وهم ابليس69

الحلـقة الثـالثة🔥

#وَهَـم إبليـس69
بقلـم الڪاتبة فيـࢪوزة
‏

بيضاءُ ناعمةٌ والخدُّ كالوردِ
‏ما للْجَمال وللإبهارِ منْ حَدِّ..

متابعة للحسابfe_ro21 +التصويت + التعليق بين الفقرات=♡

الحلـقة الثـالثة🔥

تـنبيـه: يحتوي البارت ؏ مشهد غير ملائم للجميع ..

⎽⎽⎽⎼⎻⎺⎺⎻⎼⎽⎽⎼⎻⎺⎺⎻⎼⎽⎽⎼⎻⎺⎺⎻⎼⎽⎽⎼⎻⎺⎺⎻⎼⎽⎽⎼⎻⎺⎺⎻⎼⎽⎽⎽⎽⎽

زهـرة:-

جان شغُل اليوم مُتعب بالنسبة الي لان هواي حملت صناديق وهواي سويت اشياء الشاب مايگدر يسويهم اما بالنسبة لشَهـم فـ جانت طول الوقت سارحة وتبتسم..

لبسنا مثل لبس وَهَـم ولفينا شماغ ؏ وجهنا لحتى منبين انو نحنا بنات لكن صار شي متوقعناه ابد...

صاح علية صاحب الدكانة وطلب اشيل صندوقين سوا ماحكيت شي لان اذا هيج اسوي واشيل بدون كلام يزيد من الاجرة وناخذ حقنة وزيادة فـ رحت واخذت الصندوقين وخليتهم بمكانهم المطلوب..

صاح مرة ثانية ؏ شَهم بعد ما شافهه صافنة وبالها بغير مكان...

- هيييي مو داحجي وياك تعال يلا شكو صافن..

اخذت شَهم الصندوق وبالشقة ضربها صاحب الدكانة من الخلف وضحك وگال..

- اي هيج مو گاعد وصافن...

وگفت شَهم منصدمة شلون هيج يسوي هالحركة واني متجمدة بمكاني مااتحركت شوي واستوعبت هسه شَهم تسوي مصيبة..

رحت بسرعة سحبت الصندوق من ايدها وخليتو بالارض لزمت ايدها وتدفعني شَهم بقوة وتلزم صاحب الدكانة من ياختو وتصرخ بوجهو..

شَهم: انت متستحي شنو هالقلة الادب هاي دشوف شطولك شعرضك ابن الـنعال والله لو مال رجال جبير جان ايدك اكسرها..

اني صفنت وصاحب الدكانة ميعرف شيحكي ؏ غلط وصياح شَهم بوجهو لو لان عرف انو هي بنت..

دفعتو وسحبتني من ايدي وطلعنا وهذا الحكي كلو وصاحب الدكانة مانطق ولا بكلمة..

رجعنا للبيت وشَهم صايرة بركان شوي وتنفجر لكن كُل شي صار خلتو ورى ضهرها وانرسمت ابتسامتها من شافت محمد يطلع من باب بيتو..

عاينت عليها انرسمت ابتسامة ؏ عيونها وهي تناظرة وهو كذالك يبادلها النظرات صارو قريبين ؏ بعض واحد مقابيل الثاني نطق محمد بعد ما سحب سيجارة وفتح عليها النار وخلاها بين شفايفو..

محمد: ما يلوگلج تدرين؟؟

ابتسمت بدلع وردت: هههه ليش؟؟

محمد: اُنوثتج مبينة بكُل شي بمشيتج بعيونج بصوتج يعني هاي مالت الشماغ والبس العريض ميفيد...