابس نظارات شمسية وبدلة رسمية سودة بعد ما ندار عليه...

أور: صح النووم فُله...

خزرتلو وحكيت: نصييي نصيييي...

دار نصى ورجع التفت عليه لمحت ايدو ملفوفه تذكرت انو اني هيچ اذيتو ضحكت ضحكة جانبية ورجعت گعدت عدل..

أور: تضحكين ؏ أذيتچ الي؟ حسبالچ تأذيت حشرة وگرصتني...

وَهَـم: اي خوش..

أور: تردين تاكلين شي؟

وَهَـم: زقنبوت بطنك اريد...

أور: للأسف مامتوفر عدنا بالعراق...

وَهَـم: باع التفاهه يالله...

أور: تفاهه لو برتقالة...

وَهَـم: ويييع جبح ميلوگلك...

أور: اي اعرف ميلوگلي هيچ شخصيتي ثگيلة...

يحچي جد ومصدگ روحه ويضحك هزيت بأيدي ودرت وجهي للجام اعاين ؏ الشوارع هاي صارلي هواي ما شايفة العالم فجأةً قاطع تفكيري وصار يطرح عليه اسألة...