وهم ابليس69

البـارت الـواحد والأربـعون🔥

#وَهَـم إبليـس69
بقلـم الڪاتبة فيـࢪوزة🦋

وبـغزل عراقي : هيج من اللّـه تخبلت بيچ...🔥

متابعة للحسابfe_ro21 +التصويت + التعليق بين الفقرات=♡

⭒─ׅ─ׂ─ׂ─ׅ─ׂ─ׅ─ׂ─ ۰ ★ ۰─ׂ─ׅ─ׂ─ׅ─ׅ─ׂ─ׅ─⭒

شَهـم:-

صدمة چبيرة بالنسبة الي معقولة يلي دااشوفو گدامي حلم ومو حقيقة؟؟ معقولة هاي وَهَـم توأم روحي؟؟ لو اني دااتخيل؟؟...

عيوني موسعتهم وفاتحة حلگي اعاين عليها وافرك بعيوني ابد ما مصدگة نزلت دمعتي واني اعاين عليها من فوگ لتحت كُل شي متغير بيها...

وجهها الدائري صاير كُلش ضعيف عيونها الحلوة ذبلانة هالات سوداء مثل المتكدسة تحت عينها جسمها حيل ضعيف عبارة عن هيكل عظمي بس...

شعرها خفيف حيل وجسمها يرعش عيونها بياضهم احمر وشفايفها متشققة عروگ ايدها بارزات كُلش يعني ابد مو وَهَـم القديمة يلي اعرفها...

تقدمت عليه واني في حيرة من امري ومصدومة نطقت بشهگة قوية شگت گلبي بعد ما سقطت دموعها بغزارة ؏ خدها مُعلنة انهيارها التام...

وَهَـم: شـ شَهم...

طفرت عليه وحضنتني بقوة دخلتني داخل جسدها وصارت تبچي بشهگات وبصوت عالي من خلال بچيتها حسيت شگد متأذية ومتهالكة...

رفعت ايدي وسحبتها عني اعاين لوجهها رجعت حضنتها بقوة ودموعنا مثل المطر الغزير تتساقط ؏ خدودنا نهاريت ما مصدگة ابد اسحب بيها بقوة واحضنها...

ابتعدت عنها وسحبتها من ايدها ودخلتها جوى ورجعت حضنتها مرة ثانية بس احس لساني معقود اريد احچي اصيح بأسمها اريد اسمع العالم كُلو بأنُ اختنا الباعتها أمي رجعت لبيتها...

رگضت دخلت البيت اصرخ بعلو صوتي وابچي واتراجف اعاين ؏ زهرة و رقة كُل شي مافاهمات صرخت بأقوى ما عندي بوجههم...

شَهم: ولكممممم وَهَـم رجععتتتت وَهَـم رجععتتتت للبييت رجععععتتتت...

عفتهم وطلعت برى وهم اجو وراي يتراگضون تراجفت شفايف وَهَـم وهي تعاين عليهم ونهارت بالبچي وهم مثل المامستوعبات الشي يلي گدامهم...

تقدمت عليهم وفتحت ايدها تريدهم يغطون داخلها تريد تحضنهم بقوة وهم ابد ما قصرو رگضو اثنينهم وحضنوها بقوة صار البچي مالو والي يبوسون بيها من كُل مكان ويقوة...

رگضت عليهم وتحاضنه اربعتنا ونبچي والكُل صار يبچي ويانا شوي وابتعدنا عن بعض تغيرت اجوائنا من البچي للضحك من اردف...

هِلال: شنو بس بقت عليه اني هم اريد ابچي...

سحبت بأيدها ودخلنا كُلنا جوى گعدنا دايرها شوي وگُمت اجيب ميّ دخلت للمطبخ امسح اخر دموع نزلت غسلت وجهي واخذت كاسات ميّ لحُسن الحظ باقيات عدنا وردت اطلع اروحلهم ويدخل هِلال...