وهم ابليس69

البـارت الثـالث والثـلاثون🔥

#وَهَـم إبليـس69
بقلـم الڪاتبة فيـࢪوزة🦋

- التِرافة البيّك عَبرت ع الورد صّوبَين ♥️..

متابعة للحسابfe_ro21 +التصويت + التعليق بين الفقرات=♡

╺────────╸⋆╺────────╸

شَهم:-

هواء عالي ونسمات باردة تضرب ؏ جسمي اليرجف مطر خفيف يتساقط وغيوم حالكة السواد تغطي السماء شوارع مليئة بمياه الامطار والطين وصوت الرعد بعيد خفيف...

حاضنة روحي وامشي بشارع فارغ عيوني تذرف دموع وحالتي ميؤوس منها احس شوي واوگع بالأرض الناس اليمي تتراگض حتى لتتبلل من المطر واني ملابسي داتلتصق بجسمي...

اشهگ وابچي وروحي متهالكة انفاسي ضيقة وثقيلة جسمي يُرجف من البرد رفعت ايدي ونزعت لشماغ وخليتو ؏ كتفي ونزلتو ؏ صدري وگفت حتى اعبر الشارع عيوني مغوشة من الدموع والمطر...

مااشوف شي گدامي احس اذا عبرت راح اندعم واموت مسحت عيوني بقوة وشفت ماكو سيارات عُبرت بسُرعة ودخلت لفرعنا واوگف من اسمع صوتو غمضت عيوني بقوة وكملت مشيتي لزمت الباب ويصيح بأسمي بتوتر...

هِلال: شَهم بس شوي من وقتچ كُلش شوي...

مالتفتت عليه اكتفيت اعاين ؏ الباب واحچي بتثاقُل وعدم اهتمام وبرود...

شَهم: مااگدر...ياريت بعد ما تجي لفرعنا...

فتحت الباب ودخلت وسديتو رفعت راسي لفوگ ابچي بحرقة نهااريت گعدت بالأرض اصرخ ويا صوت الرعد القوي بصوت عالي...

؏ صوتي طلعو زهرة و رقة وگفو يم باب المطبخ خايفات ومُرتعبات و؏ وجههم الف علامة استفهام مرسومة من شفتهم خايفات مسحت دمعتي وگمت عبرتهم ودخلت داخل البيت...

فتحت باب الحمام ودخلت غيرت ملابسي ونشفت روحي وشعري وطلعت رحت تمددت بالأرض حاضنة نفسي بقوة اتراجف اجو اثنينهم يمي گعدو اردفت زهرة بخوف وقلق وتوتر...

زهرة: شَهم...شبيچ؟! ليش داتبچين!؟ صار شي..شفتي شي خلاچ هيچ تنهارين؟!

ما جاوبت عليه ضليت ساكتة شنو اگول وشنو احچي يعني اگللهم امكم دخلت بيت رجال غريب ماادري شنو تسوي عندو شفت إبتسامتو ؏ وجهو لو شنو بالضبط يعني كلام ياسين كُلو صح وما كذب بحرف...

همست رقة لزهرة: امشي خليها ترتاح بعدين نرجعلها...

گامو اثنينهم عني وطلعو من الغُرفة ضليت وحدي احس بروحي داأموت بهذا المساء بـ زوايا هالغُرفة الرطبة بصمت عذب مُرعب محتضنة گلبي..

كُل شي بداخلي يذبل و بدأت صلاحيتو بالإنتهاء ما كنا ندري انُ الضربة القسوة راح تجي من ايد يلي دائماً نگول عنها انُ تداوي جروح وتلمس الروح بلطف او يلي ذكرها رب العالمين وگال عنها انُ تحت اقدامها الجنة..